حبّك

يـ سمره حبّك مشعّل ضميرو * وبـ حرش الشوق متمرّد عبيرو

قسيني كتير وحياتك خطيي * وقلبك ليش حاير زمهريرو

موهبتو الوفا اتقل قضيي * وتا يسجن بقلبك عصافيرو

رمّدلي ذكايي ولو شويي * جنوني طيلق بظرفي وعسيرو

زنبق غنجة خدودو الفتيي * أنعم من الاحساس وحريرو

وبراعم حبّك الغيره الشقيي * مصيري عمّدت جوّا مصيرو

واطهر من طهارة صدق نيي * رغم طيشو وجهل نحلو وقفيرو

واصفى من ينابيع المويي * بعبّ الغيم عم يسكب عصيرو

ت يدمع غيم افكارك عليي * زعل لو بدّل شرودي مسيرو

بكّى جروح موّال الخطيي * بإخلاصو وهمس لوعة سريرو

وصرلو كم سنه بالعنتريي * خيالي يجلد بعجقة صبيرو

زرع قلبي شتل غصّه وفيي * ودوّب من ثقل همّي مريرو

لـ عمري حبّك الدافي هويي * وبيتي صدرك وقلبك مدايي

أميرة شعر عم تغمر أميرو

26.2.2007