نتحدّى من له بالشعر

Shakib · #1 25-11-2004

الشعر ملكي و التاريخ يشهد لي....... أ ُنزلت سيـــفا ً للشعــراء ِ بتـــارا
للـه درّك يــــــا شعــــرُ لمــــــا ....... إذ كنت قبلـي كالبيـــادي قفــــارا
لا بـــارك الله في القـــوم الــذي .......قد ألحق بشعري دمارا ً.. دمـارا
عــلى شفتيّ تصطــفّ الحروفُ ....... كجيش ٍ عرمرمَ لم يعرفِ العارا
بركان ٌ شعريَ في جوفه الحـممُ .......تــُـقذف الحممُ إن غضبَ انفجارا
أمتطي جوادَ الشعرِ أيـها الفــتى....... فلا تنازلني فـلم تبـــلغ ِ الحــمارا
كبازيّ ٌ أنـــا قد بـــلغتُ قــــمّتي ....... فــليعتبر من لـــم يـــأخذِ اعتبارا
و تخفقُ رايــاتُ خصميَ بيـضا ....... فـلو قيست كـــانت ألف هكتــارا
من ينبوع شعري يرتشفُ الورى .......و يملأ ُ مـنه كؤوسا ً و جـــرارا
عذارى علـيّ عيـــونهنَّ ستدمــع ....... عندما رحلـــيَ يغـــادرُ الديــارا
ففـي الجمـــال ِ أشدو لهنّ مغردا.......و كأنّي في حوذتهن طيرا فطـارَ
فعن شعري ستــُروى الأساطـيرُ.......فذاك هو الحقّ و ليــس افتخـارا

شفيق · #2 27-11-2004

ree7-zzajal · #3 31-12-2004

[ تهدا ياشاعر واستلم مني كلام

مرصع بحكمه مزين بورد السلام

بيجوز هالضفدع الشفتو بكاس مي

ايام مايخليك بنقيقو تنام]

شفيق · #4 31-12-2004

شعري نجوم النور شاعل غازها*******وشعرك ضفادع شعر خالص كازها

وضوح المعاني فكارنا و وجوازها****** ***فكارك مضوع عالطريق جوازها

عندي عروس الشعر إلها جهازها******** وبتحكم براسك بضغط جهازها

وضفادع العبقر فنونك عازها ********* الليلة رح بتعلق بمخلب بازها

رح طب هالكاسي عليك و اخنقك******* وخبط دماغك في طراف قزازها

ree7-zzajal · #5 31-12-2004

كنو الغرور برقبتك دالق بريق وخلى السراب يبان بعيونك بريق

صوت الضفادع بالمسا وصوت الغرور اتنينن بإذن الشاعر المرهف نقيق

ree7-zzajal · #6 31-12-2004

ردك الاول ليش شلتو ا ? نزلو حتى الكلام نسلسلو من اولو
واحكي معي ببيتين ماعندي وقت الطفل الحلو من خلقتو بتعرف حلو

شفيق · #7 01-01-2005

رح رد هالردة عليك بمعجمي************ وعالرهافة عم بتحكي بموسمي

والمشكلي لو جيت حتى افحصك ** ******** 0*لا مرهف ولا شاعر ولا ادمي

شفيق · #8 01-01-2005

ببيتين عم تطلب ,, بدفقات الحنين********* من حيث ضعفك ما عطانا الباقيين

يا ما ولاد كتير في شكلن حلو************* وطلعو متل فضلك يا خيي فاشلين

ree7-zzajal · #9 01-01-2005

قلبي المرهف بالكلام المرتجل*** بسمعك ردات ليوم الاجل
لكن عند مافحصتني وشفت القسا*** مافحصت قلبي فحصت زند ي بالزجل

شفيق · #10 02-01-2005

بالشعر عا يوم الأجل كاتب بيوت***** من حيث هالليلة بضعفك رح تموت

قلبك بلونو متل لون غراب نوح********وزندك ما فيه يحل خيط العنكبوت

كنا ببيتين المعنى والوعي*********وبعدين بالردات كترنا السعي

لولا بتكتب كل شعرك هالركيك******رح تخسر الليلة بكذباتك معي

ree7-zzajal · #11 02-01-2005

الغراب شاف العنكبوتي وقلها ***** عندي خبار وعاخرابي دلها
ودخلك خيوط للي بناها العنكبوت ***** براسك الفاضي ليش حتى حلها

شفيق · #12 02-01-2005

يا غراب جوات الشبك حب السقوط******نيران شعري راسمي بدمك خطوط

لا فيك راس بينفع لصخر البنا**********والعنكبوت براسك استغلى الخيوط

شفيق

ree7-zzajal · #13 02-01-2005

ردي ضعيفي ما اعترف فيها حدا ****عيبي عليك تحطها بهالمنتدى
يعني انا بسابع سما بكتب بيوت **** وانتي بسابع ارض بتجاوب صدى

شفيق · #14 03-01-2005

بسابع سما شو اللي بضعفك كللك*********رح فك قصبة رقبتك ما بدللك

زورتك بعيني يا غراب بهالفلك*********روحة بلا رجعة اليوم رح تبقى إلك

من سطوتي بتهرب على سابع سما***** ورصاص جفتي غصب رح بينزلك

شفيق

ree7-zzajal · #15 03-01-2005

طلعت صوبي عالسما وجاك العمى *** قوست كيف ما كان قصدك انرمى
ولما الفراغه من السما رجعت عليك *** فكرت انو قتلت سلطان السما