ربِّك بارك أم النور .. لمّن قلّا صرتي أم | |
يا سرير الطفل الغافي
المتهني بأحلى أحلام
ياللي خيطي لحافي
وغطيتيني حتّا نام
...
حملتيني ليالي وشهور
وطعميتيني من دمّك
عسل وطل ومرج الزهور
طعم الدعوي من تمّك
...
حليبك يا شهد القلب
طعمو لساتو بـ تمي
شو بدعي وبسأل هالرب
تحفظلي تخلّي إمّي
...
ربيتيني وقلتي ثور
ووصيتيني كون الحلم
ربّك بارك أمّ النور
لمّن قلّا صرتي أم
...
انتي لعمري صفصافي
وعمري عشبة عَ اجريكي
بتحني لتشدي كتافي
وبتعربش بوصل ليكي
...
مهما حرفي لف ودار
وجرّب يرسملك أشعار
فرحك جنّي وحزنك نار
شو بعمل تا أوفيكي
ناجي درويش" | 
