بيت من ورق

زاهر حدو · #1 14-01-2008

لإيدَك قواس النصر
المجد اللي اسمو شموخ
من تواضعك مسلوخ
بتبني بإيدك قصر
و بتضل إيدك كوخ
شعر ألبير حرب

slayman · #2 14-01-2008

يا ريت يا استاذ مفلح تنقلنا
قصيدة عاهرة
من ها الكتاب
واذا بتشوف ألبير حرب قلو بيسلم عليك سليمان
تحياتي

زاهر حدو · #3 20-01-2008

يا صديقي سليمان
بالبداية بدي اعتذر ع التأّخر بالرد
بس كنت مشغول كتير أسبوع الماضي و ما قدرت فوت ع الموقع

ع كل حال كتاب ألبير حرب مو عندي بالوقت الحاضر
عم حاول اكتب المقاطع العالقة بذاكرتي
و الفاجرة متل ما بتعرف طويلة و حفظها صعب
انشالله رح حاول احصل ع الكتاب و انشر هالقصيدة قريبا

شكرا ع اهتمامك
و مجرد سؤالك عن هالقصيدة بيدلني
انك أصيل و بتعرف نكهة الخمر العتيق

مع تحياتي
مفلح

زاهر حدو · #4 20-01-2008

- قالت القصبة -
سَأْلو الشاعر عن الجرح
قّلّـون القصبة الربياني ع النهر
بتعرف عن الجرح أكتر منّي

جرحني بصدري و لا تخاف القهر
تا صير قصبة مو متل غيرا
قبل الجرح بتموت حد النهر
و بعد الجرح بتصير منجيرا

شعر ألبير حرب

slayman · #5 20-01-2008

الضو انطفا حبيت صوبا لز
ولما أيديي تحايلو بحرفي
تا يغازلو الخصر الحلو نتفي
حسيت أنو العتم نتفي انهز
يمكن قرصت الليل بالصدفي

البير حرب

زاهر حدو · #6 27-01-2008

الخشبة اللي قصّا المنشار
مرّ التاريخ الموجوع
ع بالا و قالت بخشوع
حراق الخشبة يا نجّار
خافت ما يرجع يسوع

شعر ألبير حرب

زاهر حدو · #7 24-02-2008

كل الوحــي العرقــان بــدّو يضل
ساكن ما بين حروف اللي انسرقو
الكلمـات يلــّي بإصبعـــــك مــــرقو
تا تشوف كنــــّو الشعر فيهون طل
اتطلّــع إذا صابيعــــك احــــــــترقو
شعر ألبير حرب

السهروردي · #8 منذ 2 أسابيع

أليبر شاعر مجـنون.....بتنبع من قلبو القصدان
مطرح ما قلبو بكون.....بكون القمــــر سهـران
مرة بشوفو حــــنون.....ومرة اقوى من بركـان
جوّاتو ايمان وحرب.....بعيونو كبيـــر الانسان

..........................................
شكرا زاهر حّدو.....الكريم هيك منودّو
مع حبي
ابو الوفا