حوار الارتجالي بيني وبين هاني الحسواني

[شفيق]

بعد الافتتاحيات الأربعة والقرادي(أنا وحسون ,وشادي وهاني) والمعنّى ((شادي موسى وحسون سيف الدين)) بدينا جولة العتابا الارتجالية أنا وشاعر العتابا الكبير هاني الحسواني اللي ألو تاريخ عريق بجولات العتابا ..من 40 سنة ...

شفيق::

بكتاب اشعارك يا هاني ذل فقار=بمنظر جميل وعا مفاتن ذلف قار
جايي أنا مجسد بشعري ذو الفقار=تفضل يا هاني وسل سيفك صوبنا

إذا فحم الحلك بيجن جنّي=زهور الشمس مني روح جني
خصمك بالعتابا بوسع جنّة=عذوقك رد يا هاني جواب
\
هاني:

أهلا بنجوم الأشرقو الليلة علي=مقدارنا في شوفة الخلّص علي
جايي شفيق وينتخي بجدّي علي=وأنت وعلي منحطّكن عا راسنا

بتعرفني يماني ان جد جدي=شلحتك بين مكة وبين جدّة
وبتعرف أبو السبطين جدّي=أنا جدي علي داحي البواب

شفيق::

بمزحك لو رح نغني وجدنا=السيوف بمنبر الكلمة وجدنا
تلاقوا بالنسب جدك وجدنا=من ذات السليلة بالحساب

هاني::
صفي بسليلتك هيّم وجد لي=قوافي الشعر حاورني وجدلي
الشعر عندي ألف جدلة وجدلة=فلا تستنسر قبال العقاب

شفيق::

جدّي بالوفا تلاقى وجدلك=إذا بلشت في سبكك وجدلك
وإذا الصياد يا طاير وجد لك=شفيق بيعرف يصيد العقاب

هاني::
أنا الفصلت من شعري برودي=بليلتنا عين خضرة برودي
العاشكلك مش خرج يحمل برودي=ألي السيف اليماني والقراب

شفيق::
أنا بالمرتجل لو زاد عندي=علا فوق نجم الجو عندي
البرودي ما لها ساحات عندي=بيديي بعلمك شمط الرقاب

هاني :
أنا اللي وصلت لامي بعد كافي=ومتل القدر فوق القدر كافي
مو خرجك قاتلك بالسيف كافي=بكفي اعصرك عصر العنب

شفيق::
زماني صار يتلاقى بعصرك=وشمس الموهبة صارت بعصرك
اعصرني اليوم تتلاقي بعصرك=بينزل خمر طيب للشراب

هاني::
تأعصر خل جابولي عنب لي=ويا روحي بالقلب شفتي عنا بلي
رشقتك شي ألف نبلة عنبلة=فجسمك صار غربال الخشب

شفيق:
يا هاني السيف بالمضمار خلي=عرفتك في مجال الشعر خلي
خلي؟ ما عرفت شو فضل خلي=على شفاف المسيح اللي انصلب

هاني :
أنا تغزلت يا شفيّق بخلك=وخلال الشوق من شعري بخلّك
ياما تشردقو العالم بخلّك=وطعمو كان حامض عالنياب

شفيق::
شفيّق؟من وهج اسمي شفق فاق=ومن عنقودنا كفّك شو فقفق
ان كنت مش عاجبك زأرة شفقفق=سحبت السيف من جوف القراب

هاني:
قتيلك يا منابر عاش فيقي=صفّا الكون يشقف عا شفيقي
الشفق لو طل بارح عا شفيقي=رأى شعري ألو منبر خطب

شفيق:
العرين ان شت سبعو وهان بعلو=شفيق اللي اشترالو وهاني بعلو
ان أجوني اليوم هاني وهانبعلو=تنين تحوّلو فراطة حساب

يتبع