ابعتوا شاعر وبس

[شفيق]

ابعتو شاعر بأرضي شاع ريتو=بوجهي بس يثبت شاعريتو
سيوفي بالروايا شاعريتو=قبل ما يخلق ويفتح بواب

[حسن بنوت]

يا شاعر عالحرب شديت رحلك=بلعتابا وأنا مجبور رحلك
وعا عنقك حبل من أشعار رح لك=تا تشهد بو علي شيخ العتاب

[شفيق]

شهدت عا مشيختنا وشي عملتك=رخيصة؟ وشي عملنا وشي عملتك
ولوما تكون منّا وشيعي ملتك=بشيخ الشعر أوقدت الحطب

[حسن بنوت]

صحيح القال لولا حرقت مولاك=بعد منو ولى المنبر مولاك
إلي عرش الزجل بيضل مو لاك=بجو النسر ما يحلـّق غراب

[الحسواني]

من الشعر يلي ادعيت الشعر مرة *** حشربك كاس من كلمات مرة


انا اذا قبلت انزل عساحتك مرة *** تعلمك كيف بيغنّوا عتاب







***********
فقط مرور
تحياتي الكن

[شفيق]

البحر إيّاك تتمرجل علجّو=يا نسر اللج وسمعنا علجّو
وإذا كمشتك رح بتطلع على الجّو=كعابك رح يدقّو بالرقاب

[حسن بنوت]

بحر وجو لو عبا بحرجو=بحارجو وبحلا الكلمه بحرجو
وصواريخك اذا كانت بحر جو=اللهب ما همنا من بو لهب

[شفيق]

الليلة من حسن بنوت برجو=ما يجبرني على تحطيم برجو
ما همّو بولهب بمجال بر جو=لأنّو رفيق عمرو بو لهب

[7arf]

الله يديم شرفكم ع العزيمة وتقبلوا تحياتي

شفــــيــق مهما بمهنتك تتـقن حِرف ... جاييك شاعر مايوم دربو حرف

صاحب ولقبو المنبري الشـاعر حرف ... تاتقول قد الأبجديــــــة حرفنا

[شفيق]

كلما الصقر يتبع بجوّو منحى رف=بيطلع شي طير بلون أسود منحرف
وتنشوف شو بيطلع الليلة من حرف=يا منشطبو يا منوضعو عا راسنا

يا صقور المنيّة منحى رفكم=رحل وقدرت اعرف من حرفكم
عطوني شو بيطلع من حرفكم=يا منكرّمو يا بينشطب

[7arf]

مافيك تشطب سيف حرفو جارحك=ولا فيك تاكل طير بري جارحك
توقعت كلما الجار مرة جــــار حك=يقلو بأول بيــــــــت أهلا بيننا
طير الشوم أسود لون مِــنــــحـــط=إلاّ البـــــين منو غراب ما نحط
نحن عالعين قبل الراس منـــــــحط=وع درب العاجبك شـــق البواب

[7arf]

السلام عليكم ورحمة الله وبركاته
منذ البارحة كتبت الرد على الاخ شفيق في بيت ميجنا وبيت عتابا
ولم اعرف سبب عدم النشر مع ان الابيات عادية جدا وخالية من التجريح
او الاساءة الى احد وهي ضمن قوانين المنتدى .
على كل حال الف شكر لإدارة الموقع واقدم شديد اعتذاري اذا كنت اسأت لأحد
دون ان أدري ... تحياتي وتقديري وعدم المؤاخدة مرة أخرة ويمكنكم شطب تسجيلي

أخوكم حرف ......

[echo]

المشاركة الأصلية كتبت بواسطة 7arf

السلام عليكم ورحمة الله وبركاته
منذ البارحة كتبت الرد على الاخ شفيق في بيت ميجنا وبيت عتابا
ولم اعرف سبب عدم النشر مع ان الابيات عادية جدا وخالية من التجريح
او الاساءة الى احد وهي ضمن قوانين المنتدى .
على كل حال الف شكر لإدارة الموقع واقدم شديد اعتذاري اذا كنت اسأت لأحد
دون ان أدري ... تحياتي وتقديري وعدم المؤاخدة مرة أخرة ويمكنكم شطب تسجيلي

أخوكم حرف ......

أهلا بك أخ حرف

سبب عدم عرض ردك هو أننا نضع الأعضاء الجدد على لائحة الإنتظار مما يعني أنا مشاركاتهم لا تظهر إلا بعد مراجعة أحد أعضاء الإدارة للمشاركات و الظاهر أن التأخير في المراجعة هو سبب عدم عرض المشاركات بالوقت المناسب

على كل حال تم إزالة اسمك من قائمة الإنتظار

مع التحية

[شفيق]

للأخ حرف

شفت مشاركتك حلوة وما فيها أي تجريح ..
وبرأيي ما في داعي تنزعج من أي أجراء ..لأنو هي قوانين المنتدى

ولطوني
يا طوني لما يفوت أي إنسان معو هوية زجل ..هاد لازم ترحبو فيه بدون لا فترة انتظار ولا فترة اختبار
والأخ حرف بيشرف الموقع

وبطلب الاستمرار من حرف

وشكرا للجميع

[شفيق]

المشاركة الأصلية كتبت بواسطة 7arf

مافيك تشطب سيف حرفو جارحك=ولا فيك تاكل طير بري جارحك
توقعت كلما الجار مرة جــــار حك=يقلو بأول بيــــــــت أهلا بيننا
طير الشوم أسود لون مِــنــــحـــط=إلاّ البـــــين منو غراب ما نحط
نحن عالعين قبل الراس منـــــــحط=وع درب العاجبك شـــق البواب

العندو عواطف بالحنايا جارفات=بيصدّ في كلمة روافع جارفات
اعذرني أنا ما اعتدت ساير جار فات=عالبيت حامل في يدو سمر القنا
على ابن الشعر فيّي درو بي=لأنّو كل هالعالم درو بي
الوعر والجمر والمهلك دروبي=ما بدّي كتّر عليك الصعاب