أنا فاتح سماوي

عصام يوسف · #1 17-03-2007

لَ رومل وشفيق

أنا شــــــــاعر أنا فاتح ســــــــماوي ****** ولونــــــي بالشعر فاتح ســــماوي
و إذا رومل يا هـــــــــتلر كان تعلب ****** بدّي صــــــــــيّدو بفــــخ الزكاوي

إذا بكفّو انزرع خمـــــــــسين مخلب ****** تَ قبّعـــــــــهم على مهلي بهداوي
و إذا كــــــــــنّو جرو واقع بِ مَقلب ****** أنا مَ بحـــــــــب إقسى عَ الجراوي

و إذا شــــــــــــــفيق ألف كتاب قلّب ****** وحفظ كل القصــــــــــايد والفتاوي
رح بيــعيش عَ الشــــــــــعر المعلّب ****** وعينو عَ المحاشــــــي و المشاوي

أنا ســـبقت الفرذدق و المـــــــــهلّب ****** وعــــروه ما تركــــــــــتلو عراوي
بني تغلب غـَـــــــلبت . سقيت أغلب ****** بني مُرّة المرارة من الحــــــــلاوي

بقي عندي يا أهـــــــل الذوق مطلب ****** لْ شويعر مبتدي و شعرور هاوي
تَ يلقو ضربتي لْ من صخر أصلب ****** بوزّعها عليــــــهم بالتســـــــــاوي
........ و نجّينا يا ربّي مْنْ البلاوي

Romel · #2 17-03-2007

إذا كنو جرو واقع بمقلب..........انا ما بحب اقسى عالجراوي

والله يا فاتح يا عيني عليك على هالمستوى الراقي و اذا مفكر تستفزني بهال كم كلمة "نظيفة" فأنا

بترفع عن الرد على هيك "رقي" مش من شان شي بس لإنو انا مش مستعد جاوب واحد حقير و جبان و لو ما كنت

هيك يا قبضاي كنت بتكشف عن هويتك الحقيقية ما بتتستر باسم فاتح. و يكون بعلمك يا مفتوح انو انا عرفت مين

انت بتكون بس العتب مش عليك العتب عالعقلاء و المشرفين على هالمنتدى يلي سمحو بهيك تعدّي سافر

شو يا بو علي؟؟

شو يا استاذ جعفر يا استاذنا؟؟

ولو........ كيف بتمرق هيك أمور قدام عيونكن

يعني بتندفع تمن كرامات الناس كرمال يمشي الموقع؟!!!!

و انا من هون برفع صوتي للإدارة و لكل صاحب ضمير حي بهالمنتدى و بدعي يراقب شو صار من لما

دخل هال "قبضاي" و قطع الحوار بيني و بين أخي و زميلي شفيق ديب لحد هلق

mohamad kh · #3 18-03-2007

تحية محبة للشاعرين شفيق ديب وإبراهيم ياسين"رومل":
********************

شّفُّوق وإِبْرَاهِيم مَهْمَا تْنَازَلوْ = قْياس المَحبة إل بِينهن ما تْنازَلوْ
بْعَرْكة شِعِر هِنِّي عَلينا تْحَايَلوْ = وِتْبَادَلو وِتْجَادَلو وِتْمَايَلوْ
وبْكثر لِ مْوَاضيع ياللي تْدَاوَلوْ = عَ قَد ما عَ بَعْضهِن مَ تْطَاوَلوْ
إلَّلا وْخَنَافِس بِالشِّعِر يِتْطَافَلوْ = وبْصيغة الشُعَّار عَ يِتْماثَلوْ
وْشفنَا الرّدود عْلى الرّدود تْهَاطَلوْ = ولْكِل بِيت بْيوت عَم بِتْذايلوْ
وِبْكِل وَقَاحة هالبْيوت تْوَاصَلوْ = لكن الكل لْ هِيك شِعْر تْجَاهَلوْ
مَشُّو مَعي يا حْبابنا وتْفَائَلوْ = وما بين بين وبين لا تِتْسَائَلوْ
لِ هْمُوم والأفْكَار مَهْمَا تْثَاقَلوْ = بْيِبْقى الزَجَلْ مَوضوعْنَا وْنِحْنا إلُوْ
وِالِّلِي مِثِل فَاتِح فَشَل فِي هالحَيَاةْ = يْشفْلُو شِي وَحْدِة بْتِشْبَهُو وِتْغَازَلوْ

********************
اخوتي شفيق وابراهيم انا برأيي انتو ما عاد في حاجة تحكو!!! لانو زي ما بتعرفو وانا والكل منعرف بأنو الكلام من صفة المتكلم!!
وكل واحد بحكي قيمتو ومستواه واللي متربي عليه من وهو صغيير!!

عصام يوسف · #4 18-03-2007

رح ضل حبكن وإقسى عليكن

شفيق · #5 18-03-2007

الله يخليك ,لا تضلّ تاخدنا بالعبطة بعد التهجّم
ولا تفكّر حدى قليل أو عالأقل مفكر حالو قليل

عصام يوسف · #6 18-03-2007

رح ضل حبكن و إقسى عليكن أكتر و أكتر

Romel · #7 18-03-2007

يا فاتح توقّى الحمم و طواقها=من بعيد يضحكلك لهيب وجاقها
جاييك مع أشعار من ترياقها=بيركّع الطوفان زوم وراقها
و يا بو محبّة طايفة بنفاقها=حبنا و لا تعصر نفسك بأشواقها
متل الدجاج ال حب مرّة و الدجاج=ما بتعشق من الناس غير خنّاقها

mohamad kh · #8 18-03-2007

والله وعطرتها يا برهوم!!
بس هيك قسيت عليه كثيييير!! شوي شوي عليه!!!

عصام يوسف · #9 18-03-2007

يا بنـــــت آوى و أبـــو زهري تَعو ***** شو قال تعلب هــتلر اليلة اسمعوا
بمــــحبتي تلاتــِتْكن بتِتْجمــــــــعوا ***** تَ تخنقوني و من حـناني تشبعوا
و ديك اللي نور الشمس فيه يطلّعوا ***** عَ مزبلتكن وقّف و شــــو بيمنعو
قن الدجاج بيشــــــوف واوييّ كتير ***** لو زاد واوي شو رح بتفرق معو

Romel · #10 18-03-2007

مع ابن آوى ان جيت تعمل مرجلة=بيحوشك انت و قطيعك منجلي
يا ديك من دون ريش تتبيلك حلي=خصيك قريب و صبحك عْلى مشعلي
و عالمزبلة لو رحت بالحو الطلي=بيتك البيت و فرشتك مش مشكلة
حيث اللي متلك وين ما يتبرّمو=ما بيلبقو إلا عا حوض المزبلة

mohamad kh · #11 18-03-2007

هههههههههه والله ما غلطت يا برهوم!!
قال بحبنا قال!! أي حبك برص وعشرة خرس إنشالله!!

اذا بدنا نستناك تنك تحبني ما بدنا هالمحبة!! خلينا مكروهين أحسن!!!

تحياتي..........أبو الخطيب

عصام يوسف · #12 19-03-2007

فرنسا بهاك الديــــــــك شـــــو متفائلي ***** إن كانت فرنسا مزبلي تركها إلي
و ديك لْ بقلب الجفت عم يصلي صَلي ***** لو صاح بــــيودّيك عا ديار البلي
و من قبل ما عَ الديك تعمـــــل مرجلي *****سنّد ضعف بيتـــك عَ حيط المزبلي
عَ المزبلي بيـــــجوز تطــــــــلع زنبقة ***** و من بيتك بتـطلع قصيدة مبهدلي

Romel · #13 19-03-2007

فرنسا اللي طلّت للشعوب تكيلها=مش مزبلة...كتير ان ردت تزبيلها!
و شرارة ديوك الجفت و فتيلها=معتاد بالذرّة ان ردت إصليلها
و عاسيرة الأشعار و مْواويلها=و المزبلة المن فرد جيلك جيلها
و زنبقة شعر من الوحي منديلها=من كعب مزبلتك إذا بتشيلها
بدهن يقولو عالقصيدة يا سلام=شو هالحلى؟!يسلّم حلق برميلها!

شفيق · #14 19-03-2007

ولك طيـــــــــــــــــــــــّب يا ابراهيم

mohamad kh · #15 19-03-2007

الله واكبر!! والله لنوقفلك تحية النصر يا برهوم!!
========

أبَت رُوح المَشَاعِر أن تَخُونَا = ومِن الشُعَّار نُخْبة إنْتَخُونا
ويا إبراهيم بِكْفي مَ إنت خونا = وحبيب القلب لو زادو الصحاب

=======
تِقْبُر فَاتِح إنْشَالله على هالردة الحلوة!


Powered by vBulletin® Version 3.7.0 Copyright ©2000 - 2008, Jelsoft Enterprises Ltd. Search Engine Optimization by vBSEO 3.0.0 ملاحظة هامة: المواضيع و المشاركات المطروحة في المنتديات لا تعبر بالضرورة عن رأي إدارة الموقع و مشرفيه و إنما تعبر عن رأي كاتبيها.