بيدور الطرب لَ يوم القيامه

[عصام يوسف]

أحلى من الركوه
على منقل عرب
أحلى من الفنجان
حلوه
متل عِبي القصب
خيط القصب تعبان
جيبوا حدا من دُمّر
يدقدق وشم
جيبوا من الهامة
والوشم
بن محمّص
وهب الهوا شامي

غمازة لْ عَ الخد
ماإلها إسم؟
والخد قدامي
ومكحلي ...
والكحل راسمها رسم
مين لْ بَرا قلامي
ومشنشلي متل الفرس
والسرج إسلامي
بإيدا أساور من دهب
بتخش
بتخش؟
بيدور الطرب
لَ يوم القيامة !!


الشاعر طلال حيدر

[راجح]

فوق
**

كان في غصن بردان
ع مرجة هلي
سألتن لمين الطقس
قالولي إلي...
وطلعت اتفقد إذا ردوا البواب
وبقيت فوق
وما حدا قللي نزلي


الشاعر طلال حيدر