دَير كتابك

[عصام يوسف]

يا هالشاعر .. أحبابَك *** مين لْ نَسّاك
لْ بيعيشوا بدَير كتابَك *** مـِتل النِسـّاك

[راجح]

يامعبايي من آب =قنانيكي عطور
عبَيتي بحزني كتاب= تشلهم بسطور
غيابك قوس النشاب= ببيتي المكسور
مره "بيبكَي الباب"= ومره الشباك

راجح

[عصام يوسف]

أي حدا بيحاول يشوّه ردة حلوه بتمنّى لا يحاول يغلط تاني مرّه
هالمنتدى محترم ... و رح يضل هيك ....
بدّي بلّش التنضيف من يوم و رايح ...

فاتحمعمحبّتي

[عصام يوسف]

المشاركة الأصلية كتبت بواسطة فاتح

يا هالشاعر .. أحبابَك *** مين لْ نَسّاك
لْ بيعيشوا بدَير كتابَك *** مـِتل النِسـّاك

شاعر إحســاسو زاخر *** من سِحر الريف
بْحُبَّك شـــو كان يفاخر *** و بْسـِحر الريف
عَ سطور كتابو الفاخر *** سَمّاك .. و كـيف
هوّي و عم يكتـب آخر *** كِلمه .. مَــــحّاك

[بسطاطي]

لمّــــا عــــاورد خــدودك**** مدينـــا إيـــد
رسمتي عاسياج حدودك **** شوك وتنهيد
حتّــى عــاريف جــرودك **** شفنا من بعيد
أحـــلى من لـمس ورودك **** قطف الأشواك

[زاهر حدو]

بتْطَـلَّع صَــوب الماضـــي......بآخـــر أيلــــول
و بلاقــي قلبــي راضـــي......بحزنو المجهول
و يا جرح الحب الماضي......الباقـــي ع طـول
شو كــان بيطلع فاضـــي......عـمــــري لولاك