قَصة معلّم !!..

عصام يوسف · #1 06-12-2007

ما تركتيلي من عيوني *** غير البصـبوص
يمــكن تَ حتّى تكوني *** بقلبو مخصوص

البدر اللي بقلبو غصّه *** بيـــــحبّك .. قال
بدّو ينهي هالقــــــصّه *** و يصـــير هلال
وحتّى بعنقك يتوصّى *** متل الســـــلسال
تمنّى لو ذات القَـــصّه *** طالع مقصوص

جعفر حيدر · #2 06-12-2007

حلو يا فاتح

عصام يوسف · #3 06-12-2007

شو هالغيبه .. إشتقنالك

عصام يوسف · #4 07-12-2007

كنّا نســــــــهر ليليّه *** تا الليل يشــيب
و يبلّش بالســــهريّه *** لعـب الطرنيب
كيف مْنربح يا خيّي *** و معنا بتصـيب
و هيّ عالختـــياريهّ *** بتزت قصوص

Sageh · #5 07-12-2007

لمّا من غيـــــوم الزرقا **** لفـيــتي شـــــــال
متل شــــموع المحترقا **** احتــــرقو الآمال
ولمّا رجعتي من الفرقا **** وغيـــابك طــــال
لحقنـــاكي متل القرقــا **** الّلاحقها الصوص

عصام يوسف · #6 09-12-2007

عيونك بحر من الأزرق *** لون بلا ســياج
النجــــمات عليه بتمرق *** متل الحــــجّاج
تا قطّف منّو زنــــــــبق *** بطلع عا مـواج
و تا شيل اللـــولو بغرق *** و بقلبو بغوص

عصام يوسف · #7 13-12-2007

نَوّســــــــــــــتي يا نوّاسي *** حالك بـــــــــــــــكّير
تَ نوّســـــــــــتي النوّاسي *** لون و تصــــــــــوير
قلتي .. سْكبلي إحــــساسي *** صِبّلي ســــــــــــرير
خلّصني خلـــوص الكاسي *** وخلّصني خلوص....

راجح · #8 13-12-2007

ياأجمل من سور الصين - وأطيب من مية لبنان
ياحلم ل من قسطنطين - ضوا ع بلاد اليونان
لصوص السرقوكي بتشرين - وشافو عينيكي نيسان
صاروا هني مسروقين - وعينيكي الحلوين لصوص

راجح

shemi5 · #9 14-12-2007

راجح · #10 14-12-2007

خليها خرزه زرقه ..

حجه لشتربه

راجح

shemi5 · #11 14-12-2007

shemi5 · #12 14-12-2007


Powered by vBulletin® Version 3.7.0 Copyright ©2000 - 2008, Jelsoft Enterprises Ltd. Search Engine Optimization by vBSEO 3.0.0 ملاحظة هامة: المواضيع و المشاركات المطروحة في المنتديات لا تعبر بالضرورة عن رأي إدارة الموقع و مشرفيه و إنما تعبر عن رأي كاتبيها.