صـــــرنا ع بالك ســـــــــرّ وحكايي =يا غــــــــــــربة الفـــــينا مخبايــــي
اشــــــــتاق الزمان لبســـــمة الغياب=وحامـــــــــــل بإيدو وطن وحـكايي
يا شـــــــــــــام مهما كانت الأسباب=بتبقي على أهـدابــــــــــــنا آيـــــي
تضـــــلّي ببال الغايــبــــيــن كتاب=بالحب كلـــــــــــماتو مغــــــــطايي
يا حاملي من ريحة الأحــــــــــباب=فــــــــــــــــــيروزنا وقدودنا وجايي
بالفل والياســـــــــــــــمين والعناب=الطالع بأرض الشـــــــــــام مشكايي
شوية شمس رشي ع هـ الأصحاب=حتى الوطن عاطول وهجو يضل

يا سوريا الْعَالبال متكية = وبالقلب إسمك صار غنيّة
ضاق الزمان من كترة الترحال = والعمر صار غمار منسية
أجيال عم تركض ورا أجيال = وإنتي عَ كف الزمن مضوية
خَتْيَرْ الدهر وضاع بالعرزال= وبعدِك بعمر الدّهر صبحية
راحت سنة ... ورجعت سنة ... وع البال =بعدو الزمان كوام منسية
مهما انفلش من صوتنا الموّال = وانتشر فوق الكرة الأرضية
وتبَدّلِتْ ع المغترِبْ أحوال = عاش التعاسة وعرِف شو هيي
أو كان وضعو كتير عال العال = وبيْعِدّْ حالو من الأفندية
بيضلّ إسمك يزرع الآمال = وبتضل فينا من الشرق نسمة