مشوار

[السمرا]

مشوار


قللي لاقيني خطيّة --- وحاجة تعذيب

لما تشوفك عينيّ --- قلبي بيطيب



رحنا عالنبع سوية
بـ سفل التلّ
وقعدنا حد المية
حوالينا الفلّ
ايدو مسكت إيديّ
بشعراتي تغلّ
والحور علينا يفيي
والشمس تغيب

888888888

بلحظة صفوة هنية
قرب عالخدّ
وقلي اصبر ما فييّ
تا ضم القدّ
عطيني شي بوسةهدية
ما بطلب بعد
نْفرْت وصارت عيني
دموعا مزاريب

88888888

حس بحالي وشوية
قرب خيفان
يقلي ما عندي نية
ولا قصدي كان
بالعنوة يا صبية
لكن ولهان
حني ع قلبي خطية
جروحو بتطيب
88888

قلبي رق وحنية
غمرتني وصرت
بوّس تمو بعيني
والهيئة سكرت
دارالكون حواليي
وما عدت قدرت
انسى لمساتو عليي
ولا عنّو غيب


8888
وفجأة صارت سهرية
وتا غادر قمت
قللي ضلي شي شوية
ما بقدر قلت
أحسن ما يجي خيي
يفكرني غلطت
بتقلب زرقة عيني
ومنها ما بطيب