ابتسم يا شعر لا تـوقع بـحـيـري =انا فـي عجنـتك صرت الخميري
وحـتـى بـنـتـك الافـكـار تـوحي=ما بدي تشيل من تحتي الحصيري
أسيرك صرت لا تزوّد جروحي=جـروحـي قـدّ شـعّـارك كـتـيـــري
أنا تا تعــرف العـالم طـمـوحـي=تــا أرفــع مـسـتـواك بذوب غيري
بصدق العاطفة بسيّج صروحي=وما بـطـمـع استـعـير المجد عيري
ومصيرك انت يا عايش بروحي=ما بــدّي قـول مــربوط بمـصيري
بــس بـقول عا مراية وضوحي=انـا جـنـــدي بجيش الشعر , همّي
اعمل واجبي وريّح ضميري
**
بشار ابراهيم

سحبت ريشة و حـبر من دِرجي = و ورقة بقلب الدِرج مندرجي
و مطرح مَ قلّي المجد قوم طلاع = علقت عــيوني بأوّل الدَرجي

قلّي شو صرلك مد صوبي الباع = تَ ارفعك عمــــــلاق عَ برجي
حسّـــيت بالآلام و الأوجـــــــاع = و صارت كأنّو حالتي حرجي

قلت كيف بحــــــــــس بالإبداع = و بسرج عَ خيل الموهبي سرجي
و شايف شفيق لْ منزوي ملتاع = و بالقِِلب راكب مُهــــرة العَرجي

يمكن شفيق بقلب صحرا ضاع = و صار يحــــــلم حـــلم بالمرجي
شعرو ضحل راكد بعـــتم القاع = لا تفضــــــــــحو قدّام جوهرجي

من كتر مَ بقلبو حشو بيـــــساع = ما بْتعرف المطـــلع من الخَرجي
و كل حرف مــــــلزّقو بْلمّـــاع = مَ بتـــــــــسحبو بقدّوم كِندرجي

عزمتك على بيت القصيدة شعاع = حتّى شو في عندك حلا تفرجي
طلعت برأي الشـعّار بالاجمـــاع = متل لْ فتح صــــــندوق للفرجي

قلــــــــــت بدّي ارفعك لقـــــلاع = مجدي و لو ما كـنت من خَرجي
مدّيــــت ايدي رَدْ ايــــــدو دراع = كــــــــيف بدّي ارفــــعو و علّيه
عيونو لَ فوق و ما بيـــــسترجي

**
شعر عصام يوسف


---------------------------

يـا فاتـح الاشعـار وقّفنـي= شطّك اللي صار يعرفنـي
زرعني انا والورد عندك توم=وكلما قطفتو ب ايدك قطفنـي
والشمس كلما فاقت من النـوم = للبحر بتزورو بعـد صفنـي
ودغري ع مشتاوي بنفس اليوم =بتتسبح وترجع تشّتـي شعـر
وتشهق بورد الشام نشّفني

ياساجي بين حزني وابتهاجي =الزجل طالع ونازل عادراجي
وهدير البحر عشواطي سومطره = طفل أخرس اذا هاجت مواجي

أنا القرصت قرص الشمس خطره=وجعلتو فوق طاولتي كماجي
وقطرت السما قطره وقطره=بليل الموهبه بكركة مزاجي

ياساجي وقت مابتسأل"المطره"=عالمحبه أنا بفيلت نعاجي
وبصحى بين مطره وبين مطره =وببكي شوي مع أطلال "ناجي"

أنا عامنبري شاعر الفطره= اسمعني مليح وتذكر ياساجي
بغني..برج روحي بكل شطره=السما بترجرج على ارتجاجي

ولأنو بعد عندي دروب خطره =حاجي بح صوتي هون حاجي
ويمكن تنطرو وتطول النطره= قبل ما أنفخ ببوق القيامه
وقبل ماتقشعوا بالشعر تاجي

**

ضهرك تحت حملي قص قصه = حلقنالك نعيما هيك قصه
أنا هالأكبر من السندياني = مابتعلم أدب من عرق فصه

قصب سكر عطيتك من حناني = مصيتو وصرت مع كل مصه
تتلحمض على سنين الحضاني = الضاعت بين فرصه وبين حصه

وهلق قوم جرب عنفواني = القدح نار وترك بالتلج بصه
ورماك على أرض جمحة حصاني = عمتنازع متل تور المخصى

التحدي خمر هايج بالقناني = وأنت عطشان وبقلبك الغصه
وكبس زندي على الرقبه الملاني = وياويلك لو بعصك بس عصه

زمان الشعر ياجعفر زماني = واله الحرب بسيوفي توصى

واذا بيجن عالمنبر جناني = أنت وكلشي بعدك وقبلك
بتصفو بدنيا الشعر قصه

ياشعر عَ جناحك أنـا برتـاح =وعَ نصوص قانونك أنا ماضـي
ببقى معك فوق الأرض سـوّاح=وبالعاصفه مْخاضك من مْخاضي
***
كنت بزمانـك تنشـر الأفـراح=وتَّشتش الزعـلان والراضـي
وبخيمتك نعزف رنيـن قـداح=ويتعانـق المتهـوم والقاضـي
***
لكن بإسمك صار عِنّـا سـلاح=يضرب على المليان والفاضـي
ومن ريشك الشعّار عِمْلو رماح=وإنتي عليهن هيـك متغاضـي
***
ياشعر لِمّ مـن لقلـب لجـراح=وضَلَّك معي قاعد عَ رمش الغيم
نبكي أنا وايّاك عالماضي

**
شعر مروان
------------------------------


تعليق راجح

**
**


شرق الشمس داري وخلف داري=سما.. فيها بکفّي نجوم داري
وطقسي لحن بيزنطي بتسهر=عصوتو الريح تايطلع نهاري
**

خلِقت كون وتحجم الكون يكبر=قْبَعِت سقف الخيال بطلْق ناري
وشفت موسى زغيب بقصر مرمر=وضحكلي وقال كيف حالك ياجاري
وعطاني كاس من غيمو المعصّر=عبير متلّتو بصدر الحواري
وعطيتو خبز تجديدي المقمّر=ع صاج ملوهج بلمعة قماري
وصفي يسكر ويوعى وصرت أسكر=وأوعى بانبهارو وانبهاري
**
ويابنّوت: القساوه مابتظهر=اذا ماكان خصمي من الضواري
وأنت قرقور عالمنبر زغيّر=ولولاالصّوف دبحك مش تجاري
**
وقت دفشوك رفقاتك ت تثأر=بعدما تقهقرو من انتصاري
رجعوا فيك شمتوا وقت زمجر=المحيط الأطلسي و غرّق "كناري "
**
وعلى حفلة زجل لُو رفيق فکّر=تيعزمني وجنابك عمتباري
مارح أدفع تأسمع هيك محضر=أنا بعطيك تاسكت مصاري
**
لقب البوعلي للزّين کسّر=سيوف وفزّع وحوش البراري
وعلى دورك صفي مشرشح معتّر=فيه يشلّحو سيفو مكاري
**
واذا الزغلول عاقصرو المقدّر=جابك طقم لسنانو عياري
م جابك قبل مابالعمر ختير=وبقصرو صار لازملو جواري
**
وعلى التجديد ياشاعر مأخّر=تعا ت تدوزنك رنة وتاري
التجدد روح من سجن المسکّر=انطلق عن ثورتو كاتب و قاري
ومش مقيّد بجيل وْلا مسوّر=بوقت .. ومش بأصلو انتحاري
أنا بالعمق بحكي .. بحكّ جوهر=المعْنى بلمّعو بماس ابتكاري
بخيالي منبر الكلمه تشجّر=شجرأشقر شرب مهجة جراري
وبعيني تحمّم الالهام أكتر=من الرّمل ل عشطّ البحر عاري
وبقلبي النور ايقونه مصوّر=بترشح عطر بتوشح شعاري
وصرت زعقة جمال بكل منبر=دهنت الريح لونت الصحاري
کأنّي نهر عاصي بمي دوّر=نواعير التحدي عْلى مداري
**
وهلق ياحسن ضلّك تذکّر=مين ل بلّش ب "ذات الصواري"
أنتي طمعت تتباري الغضنفر=وماكانت هالبدايه باختياري
وبعد "أم المعارك" مابتخسر=وبوكرك تختبي وناري تداري
بدي خبرك تالكل يخبر=البدايه مش قراري بهيك عركه
بس نهايتك كانت قراري
***********

راجح

**********************************************
يـا مشتـاوي الـزجـل والشاعـريـي=قـبـل مــا تعـجّـل بحكـمـك عـلـيـي
وقبـل مـا تقـول أنـي مـش مـهـذب=تـعــا نـوضّــح هـالامــور الـخـفـيـي
*****
دخــل عــا منـتـدانـا هـــون ثـعـلـب=بـحـيـلـة مــكــر مـتـلــو جهـنـمـيـي
ومشاكـل عـا جميـع النـاس سبـب=بـظـنــي بهالـقـضـيـه عـنـصـريــي
*****
وانــا شـاعـر لـكـل ملـقـى مـــدرب=تــرد الخـصـم عـــا بـيـتـو ضـحـيـي
وإذا عمـل السـمـا للشـعـر ملـعـب=السـمـا بتسـجـد قبـالـي منحنـيـي
*****
لـمــن صـــار عـالـضـربـات مـتـعــب=وطبل راسو انطوش من تحت ديي
عملنـي إجــر كـرسـي ومــا تــأدب =وأنــا مـرّقـت هالكـلـمـه الشـقـيـي
افـتـكـر حـالــو بهـالـحـجـه تـغـلــب=عــــا إســتــاذ الادب والـعـبـقـريـي
ووقف فـي وجـه موهبتـي مطنـب=ونـسـي قــدرة جوابـاتـي الذكـيـي
*****
ووقـت مـا شـاف حـالـو قــد أرنــب=قـبــالــي زت كـلـمـاتــو الـغـبـيــي
وأنـا لهالمستـوى مـا كـنـت بـرغـب=تـا إنــزل مــن سمـاواتـي العلـيـي
وإذا جـوي بـشـي لحـظـه تكـهـرب=وجـاوبـتــو عــلـــى ذات الـمــزيــي
مــش معناتـهـا الاحـمـق الاجـــدب=ربحـنـي ونـــال شـهــره عالـمـيـي
*****
بموسى زغيب مستقـوي ومعجـب=ومـوسـى مــا إلــو عليـنـا وصـيــي
مـوسـى وصّـلـو حـظـو المهـبـهـب=وانـت حظـك معـي عملـك قضيـي
من غير مدرسه ومـن غيـر مشـرب=ولــو مـوسـى بنفـسـو طـهـر نـيـي
مــا قـضّـا العـمـر يـتـفـزع ويـرهــب=مــن الـزيــن ودروبـــو الحربـجـيـي
*****
وانــــت مـتـلــو بـتـتـخـبّـا بـتــهــرب=وما في عندك ثقـه بنفسـك قويـي
بأسـامـي مــش حقيقـيـه محـجـب=جـبــان وعـــم بتـعـمـل عنـجـهـيـي
بـربـيـع ومـرهــج وأعـــور وأحـــدب=وNoor و kelb ورقــيـــه وعـلــيــي
وسميـر وطانـوس ونـجـم المـدنـب=وجحـا وسـقـراط والعـلـه الخفـيـي
وألف موسى عا جنبك لو بتسحـب=عـلــى حـفـلـة تــحــدي مـنـبـريـي
سـويـه بترضـعـو الـرمـح المـكـعـب=وسـويـه بتركـعـو قبـالـي سـويــي
*****
يـــا مـنـشـار الـتـجـدد يـــا مـقـلّــب=برقـصـة خـلـوعـه وفـلـتـة صـبـيـي
لا بعـتـل هـمــك ولا فـيــك بـرغــب=إن كـبــرت اجــــر للتـقـلـيـد فــيــي
أنــا ركـيـزة أســاس بـكـل مـذهـب=اذا قـصـيـتـنـي أكــبـــر خــطــيــي
الحداثـة مـن نبـوغ الأصــل تـشـرب=المـا عنـدو أصـل مـا عـنـدو هـويـي
وعلـى تـوب الـشـرف إيــاك تـقـرب=شــرفــنــا أرز وقــفــاتــو أبـــيــــي
مــا فـيـي غـيـر قـلـك روح تـضــرب=يـــا مـنـشــار الـتـجــدد والـعـمـالـه
يا ريت تحلّ عن اجري شويي
*****
الشاعر بوعلي حسن بنوت

(من تهنئة للشاعر زاهر حدّو بأول قصيدة بتمشي )


كلمة يابيي كتير حلوي كتير
--------------------------------------------------------------------------------


مـبـروك, صــار البـيـت عــشّ كبـيـر=نــــشالله يــزيــدو فــيــه العـصـافـيـر
ويـصــيــر جــنــبــو بـــعـــد بــبــيّــي=ينامـوا سـوى أخـوي ع فـرد سـريـر
وتـلـعــب مــعــو وتــقـــول يـاخــيــيي=االـيـاس خـدنـي بحضـنـك مشـاويـر
ويــركــد ع خـيــتــو مــتـــل غـنــيّــه=ب "يسعد صباحك" أو "أناوهالبير"
**
بــكـــرا بـيـطــلــب مـــنـــك هـــديّـــي=وبـتـلـفّ قـلـبـك بـالــورق ت يـصـيـر
يــلاقـــي حــنـــان الــبـــي عــيــديّــي=ويـعــرف بــأنــو عـيـونــك نـواطـيــر
ابـــنــــك حـيـاتـك,دحـكـتــو لــقــيّـــي=صــوتــو ِشــلــل تدلـيـعـتـو سـنـانـيـر
بــتــنــام حــــــدو بـــكــــل حــنــيّـــي=ب يــغــلّ فــيــك بتـحـمـلـو وبـتـطـيـر
بــتــفــيــق بـتـجــبــلــو الــنــونــيّــي=بـالـلــيــل أو وجّ الــصــبــح بــكّــيــر
وبــكـــرا وقـــــت بـيــقــول يــابــيــي=مـــافـــيـــك الا تــــقـــــول يـــــــــاألله
كلمة يابيي كتير حلوي كتير
_______

راجـــــــــــــــــــــــــــــــــــــح