حَلّك تتقدّم يا سليمان

[رمّاح]

سليمانْ يل ذَوقـَكْ بعيننْ لـَمَّعَكْ= لولا زغِرْ هالكونْ عينيْ بتوسَعَكْ
بمشِّيكْ بينْ جفونها تا تنـْدَعََكْ =و تصير بالإحساسْ تحكيْ وإسمعَكْ
لـَنـَّكْ إنتْ موهوبْ عادي إقشعكْ=و رضعانْ طيبْ الأرضْ , صافيْ مَنـْبَعَكْ
إنسى الشبابْ الـْكسرهنْ عَمْ يوجَعَكْ=وعالجرحْ عِِصْ وقومْ جايي إرفَعَكْ
خَلِّيْ الفجر يخجَل بْحالو بمطلعَكْ=وبْقـَفلِتَكْ خَليْ الزمنْ يوقفْ مَعَكْ
حَلـَّكْ بقا منْ عُمر ستعشر سنيْ=تتقدّمْ .. وشي شوي حَلـِّي إدفَعَكْ

[رمّاح]

معليش يا سليمان ظلـَّكْ مختبي............منـّي مثل عصفور جحر الأرنبهْ

الصيَّاد يللي بجفت شعرو خَردقَكْ .........عافكْ لْـشيْ بسينه ...هْوايهْ وملعبهْ

================================

[slayman]

المشاركة الأصلية كتبت بواسطة رمّاح

معليش يا سليمان ظلـَّكْ مختبي............منـّي مثل عصفور جحر الأرنبهْ

الصيَّاد يللي بجفت شعرو خَردقَكْ .........عافكْ لْـشيْ بسينه ...هْوايهْ وملعبهْ

================================

لوما وجود المشرف....؟العرف الأصول.......ومانع كلام الزعرني.....؟اسرجت الخيول
وتا كنت قلك حل ...؟يا شويعر بقا.......ملزق عا هون محل .......؟ما بنقدر نقول

[رمّاح]

المشاركة الأصلية كتبت بواسطة slayman

لوما وجود المشرف....؟العرف الأصول.......ومانع كلام الزعرني.....؟اسرجت الخيول
وتا كنت قلك حل ...؟يا شويعر بقا.......ملزق عا هون محل .......؟ما بنقدر نقول

قِلتلـَّكْ تقدَّمْ ...مَ ترجعْ عا ورى=ودقّيتْ فيي ..وليشْ هَيكْ الشوشرهْ
شو صار قلـّي..؟.. دَخِلْ عَينـَكْ شو جَرى=تَ تردْ ردِّهْ , عا أساسْ مْشفـَّرهْْ
طلاعْ ..هَيكْ بوابْ دَومْ مسَكـَّرهْ=وخـْتـَار أفكارَكْ عَ طول مسَوكـَرهْ
وللزعرنهْ نْ عِندَكْ خيولْ مضمَّرهْ =مَهدّتلـَكْ أسرعْ طريقْ مْيَسَّرهْ
منْ عمر ستعشر سنيْ والزعرنيْ =عا نعشْ شايبْ , عا طريقْ المقبرهْ
==================================

[slayman]

[color=#00008B][size=5]
رماح لوما الزعرني اعشقت الممات .........وما في قصيدة خالدي بلا زعرنات
فكر الأباحي عاش فينا بكل زات.......يسقي عواطف طاهرة سكر نبات
ونيزار قباني بشعرو....؟ اليوم .هات.......ورح بسألك يا شب من بعداالسبات
بتحلم عا فرشة شوك....؟ غامر بو العبد.......يما بهيفا انكنت....؟ بتحب الحياة[/col

or][/se]

[رمّاح]

بحلم بمرتي بسْ نامْ وبس فيقْ=ومَ بشوفْ إلا ّغيرها بعمري بريقْ
والنحل يلـِّي معوَّد يشفْ الرحيقْ=مَ بيلتفِتْ للسِكـَّرهْ إلا ّ بضيقْ
ومنْ هَيكْ يمكنْ إنتْ حَالكْ يا رفيقْ=عَينـَكْ لـْبرَّى وصاير بهيفا غريقْ
طـَلـِّعْ بمرتـَكْ شوف شو عَندَكْ عقيقْ=و رْكاز حَاجهْ نطوطهْ وحاجهْ نقيقْ
خـْلود القصيدهْ جايْ منْ شُعلهْ حريقْ=دَقـْرِتْ بشاعر فاحْ وجدانو العميقْ
مِشْ بَسْ عِشقْ وطـَيْشْ لوْ حَقْ الحقيقْ=با لأرض... والأوطان..والشعب العَريقْ
ونيزار لو نقـِّيتْ سِتْ قـْصايدو=لـْدِ مَشقْ أو بيروتْ رحْ يطـْلـَعْ عَشيقْ
========================================

[slayman]

[quote=رمّاح;35561]

بحلم بمرتي بسْ نامْ وبس فيقْ=ومَ بشوفْ إلا ّغيرها بعمري بريقْ
والنحل يلـِّي معوَّد يشفْ الرحيقْ=مَ بيلتفِتْ للسِكـَّرهْ إلا ّ بضيقْ
ومنْ هَيكْ يمكنْ إنتْ حَالكْ يا رفيقْ=عَينـَكْ لـْبرَّى وصاير بهيفا غريقْ
طـَلـِّعْ بمرتـَكْ شوف شو عَندَكْ عقيقْ=و رْكاز حَاجهْ نطوطهْ وحاجهْ نقيقْ
خـْلود القصيدهْ جايْ منْ شُعلهْ حريقْ=دَقـْرِتْ بشاعر فاحْ وجدانو العميقْ
مِشْ بَسْ عِشقْ وطـَيْشْ لوْ حَقْ الحقيقْ=با لأرض... والأوطان..والشعب العَريقْ
ونيزار لو نقـِّيتْ سِتْ قـْصايدو=لـْدِ مَشقْ أو بيروتْ رحْ يطـْلـَعْ عَشيقْ
========================================

[/QUO
خليك متل البحر موجاتو رسل........يسرق من الرملات .....؟جسم بينغسل
والليل عفي ظاهرة......؟ وخيطو نسل.........وساتر عيوب الناس بيقول المثل
والنحل للأخلاق عمرو ما امتثل...........بينقل من الوردي عا زهرة بلا كسل
ولو...؟ ضل حايم فوق زهرة واحدي.........يمكن بعشر سنين ما دقت العسل

[رمّاح]

كلشيْ ورود بجـِردْ ليْها فـْصولها =نسخهْ إنعطتْ للمرجْ مرتي أصولها
بضحكاتها بزعلاتها بفـْصولها=متزوَّقهْ وبالمطبخ ْ بمريولها
وكلشيْ شطوط بحور فيي جُولها=لولا شَْرَدِتْ برموشها عَا طولها
وبكلْ رمشهْ موجها مرسولها =بيفلشْ عَ قلبيْ سْرار منْ مجهولها
بْلا عَيبْ فيْ ذاتـَكْ ضميرَكْ قاشعو=وغاصص بكلمهْ ومشتهي تَ يقولها
=====================================

[slayman]

المشاركة الأصلية كتبت بواسطة رمّاح

كلشيْ ورود بجـِردْ ليْها فـْصولها =نسخهْ إنعطتْ للمرجْ مرتي أصولها
بضحكاتها بزعلاتها بفـْصولها=متزوَّقهْ وبالمطبخ ْ بمريولها
وكلشيْ شطوط بحور فيي جُولها=لولا شَْرَدِتْ برموشها عَا طولها
وبكلْ رمشهْ موجها مرسولها =بيفلشْ عَ قلبيْ سْرار منْ مجهولها
بْلا عَيبْ فيْ ذاتـَكْ ضميرَكْ قاشعو=وغاصص بكلمهْ ومشتهي تَ يقولها
=====================================

تركني متل نسمة بأيد الزوبعة........بعرري وراق المعرفة بلا أدعا
وشوف الخيانة بزر وردة ونعنعة.......بيشمها الرايح وجايي بنعنعة
وتا تصير نفسك بالحياة اممتعة..........سافر لعندي....؟بعلمك...؟جمعة .....؟تعا
وشم الورد لو كان من المحرمات......ما كان شرع الدين ...؟حلل أربعة

[رمّاح]

المشاركة الأصلية كتبت بواسطة slayman

تركني متل نسمة بأيد الزوبعة........بعرري وراق المعرفة بلا أدعا
وشوف الخيانة بزر وردة ونعنعة.......بيشمها الرايح وجايي بنعنعة
وتا تصير نفسك بالحياة اممتعة..........سافر لعندي....؟بعلمك...؟جمعة .....؟تعا
وشم الورد لو كان من المحرمات......ما كان شرع الدين ...؟حلل أربعة

روحَكْ نسيمْ بزوبعهْ ولو زنتها =هَيْ روحْ اللهْ اللي بغبارَكْ هِنتها
إنتَ ومرتـَكْ جَسدْ أوحدْْ وانتهى =أيـّا حياة ..وأيْ متعهْ نْ خِنتها
شو ذنبْ عصفورهْ بسماها رْهنتها=وباقي طليقْ ..اسجنتها ومَننتها
اتركها مثلْ ما إنتْ ..لولا ضمنتها=ما كنتْ لحظهْ لمسْتها وحْضنتها
الإنسانْ عنْ كلشيْ إنخـَلقْ شو الرفـَّعو=إلا ّ..الشهوهْ اللي بحشاكْ دفنتـَها
=====================================

[slayman]

المشاركة الأصلية كتبت بواسطة رمّاح

روحَكْ نسيمْ بزوبعهْ ولو زنتها =هَيْ روحْ اللهْ اللي بغبارَكْ هِنتها
إنتَ ومرتـَكْ جَسدْ أوحدْْ وانتهى =أيـّا حياة ..وأيْ متعهْ نْ خِنتها
شو ذنبْ عصفورهْ بسماها رْهنتها=وباقي طليقْ ..اسجنتها ومَننتها
اتركها مثلْ ما إنتْ ..لولا ضمنتها=ما كنتْ لحظهْ لمسْتها وحْضنتها
الإنسانْ عنْ كلشيْ إنخـَلقْ شو الرفـَّعو=إلا ّ..الشهوهْ اللي بحشاكْ دفنتـَها
=====================================

[size=5]
[color=#00008B]

اتركني غصون مفرعة....؟وبمدها.........تلعب مع النسمات....؟كيف ما بدها
وحتى المنابر خاينة....؟بنعدها......حملت تنوع منبري.....؟وبنودها
وياما مرق من فوقها ومن حدها......شعار بيض وسود....؟صعبي تعدها
والرمح يا رماح لما بينكسر.......مجبور.....؟ أيدك عا السيوف تمدها[/

color[
/size]]

[رمّاح]

الحاصود لو قـَصَّر بيلعنْ منجلو=ومنجل عْياري خـَانْ عَزمو وخـَجَّلو
ويمكنْ منابر فوقْ منها حَنجلو =شعار ياما ....بسْ قلـِّة تبجَّلو
الـْصانو الأمانهْ عا صدرها تسجَّلو=وخـُوَّنها بالغصبْ عَنّها ترجَّلو
طـُهر المنابر لا تقيسو بعاهرهْ=يمَّا بتلحقْ آخر الـْ عَنها جَلو
=====================================

[slayman]

المشاركة الأصلية كتبت بواسطة رمّاح

الحاصود لو قـَصَّر بيلعنْ منجلو=ومنجل عْياري خـَانْ عَزمو وخـَجَّلو
ويمكنْ منابر فوقْ منها حَنجلو =شعار ياما ....بسْ قلـِّة تبجَّلو
الـْصانو الأمانهْ عا صدرها تسجَّلو=وخـُوَّنها بالغصبْ عَنّها ترجَّلو
طـُهر المنابر لا تقيسو بعاهرهْ=يمَّا بتلحقْ آخر الـْ عَنها جَلو
=====================================

ما في ولا أنسان يشعر بالأمان........ إلا ما يسقي عواطفو حب وحنان
وطهرالخوابي عتتق الخمرة بمكان......اووزع كؤوس النصر عز وعنفوان
والجسم متل الروح لازملو كمان........تنويع بالوجبات .... ؟صابك يا فلان
متل الي آكل بتنجان ....؛؟الأربعا.......ويوم الخميس......؟ بتعزمو عا البتنجان

[رمّاح]

وين الأمانْ وإنتْ رايحْ بالخِفيْ=.وبيجوز ترجعْ مِثلْ شِيْ مْشـَلـَّحْ حِفِي
اسأل الخزانهْ ..كامْ فيْ مْشَوربْ غـِفيْ ..?=بـِحْضينها مرعوبْ لِمْ غيرو لِفِيْ
عِندكْ أسدْ عَطشانْ حُبّ ُ وعاطفهْ=وعندكْ نهر لوْ عَوْكَر بساعهْ صِفِيْ
وهَيْ رغبتـَكْ مثلْ العَطشْ مهما الشرابْ=تنوَّعْ ... بغير المَي عمرو ما طِفِيْ
=========================================

[slayman]

المشاركة الأصلية كتبت بواسطة رمّاح

وين الأمانْ وإنتْ رايحْ بالخِفيْ=.وبيجوز ترجعْ مِثلْ شِيْ مْشـَلـَّحْ حِفِي
اسأل الخزانهْ ..كامْ فيْ مْشَوربْ غـِفيْ ..?=بـِحْضينها مرعوبْ لِمْ غيرو لِفِيْ
عِندكْ أسدْ عَطشانْ حُبّ ُ وعاطفهْ=وعندكْ نهر لوْ عَوْكَر بساعهْ صِفِيْ
وهَيْ رغبتـَكْ مثلْ العَطشْ مهما الشرابْ=تنوَّعْ ... بغير المَي عمرو ما طِفِيْ
=========================================

تركني متل حلم القصيدة بها الأمور....نققح قوافي مدهبي....؟وشكل سطور
ورماح.........!!! باللغات....؟ لولا عملت كوور..........بيعلموك الهاي....ola ...أولا......وبونجور
والجسم واحد صح بس العقل نور........والبدر كوكب.....؟للتغيير عم يدور
وعا النبع ما بتوصال نقطة صافيي......ألا ما تمرق فوق مصفاية........؟صخور