يا عبقر الالهام يــــــــا وادي --- يا وحي تغريدي وانـــــــشــادي
شادي انا بالحــب يا عبـــقــر --- بلبل على غصون الزجل شادي
---
وارد حنيـن الشوق اتـــذكــر --- منهل صفا بروي ظمى الصادي
في بـلاد فيها الغير ان فـــكر --- التــقليد ما تغيير ولا العــــــــادة
بساعة صفا شفت الوفا فكـــر --- يوفي حباب القلب ميـــــــعــادي
شو احلى مـــن الســـــكــــر --- بليلة حلا شو حــــــلوة بزيــادة
---
شوقي انا لـلماضي ما تــنكر --- وشوق النسيـم الرايح الغـــــادي
حبي خبز بالعاطفة تـــخـــمَّر --- بْفَدْي المسيح الـناصر الفـــــادي
وروحي صفا بالـموهبي نوَّر --- بهدي الرسول المصطفى الهادي
ودينــي عقل بالمعـرفة ازهر --- بشعب النبي شعيـب بالــــــوادي
---
يا ليل عَ نغمـة شـعر اسـهـر --- ومحلا السحر شعرو زهـر نادي
مـا تعلقت شي يوم بالمظهــر --- وع هيك بدي ربِّــــــــي اولادي
بالصوت برسل للمدى جوهر --- يردد صدا لبعيد ويـنـــــــــــادي
نـحنا ظلام الليل رح نقــــهر --- ونور الشمس ما بلزمو شـــهادة
---
شاعر انــا عَ مطلع المنـبــر --- ان نادت الشعار انــــــــا حـادي
وما في فـرق هذا نفح عنبــر --- وهذا مسك مــــــيراث اجــدادي
قال الزمــان العابر وعـبَّـــر --- بردد بـــــــــهذا القول تـــردادي
بالقافية ان كان الشعر بكـــبر --- بالـــقــافية فن الزجل بـــــــادي
---
بدي مواهب بالفـن تـــتـقطـر --- تـَ يصير خبز الــــــــفـن زوادة
وبدي الظروف بحـق تتغــير --- تـَ تعزف العيدان اعــــــــيــادي
وبدي الربيع بخـير يتبـــــشر --- تَـ تفرد الاحــــــــــلام سجـــادة
راضي انا بالزيت والزعــتر --- في بلادي بدي عيش بـين الناس
----------- وغنِّي لكل الناس في بلادي -----------
__________________
أنَا مِشْ بِالغَلَط إسْمِي مُحَمَّد = أنَا مْحَمَّد عَلى عَصْرِي وْزَمَانِي
مَسِيح المَعْرِفِة بْفِكْرِي تْعَمَّد = وْنَبِينَا الهَاشِمِي البُرْدَة هَبَانِي
| 
