مدامع بيروت

[أمين القضماني]

هي قصيدة كتبتها بمناسبة حرب تموز بس كونو التاريخ عم يعيد نفسو عهالبلد هلي بعشقو فحبيت انشرها بمشتاوي

مدامع بيروت


بـــيروت يا بــــــيروت يا حبة ياقــوت

يا مرج أخـضر ما بقى يعرف سكوت



يا ورد حـروق ورقتو غياب الضـــمير

وما اعتاد غير الحزن عبيوتك يـفوت



وما عرف تحت جوانحك يغفى السرير

يا ســــــــمكة العلقت بين فكين حوت



من الـــــحزن قلبي لعند منك عم يطير

تا يـــخــــــّبر شوارع جمالك والبيوت



لازم تضــــــــــلي شامخه مهما يصير

والـــحق تـــا تعيش الحضاره بأرضنا



إنتي تعيــــــشي بهالدني ونحنا نموت

أمين يوسف القضماني

[نجيب سجيم]

يا امين الحر من واقع وحيش

نشفت العنب باكي على وراق العريش

مهما يعيش الشر رح يرجع يموت

ومهما يموت الخير رح يرجع يعيش


محبتي

نجيب سجيم

[أمين القضماني]

بهالقول هلــــي فيه قصد مصـارحة
ظليت أئمن فيه حتى البـــــــــــارحة
واليوم فقنا عا حقيقة جارحـــــــــــة
وبين الخير والشر ما في مصــــالحة
كيف بدك تفرق مين عاش ومين مات
بدنيي معادتلك قيمها واضـــــــــحة