دخلك يا عطر الزنبق النادي = نادي عأحباب القلب نادي
تا يحضروا عرس الوفا والدهر = من طلّة السهرات عالوادي
**
شادي ابن موسى صديق العمر = رمز المحبّة وصوتها الشادي
وكل ما ببلادي غطّ طير العطر = بيكون عم يستقبلو شادي
**
بلادي جميلة بالسمر بالشقر = بالورد بالصدق النقي الهادي
لكن عند ما السطر يحضن سطر = شادي الوفي أجمل من بلادي
**
عا محبّتو بندر عيوني ندر = وما بحيد عنّو بموقف حيادي
وحبّي لشادي سندْيانة جهر = مثبّتة أثبت من القادة
**
ويمكن ما يخلَد فجر خدّ الزهر = لكن مُحال يغيّر العادي
ومن هيك دخلك يا سطور الشعر = قولي لشادي من حنين الروح
يا صديق العمر يا شادي

.................................................. ...................

مهما ياخيي يعصف رياحو الزمن=عحصون جوقة شامنا بتكوينها

مش رح يخلّو..وكيف بِ خل الزمن=يلي بموسيقة هالدنة وتلحينها؟

الشام فينا..جوقنا وأرض الوطن=الله حماها وشو سهر تايعينها

الناس الِنوِت بيناتنا تزرع فتن=وبصخورنا تاتدق في اسفينها

النص الدخل بالصخر بتشوفو انسحن=ونص البقي برّا ياخيي منوضعو

................................................ب عين الحسيدة الحاسرة بتبطينها .......................................


-----------------------------------------------------------------------------------