بأربع بيات بجاوبك بمْفاخرة = ردّه من السّته ياجاهل ساخرة
ڧيروز جنه من التّجدد,باخرة = للفنّ بعباب الأصاله ماخرة
والشعر متل الفنّ دنيا زاخرة = وصْلت زمان الأولي بالآخرة
ولكن أنت شو فهّمك بالملحمه = وعم تتّکل ع ضراس عقل النّاخرة


راجح

*****
بحرب الزجل والمرجله والعنفوان=مشهور !!! ومقلـّع ضراسي من زمان
وعالأربعه خليك ماشي يا فلان=وإياك تتراجع !! تا ما يقولو جبان !
عطيناك عن جوهر أصالتنا بيان=فيروز ، والصافي ، وصباح ، وأسمهان
وافقت معنا !! منشكرك عاهالحنان=يعني انتهى موضوعنا !!! والكان كان
مع كل هيدا !! برجع وبسأل كمان=جاوب !!! إذا باقي معك شقفة لسان
بتغيـّر وبتجدّد بتوب الشرف ؟=يما عليه بتحافظ يضلـّو مصان
*****

باسم الشرَف نفسي الکبيرة ماضيه = بأربع بيات وبالتحدي راضيه
وکتبت عن فيروز رده حاضيه=الإعجاب, ردّيت بمعاني فاضيه
"وعالأربعه" نقالت بردّه ماضيه = وساجي لها شرّع سيوفو الماضيه
ولو کان في عندك شرف ما سرقتها= من قبل ما تهينك بضربه قاضيه
راجح

المشاركة الأصلية كتبت بواسطة فاتح كنت اقترحت يكون عدد أبيات القصيد الختامي من 16 إلى 18 بيت . بس أحد متذوقي الشعر الحلو طلب منّي إقترح يكون عدد أبيات القصيد حوالي 30 بيت لأنّو الحلو ما بينشبع منّو عا رأيو و كمان بضم صوتي لصوتو و طبعا هادا اقتراح ون عندي و اللي بيشوفوه الشعراء الأفاضل هنّي صاحبين القرار النهائي .. بس فعلا الجمهور كلّو متحمس يسمع الختام من راجح و بو علي .. يا ريت ما تطولوا علينا .. كل واحد محضر كاسي و ناطر فاتحمعمحبّتي

شرق الشمس داري وخلف داري = سما.. فيها بکفّي نجوم داري
وطقسي لحن بيزنطي بتسهر =عصوتو الريح تايطلع نهاري
**

خلِقت كون وتحجم الكون يكبر= قْبَعِت سقف الخيال بطلْق ناري
وشفت موسى زغيب بقصر مرمر= وضحكلي وقال كيف حالك ياجاري
وعطاني كاس من غيمو المعصّر = عبير متلّتو بصدر الحواري
وعطيتو خبز تجديدي المقمّر =ع صاج ملوهج بلمعة قماري
وصفي يسكر ويوعى وصرت أسكر= وأوعى بانبهارو وانبهاري
**
ويابنّوت: القساوه مابتظهر= اذا ماكان خصمي من الضواري
وأنت قرقور عالمنبر زغيّر = ولولاالصّوف دبحك مش تجاري
**
وقت دفشوك رفقاتك ت تثأر= بعدما تقهقرو من انتصاري
رجعوا فيك شمتوا وقت زمجر= المحيط الأطلسي و غرّق "كناري "
**
وعلى حفلة زجل لُو رفيق فکّر= تيعزمني وجنابك عمتباري
مارح أدفع تأسمع هيك محضر= أنا بعطيك تاسكت مصاري
**
لقب البوعلي للزّين کسّر = سيوف وفزّع وحوش البراري
وعلى دورك صفي مشرشح معتّر= ڧيه يشلّحو سيفو مكاري
**
واذا الزغلول عاقصرو المقدّر= جابك طقم لسنانو عياري
م جابك قبل مابالعمر ختير = وبقصرو صار لازملو جواري
**
وعلى التجديد ياشاعر مأخّر= تعا ت تدوزنك رنة وتاري
التجدد روح من سجن المسکّر = انطلق عن ثورتو كاتب و قاري
ومش مقيّد بجيل وْلا مسوّر = بوقت .. ومش بأصلو انتحاري
أنا بالعمق بحكي .. بحكّ جوهر = المعْنى بلمّعو بماس ابتكاري
بخيالي منبر الكلمه تشجّر = شجرأشقر شرب مهجة جراري
وبعيني تحمّم الالهام أكتر = من الرّمل ل عشطّ البحر عاري
وبقلبي النور ايقونه مصوّر = بترشح عطر بتوشح شعاري
وصرت زعقة جمال بكل منبر = دهنت الريح لونت الصحاري
کأنّي نهر عاصي بمي دوّر = نواعير التحدي عْلى مداري
**
وهلق ياحسن ضلّك تذکّر = مين ل بلّش ب "ذات الصواري"
أنتي طمعت تتباري الغضنفر = وماكانت هالبدايه باختياري
وبعد "أم المعارك" مابتخسر = وبوكرك تختبي وناري تداري
بدي خبرك تالكل يخبر = البدايه مش قراري بهيك عركه
بس نهايتك كانت قراري
***********

راجح

*****
*****
يا مشتاوي الزجل والشاعريي=قبل ما تعجّل بحكمك عليي
وقبل ما تقول أني مش مهذب=تعا نوضّح هالامور الخفيي
*****
دخل عا منتدانا هون ثعلب= بحيلة مكر متلو جهنميي
ومشاكل عا جميع الناس سبب=بظني بهالقضيه عنصريي
*****
وانا شاعر لكل ملقى مدرب=ترد الخصم عا بيتو ضحيي
وإذا عمل السما للشعر ملعب=السما بتسجد قبالي منحنيي
*****
لمن صار عالضربات متعب=وطبل راسو انطوش من تحت ديي
عملني إجر كرسي وما تأدب=وأنا مرّقت هالكلمه الشقيي
افتكر حالو بهالحجه تغلب=عا إستاذ الادب والعبقريي
ووقف في وجه موهبتي مطنب=ونسي قدرة جواباتي الذكيي
*****
ووقت ما شاف حالو قد أرنب=قبالي زت كلماتو الغبيي
وأنا لهالمستوى ما كنت برغب=تا إنزل من سماواتي العليي
وإذا جوي بشي لحظه تكهرب=وجاوبتو على ذات المزيي
مش معناتها الاحمق الاجدب=ربحني ونال شهره عالميي
*****
بموسى زغيب مستقوي ومعجب=وموسى ما إلو علينا وصيي
موسى وصـّلو حظو المهبهب=وانت حظك معي عملك قضيي
من غير مدرسه ومن غير مشرب=ولو موسى بنفسو طهر نيي
ما قضّا العمر يتفزع ويرهب=من الزين ودروبو الحربجيي
*****
وانت متلو بتتخبّا بتهرب=وما في عندك ثقه بنفسك قويي
بأسامي مش حقيقيه محجب=جبان وعم بتعمل عنجهيي
بربيع ومرهج وأعور وأحدب=وNoor و kelb ورقيه وعليي
وسمير وطانوس ونجم المدنب=وجحا وسقراط والعله الخفيي
وألف موسى عا جنبك لو بتسحب=على حفلة تحدي منبريي
سويه بترضعو الرمح المكعب=وسويه بتركعو قبالي سويي
*****
يا منشار التجدد يا مقلـّب=برقصة خلوعه وفلتة صبيي
لا بعتل همك ولا فيك برغب=إن كبرت اجر للتقليد فيي
أنا ركيزة أساس بكل مذهب=اذا قصيتني أكبر خطيي
الحداثة من نبوغ الأصل تشرب=الما عندو أصل ما عندو هويي
وعلى توب الشرف إياك تقرب=شرفنا أرز وقفاتو أبيي
ما فيي غير قلك روح تضرب=يا منشار التجدد والعماله
يا ريت تحلّ عن اجري شويي
*****