لمّا بْتِشْـعُـر بانعِـدام الوزن
وبَين الفـَرحْ ... والحِزن
وبَين البـِكي ... والضحِك
والنـّور هادي ...
مِتِل ضَو شْمُوع
والروح رَح بـِتـْطير ...
وتـْصير اكبَر مِن حجـِم لـِ ضْلوع ...
واللون ,
(( بامبي )) بالأفق بادي ...
وصَوب الأفق ,
بَدَّك تـْشِـدْ طلوع ...
ولمّا عيونك ,
ما بْتِلمَح غير ...
طـَيف واحِد عالجـِفِن مَطبوع ...
ولمّا وجوه الناس ,
كِلاّ تـْصير ...
وجه واحِد بالقلب مزروع ...
ولمّا حروف الأبجديّة تـْغِـير...
مِن كام حَرف ,
انطـَبَعْ عا شْفافـَك ...
ولمّا بْتِصْفى الدّني فاضِيّة
بـِ غـْياب شَخص ,
ولـَو بـِقلب جْمُوع ...
وتِعطي الشَّخِص هادا , إلوهـِيّة
وشو ما عِـمِل ,
ما عْـلـَيه شي مَمنوع ...
مِنـْقـُول:
عاشِق ...
ألِفْ ... بالمِيِّة
وكِل العَـتـَبْ عَـنـَّك ,
صِفِي مَرْفـُوع !!!
لوحة التحكم الخاصة بك
خروج
بحث
الأعضاء
التقويم
