وينك ياراجح

[مروان]

بأرض الشعر ياراجح ويوم السّبَق=كل مين قدّم لون عَ فْكارو انطبق
مرّات فاحت كلمتك ورد وحبق=مرّات باب الموهبه بوجهك طبق
الشعر بالدنيا طبق والمشكله=شو رح تقدّم للخليقه عالطبق

[راجح]

ياشعر لولا عالتحدي صاح ديك = بتعرف خيول العبقريي من الدبيك
***
ومروان عمتسأل على المنبر نبيك = شو رح يقدم للعدوّ وللشريك
بقدم عقارب ساعة الشعر الجديد = وبترك عقارب بوعلي* تَ تـْغزّ فيك
**

راجح

* بوعلي : المقصود طبعا بوعلي الأخير

[مروان]

جايي أنا إروي الحقول الماحلي=ولاعب الغيم اللي بسمانا معتلي
بَوّس العين ال بالدموع مغَسّلي=وهدهد القلب اللي بحياتو مبتلي
ودقّيت عابابك متل نسمة هوى=بتقوم تحكيني بعقارب بوعلي

[راجح]

المشاركة الأصلية كتبت بواسطة مروان

جايي أنا إروي الحقول الماحلي=ولاعب الغيم اللي بسمانا معتلي
بَوّس العين ال بالدموع مغَسّلي=وهدهد القلب اللي بحياتو مبتلي
ودقّيت عابابك متل نسمة هوى=بتقوم تحكيني بعقارب بوعلي

دقدق على بوابي وانطر حدّها = قبلك حسن بنوت إيــدو مدّها
وهيدي العقارب بوعلي بيشدّها= وكـمّـاشـتـو للقرصنه بيعدّها
لكن (ع قارب )راجح بْ بحر الجمال=لولاطلعت ,رحلة عمر بتعدّها


راجح

حبيب القلب بوعلي بيتحمل كتير

[مروان]

من ريحة الدّخنه عرفنا نارها=ومن ورقة الزهره عرفنا بذارها
غيومك بعد مابيّنت أمطارها=عرفنا أصولا وبحرها وسرارها
مازال في عندك بحور من الجمال=ليش هاجرو من شطوطها زوّارها

[راجح]

المشاركة الأصلية كتبت بواسطة مروان

من ريحة الدّخنه عرفنا نارها=ومن ورقة الزهره عرفنا بذارها
غيومك بعد مابيّنت أمطارها=عرفنا أصولا وبحرها وسرارها
مازال في عندك بحور من الجمال=ليش هاجرو من شطوطها زوّارها

**

القلبو حجر, بالحب مش رح يلتقى = مهما بنهر الشاعريي ينسقى
ويللي بشوكه من الجهل عينو فقا= مش رح بيقرا أبجدية زنبقه
ومن هيك حوا وآدم بحسب الكتاب = هجرو السما وعالأرض نزلو للشقا

**

راجح

[مروان]

لا تذم يلّي هاجرو وترْكو المكان=هيدا ناموس الكون عجبين الزمان
شوف النوارس كل سنه بتهجر كمان=حتى تصون جيالها وتبقى بأمان
ولو ما هجر آدم وحوّا من السما=مابان بقلوبن حنين ولا حنان

[راجح]

المشاركة الأصلية كتبت بواسطة مروان

لا تذم يلّي هاجرو وترْكو المكان=هيدا ناموس الكون عجبين الزمان
شوف النوارس كل سنه بتهجر كمان=حتى تصون جيالها وتبقى بأمان
ولو ما هجر آدم وحوّا من السما=مابان بقلوبن حنين ولا حنان

الوقت لمااشتاق للماضي نصب = فخّ النّحو وبفتحة الفعل انّصب
ولما نسيم الروح عالشّوق انغصب = نمّل حنين قيامتو لحن القصب
وهيك الوجع لو رفّ ع راس الغصون = بدّو يغطّ ن بنّجو جذر العصب

**

راجح

[مروان]

حَسّن ياراجح هالقوافي القاصره=ماني معك جايي تَ إلعب باصره
الأشواق للروح المحبه عاصره=وبتظل بالمهجر القلب مْناصره
وبْدونها من الرّحم لا هاجر جنين=ولا كان خِلْق الناصري بالناصره

[راجح]

المشاركة الأصلية كتبت بواسطة مروان

حَسّن ياراجح هالقوافي القاصره=ماني معك جايي تَ إلعب باصره
الأشواق للروح المحبه عاصره=وبتظل بالمهجر القلب مْناصره
وبْدونها من الرّحم لا هاجر جنين=ولا كان خِلْق الناصري بالناصره

بالليـل لمـا سقّـع تـراب الضـجـر =شقّ الحنين الأرض تاطلّع شجر
والدمع يللي بعتمة صخورو هجر= فجّر حياتو نهر ساعة ماانفجر
وماضلّ الا أنت حجره بْلا شعور=واليوم بدي كسّـرك متـل الحجـر

**
راجح

[مروان]

تْركني حجر مع إخوتي بقلب العَمار=يلّي الهَرَم بيناتهن حط لسرار
فيّي اختبتْ لفنون وعلوم لكبار=وعا جبهتي بتِقرا عن جدودك خبار
بتظَل حجره بْلا شعور بهالدني=أحسن من شْعور وبِكَسّر بالحجار

[راجح]

المشاركة الأصلية كتبت بواسطة مروان

تْركني حجر مع إخوتي بقلب العَمار=يلّي الهَرَم بيناتهن حط لسرار
فيّي اختبتْ لفنون وعلوم لكبار=وعا جبهتي بتِقرا عن جدودك خبار
بتظَل حجره بْلا شعور بهالدني=أحسن من شْعور وبِكَسّر بالحجار

اتركني أنا كسّر حجار مدهّبـي = بتمثال باع النفط ت يكوّم عبي
وكسّر حجار عْلى ضريح المكتبه=ت يقوم عاصوتي مسيح الموهبه
قبلي النبي كسّر صنام المشركين = نقّي مابين المشرك وبين النبي
**
راجح

[مروان]

قلبي انفطر عَمحبة العقل الأبي=نْ كَنّو نبي ولاّ قليل التجربي
وبين النبي والمشركين، بمذهبي=هيدي قضيه واضحه ومْبَوّبي
لولا العتم ماكان في نور انتشر=لولا الكُفر ما طَل عالدنيا نبي

[راجح]

المشاركة الأصلية كتبت بواسطة مروان

قلبي انفطر عَمحبة العقل الأبي=نْ كَنّو نبي ولاّ قليل التجربي
وبين النبي والمشركين، بمذهبي=هيدي قضيه واضحه ومْبَوّبي
لولا العتم ماكان في نور انتشر=لولا الكُفر ما طَل عالدنيا نبي

مين قال لولا العتم مافي نور, روح = دوّر عألله من الأزل موجود روح
بتضوي الدني,وبالعتم لولا ناح نوح=وحبّيت أنتي تنوح متلو روح نوح
العتم نقص النور, والطوفان فيك = وفلْك للي داوى جرح بيداوي جروح
**
راجح

[راجح]

حبيب القلب مروان
عندي سفره , أقل من عشرة أيام وبرجع ..لاتواخذني وبدي اشتاق لشعرك بهالغيبة.. أنت قبضاي , أنت شاعر أكابر
عقولة ستي: (فش أحلى ) من اللعب معك ومع عصام

منحكي وقت برجع



راجع عفوا راجح