بليلة برد .. بمغارة عشيي ....... ضوّا النجم خيطان فضيي
وبالمغارة العم تلمع حجارة ...... ولد يسوع ... تتموت الخطيي
وحدّو يوسف يصلي بطهارة ...... ومريم عم تصلي بطهر نيي
وحيوانات تنفخلو الحرارة ........ تيدفى الطفل من تلجة قويي
والرعيان فرحو بالبشارة ........ ومجوس ملوك جابولو الهديي
جابو الدرّ تايدل بنضارة ........ عملكو الأرض والدنيا سويي
والبخور تايعطي إشارة.............. بإنو الطفل هْو رب البريي
وجابو المر ... تاتدل المرارة ....... ع يوم الصلب والليلة الشقيي
وشو الميلاد ؟يافادي النصارة ..... م كنا نفهم سرار القضيي
منّو العيد ضحكة مستعارة ........ وخلف الضحك إخفي ناب حيي
ولاجاكيت عم تلمع زرارة ....... ولا فْساتين جوخ ومخمليي
ولا بنيّات تتفتح زهارا ........ ت نصرخ شو حلو لبس البنيي
ولا الروحة عالكنيسة بجقارة ..... وحقد قلبي على جاري وع خيي
الميلاد ..يارفاقي الغيارة ...... عندما الحب فينا يصير غيي
وقت بروح وبزور الزيارة ...... وبدل مازور واحد زور ميي
وفرّح طفل .. واسي اختيارة .... وتوب بصدق توبة مجدليي
وقت ال بالقلب بحفر مغارة ....... وقلو: فيك يايسوع ْبولد
............. وتعا يسوع انت ولاد فيي ...........
-------------------------------
وكل عام وانتم بخير .....
__________________  بيكفي اسمي ....شادي... | 
لوحة التحكم الخاصة بك
خروج
بحث
الأعضاء
التقويم
