المباراة الزجلية

[شفيق]

افتتاح:::

قبل ما الفاتحة باللفظ ترشق,,,,,,,,,وقبل فرض الصلاة بفعل أرشق
بذكر سوريا وجنة حلاها,,,,,,,,,,,,,,,,,لإني ترابها من القلب بعشق



القمر ناطور عا نصبة علاها,,,,,,,,,,,,,,,عريس مطقم بليلو مدمشق
طلع عجبالها وعانق إباها,,,,,,,,,,,,وتا يوصل عالسما عليها تعمشق


وإذا شفتو تحلا في سماها,,,,,,,,,,,وظهر نورو وحجاب الغيم شقشق
اكيدي بدون تفكير ونباهة,,,,,,,,,,,,,,,,,,,,,هيدا بأرضنا مرمغ جبينو
,,,,,,,,,,,,,,,,,,,,,ونقاوة طيب سوريا تنشق,,,,,,,,,,,,,,,,,,,,,,,,,


ويا مشتاوي يا موقعنا الملبي,,,,,,,,,,,,الزجل والشعر والفكر المعبي
بإدارة خينا رامي,,وطوني,,,,,,,,,,,,اللي صمم موقعو بنفسو المحبي


وتحية لاهل هالمشتى المصوني,,,,,,,,,,,العلى الدنيا بقلبي مستحبي
وبحيي البسطاطي بعيوني,,,,,,,,,,,,,,,,حسان الوفي المش مستخبي

وبسام الأبي بقلبي وجفوني,,,,,,,,,,,,,,,,,يا خمرة كاسة البسام غبي
وكل الناس يللي بيعرفوني ,,,,,,,,,,,,,,,,,,ويللي بعرفن وحياة ربي

ويا بشار بالروح الحنوني,,,,,,,,,,,,,,أنت خيي ومعي حبك مربي
ويا بنوت يا أصدق ظنوني,,,,,,,,,,صرخت للريح: لما بريد هبي

ويا جعفر يا ثناء تسمعوني,,,,,,,,,,,,,,,كل ما بتطلبوني رح بلبي
أنتو نغمة فراحي وشجوني,,,,,,,,,,,,ما بنسى حبكن مقدار حبة

إذا بقسا ما بدي تواخذوني,,,,,,,,,,,,,,,المسبة بالشعر منها مسبة
وكل ما زادت الكلمة خشوني,,,,,,,,,,كل ما زادت الجولة حماوة
,,,,,,,,,,,,,,,,,,وكل ما القلب بيزيد المحبي,,,,,,,,,,,,,,,,,,,,,,

ويا ريس جوقنا عندك معمد,,,,,,,,,,,,,,كنز الشعر وبفكرك مصمد
لأنك ابن أصل وابن عيلي,,,,,,,,,,,وابن جنوب من هالكون أصمد


انت بالشعر سيلك فاق سيلي,,,,,,,,,,,,,,,يابن شريم يا فارس تحمد
خصمك داق مر بكل كيلة ,,,,,,,,,,,,,,,,,,,,وبنارك يا أبو ادم ترمد

أنت غالي عقلبي بكل ميلي,,,,,,,,,,,,,,,لأنو بزنبقك جرحي تضمد
ومتل حبي لأوطاني ولليلي,,,,,,,,,,,,,, أنت بالقلب يا محمد لانك
,,,,,,,,,,,,,,,,,,من ريحة أرض سيد محمد,,,,,,,,,,,,,,,,

عجوقك يا حسن هالدهر عدل,,,,,,,,,,كلامو وعاد عن هالمدح عدل
لأنو شافني بجولة قويي,,,,,,,,,,,,,,,,,,,عراسك حاطط الفرد المعدل


أنت هاجم بقوة عنتريي,,,,,,,,,,,,,,,,,,,,على شريم الأصيل الما تبدل
فيه يشيل متلك سبعمية,,,,,,,,,,,,,,,,,,,,,,,,وفيه يرجعك راسك محدل


ويا جمهور ربح المعنوية,,,,,,,,,,,معي وخصمي عحالو ستار سدل
بدي خصم فيه العبقرية,,,,,,,,,,,,,,,ما بدي شوف بو الشعر المجدل

شو بدي بهيك جوقة مهترية,,,,,,,,,وشو بدي من خصم بالشعر أندل
ولا تفزع يا قارئنا عليي,,,,,,,,,,,,,,,,,, شو رح بيأثر عليي صغيرن
,,,,,,,,,,,,,,,,,,,,,,,,, إذا كبيرن معي مرة تبهدل,,,,,,,,,,,,,,,


ويا بشار قلبك لو تسفل,,,,,,,,,,,بسرعة وقلبك من الخوف سفل
بدي خبطك طالع ونازل,,,,,,,,,,,,وتسرح بين أعلى وبين أسفل


بمحفلنا انوضع أكبر معازل,,,,,,,,,,منعت شعرك يدنس المحفل
إذا قامت بهالدنيا زلازل,,,,,,,,,أنت شغلك عتخت الضعف تغفل

صوتك فيق البوم بمغازل,,,,,,,,,,,مهترية وصفي بالصبح يجفل
وإذا غازلت شقرا يا مغازل,,,,,,,,,الزهر رح تقشعو بالحقل دفل

المتلك عبقري وما يوم هازل,,,,,,,,,,,,,,وإذا باريتني بعدك مغفل
يا بشار يا رفيق العواذل,,,,,,,,,,,,,,,,,,بدي عا قياسك ألف جحفل

أنا يا ريتني بموت بمنازل,,,,,,,,,,,,,,وبتاني جيل فيي النقل يكفل
وبالجولان عمري يكون نازل,,,,,,,,وارجع طفل باب الأمس قفل

حتى اقطع بروحي العوازل,,,,,,,,,,,وميلة بشوف جولانك وميلة
,,,,,,,,,,,,,,,,,,,,,بخنق شاعر علينا تطفل,,,,,,,,,,,,,,,,,,,,,,,,,


يا بنوت بالأشعار افطن,,,,,,,,,,,,,,,,,,,أنا من هالدهر أذكى وأفطن
أنا رب الشعر عندي مذاهب,,,,,,,,,,,,وانت ما بينها شاعر مشيطن


أنا عاطي أنا امر وواهب,,,,,,,,,,,,,,,,,,أنا هالكون في فكري مبطن
وأنت اوعى ولا تصبح شخص ناهب,,,, قبل ما يجرحك حرفي المبطن


واترك بو علي الضوا مشاهب,,,,,,,,شعيب اللي بقواه الشعر طنطن
انا عا منهج السياد ذاهب,,,,,,,,,,,,,,,,,,,لكن ما سرقت كلمة بموطن


ولا متلك رحت بين الغياهب,,,,,,,,,,,ولا فكري فكر غيري استوطن
انت بالشعر لا شيخ ولا راهب,,,,,,,,,,,,,,أنت شويعر وزندك معطن


بدي قول كلمة بحرف لاهب,,,,,,,,,,,,,,,,واللي ما سمع ,,دينيه قطن
بمجال المنابر والمواهب,,,,,,,,,,,,,,,,,,,,,,السيد عالزجل سيد زمانو
,,,,,,,,,,,,,,,,,,,,,وانا سيد بسوريا مسلطن,,,,,,,,,,,,,,,,,,,,,,,,,




قلاع الشعر لو عالشعر مالت,,,,,,,,,,,,,,,,,وبيني وبينها الأيام حالت
بقدر ردها بتفكير صول,,,,,,,,,,,,,,,,,حبوب المعجزات الما انطالت


ويا بشار فكرك لو تجول,,,,,,,,,,,,,,,,,,,,,,,شبهتو بشي قرقور فالت
ورجع عا عنفوانو الضعف حول,,,,,,,,,ونهور الذل فوق العز سالت

وبتعيين الحكم في فعل خول,,,,,,,,,,,,الحكم يعطي حكم رابع وتالت
عطوف النهر ما بيحكم الجدول,,,,,,,,,,,,ولا فكارو مع الاراء جالت

وإذا ما ربحونا بقول قول,,,,,,,,,,,,,,,,,واحقادن معي جالت وصالت
بدي خبط التاني عأول,,,,,,,,,,,,,,,,,,,,,وعلى اللي حكموه وعالبقيي
,,,,,,,,,,,,,,,,إذا حروف الحقيقة ما انقالت,,,,,,,,,,,,,,,,,,,,,,,,,,,,


ويا رفقاتي على المنبر اعتصمو,,سوى ضلو ومع الخاصم اختصمو
ويا شادي فوز عالأخصام هلق,,,,,,,اللي أشعارن بختم العار وصمو

ويا خيي يا عمر يا نسر حلق,,,,,,,متل موسى القضا عا كبر خصمو
وأنت ياشريم اربح عالمملق,,,,,,,,,,,,,وقصو شي ألف شقفة بجسمو


نحنا جوق في حبو بيخلق,,,,,,,,,,,,,,,,,,,,,,,نحنا أربعة للشعر دسمو
وهني جوق بالصدفة تبلق,,,,,,,,,,,,,,,,,,,,هني أربعة للشعر خصمو


نحنا صغيرنا عليهن تعملق,,,,,,,,,,,,,,,,,وكسرهن بالشعر اسمو وكسمو
هني كبيرهن عنا تعلق,,,,,,,,,,,,,,,,,,,,,,,,,,,,,وكفناه بخشاب المنابر
,,,,,,,,,,,,,,,,,,,,, وحرقنا هيبتو وشعرو واسمو,,,,,,,,,,,,,,,,

[جعفر حيدر]

رائع جدا أيها الأستاذ الكبير / شفيق أهنئك على هذه الأشعار

[بشار]

عـــــــــــــــــــــــــــــــــــــــــــــــــ ال يا شفيق عال !

[ثناء حيدر]

يالله يا بشار حمي وطيس المعركة ونحن لها ...

[حسن بنوت]

افتتاحية جوقة الوطن
حسن بنوت/الولايات المتحده
بشار ابراهيم/سوريه - الجولان
جعفر وثنا حيدر/براغ - تشيكيا


اشرقي بهاليل يا شمس الهدايه
أنا راكض خلف منك وجايي
ومن خيوط الوحي والعبقريه
تعي تا نحيّك الكلمه عبايه
وعلى منبر لا فجر ولا عشيي
رفعنا للاًدب والشعر رايه
تعي نقدم عراوي مخمليه
لعالم في لها بالشعر غايه
وزجلنا انت يا مفضل عليي
يا خيي وسلوتي بهجري وشقايي
بقلبي ساكن بروحي الوفيه
بعينيي بصبحي وبمسايي
أنا وياك رحلتنا سويه
بدنيا لا حدود ولا نهايه
انخطفنا من حلم ليله هنيه
ومن دماتنا اكتبنا الروايه
ومهما يحاربونا بسؤ نيه
شعار الكتيبه والقرايه
ما رح بيحصلو واحد عا ميه
ومارح بيوصلو عا مستوايي
واٍنت يا ديب يا لقمه طريه
نصيحه سماع مني من البدايه
مهما تكون رداتك قويه
ومهما تكون متحمس كفايه
وعا جنبك جبت أهل الشاعريه
وسيّد مصطفى اعطاك الوصايه
وقلدتو بقوافي مهتريه
بمص ومصمص وهاك الحكايه
أنا بكفي السيوف الحيدريه
ونخوة بو علي رفعت لوايي
واٍذا دم الشعر بيفور فيي
اٍنت والسيد وأحمد السيد
بتجوا عا منبري بدكم رضايي
**********
أنا بجوق الوطن طليت طله
بعناصر لابسي الالهام حله
من أرض البراغ ناجيت حيدر
انتفض متل النسر من فوق تله
وقلت وينك ثنا ووينك يا جعفر
تعوا شوفوا الشعر صار بمذله
سمعت جعفر صرخ الله أكبر
سلّي يا ثناء السيف سلّي
ومن الجولان رفرف نسر أسمر
الاًمه مجدها بأسمو معلّي
بشار الاًلو موقف ومحضر
صديقي وصاحبي وخيي وخلّي
بشار المن الشعار أشعر
للي كسّر روسكن كله وكله
نحنا أربعه من فرد جوهر
علينا الوحي نازل بالمظله
ما عنا مين أكبر مين أزغر
بذات المستوى وذات التجلّي
واٍنت القلت كلمه يا معتر
عن جوقك وزدت الطين بله
قلت زغيرك علينا تعنتر
بين شادي وعمر وشريم وضّح
مين كبيركم بالله تقلي
**********
أنا امي الشمس والبدر بيي
وهدوني الارض لعبه بين ديي
وعليي غارت النجمه بسماها
ودابت بالشعور العاطفيه
وعطارد كنت طارد في سماها
لوما المشتري يدفع جزيه
والمريخ وبراجو وسماها
غزيتو في خيال الشاعريه
وعطى فعلي زحل أسمو وسماها
زحل من ضربة كفوفي القويه
برمت الكاينه بفسحة مداها
تلاقي شاعر فكارو غنيه
يجي يقابل شعاري ومستواها
وبمرج الموهبي نسرح سويه
صرخه وما حدا ردد صداها
متل الصبح راجع من عشيه
ندرت ندور للقدره وعلاها
تاٍجعل منبري ودفي ضحيه
وعملت الصبر لجروحي دواها
ولهلق ما حدا جاوب عليي
اٍلا والارض كشفت غطاها
وشو عم بيصير ما عندي دريه
شفت انسان جايي من وطاها
تيتحدا السماوات العليه
ركب عا مهرة الجهل ومطاها
وعمقياس الذكا بين شويه
وأنا لاًجل الفطانه والنباها
سايرتو وقلت يالله خطيي
وعلى وب سايت ما قطفنا جناها
حضنتو حضنة الام الوفيه
كبر راسو و عا استاذو تباهى
وماشي باًبهيه وعنتريه
حلفت بالانبيا عيسى وطه
بمشتى الحلو اقطعلو لسانو
واقضي عليه لو بيكون خيي
**********
وعا سيرة زين رح حمي المكاوي
وخصمي ركعو وزيدو شقاوي
مش بحاجه لاًمجادو وشهرتو
الله يرحمو الاًمجاد طاوي
درب المرجله بفعلي عبرتو
وحسن مع بو علي بذات التساوي
الدهر حدي ركع لما أمرتو
واٍيدي باسها بود وطلاوي
سبع الغاب من عبسه وهرتو
رجع عالغاب والكتفين لاوي
صخر الصمّ بكفوفي عصرتو
وبوهج مراجلي الاًعداء شاوي
واٍذا سيفي بهالساحه شهرتو
السما عالارض بتشتي بلاوي
وياشعار لو شعار صرتو
قوايا وصيتكم بالكون داوي
عا منبر بو علي انما ظهرتو
حطّوا عا أساميكم غشاوي
أنا (مهدي)الزجل يللي انتظرتو
ظهوري وجيت والاٍيمان حاوي
اٍذا كان الزجل لعبه افتكرتو
وسهرة كيف وزرار بعراوي
وبشرع المنبر وشعرو كفرتو
وقصد صارت صداقتكم عداوي
أنا هالكسر صلحتو وجبرتو
ولما الخصم شفتو الشر ناوي
بجورة حافر حصاني قبرتو
وبدي ضل قبّر هالمساطر
لحتى تمم الشرع السماوي
**********
ويا مشتاوي اٍلك مني عباره
بدي قولها بصدق وطهاره
عطيتو للزجل حقو زيادي
رغم بعد المسافه والمراره
أنا انسان لبناني بفؤادي
ما بفرق بين جار وبين جاره
أرض الشام بعبدها عبادي
خساره للي عم بيحصل خساره
يا أرض المجد يا أرض السياده
من ربوعك بثق فجر الحضاره
ومهما يلعبو فينا الاًيادي
بدنا نضل عن حق وجداره
أخوه بالمحبه والمبادي
ما بدنا لا سفير ولا سفاره
واٍنت يا منتدى كل النوادي
دعاني مشرفك عاهالزياره
شفيق البحسبو بمركز ولادي
وأنا البي المع ولادو تبارى
وبدنا هيك نبقى يا بلادي
كل ما صار بين الاهل أزمه
نحارب بالشعر مش بالحجاره

**********
جوق الوطن جوق المعنى والقصيد
بأفكارنا وأشعارنا منرسملو
وحتى ربيع الشعر يزهر من جديد
جينا نشتي شعر عالمشتى الحلو

[عمر]

حلو يا أبو علي

[جعفر حيدر]

جوقة الوطن

-------------------------------------

تسلم / جوقة الوطن

ويسلم ريسها / بو علي حسن بنوت - الولايات المتحدة

ويسلمو أعضاءها اللي وراك حتى النصر

بشار ابراهيم / الجولان الشآمي
ثناء حيدر / براغ - تشيكيا
جعفر حيدر / براغ - تشيكيا

------------------------------------

جوق الوطن جوق المعنى والقصيد
بأفكارنا وأشــــــــــــعارنا منرسملو

وحتى ربيع الشــعر يزهر من جديد
جينا نشـتي شـعر عالمشــتى الحلو

__________________

بو علي:

الزجل هو خطاب الروح وهمزة الوصل بين الجسد والآلهه.

***

بشار ابراهيم:

كيف النحل بيغّل عشــــفاف القفير ........ كيف الورد بيغّف بعبابو العبير
هيك القمر مشتاق ينزل عالدروب ........ لمّا مرقتي وكان فسـتانك قصير

***

ثناء:

ســـوريا يا كمام الورد ............. لونو عَ خدودك صـــافي
عنـدك مني أحلى وعد .............. رجعة عَ الحضن الدافي

***

جعفر:

عـطـيـنـا حـريـة يـارب ............. بـلـكـي عَ الحــب مـنـوعا
بـغـيـر الـحـرية والحب ............ الـدنـيـا قـــربي مـقـطـوعا


__________________


ويسلم هالشعر الحلو يا بوعلي

[محمد حسن شريم]

إلى عشاق الزجل ومحبيه

كما هو معلوم انه ستقام مباراة زجليه بين : جوقة الوطن ورئيسها " حسن بنوت "

وجوقة الشام ورئيسها كما اختار اعضائها " محمد حسن شريم "

من دون مقدمات بغنى عنها نريد إعلامكم أنه لم يكن لي شرط بالقبول بهذه المباراة

إلا شرط واحد وهو الردود اي أن لا يتعدى رد الزميل على زميله الـ 6 ستة ساعات كحد اقصى وبما أنه لم نسمع بعد بموافقة جوقة الوطن على هذا الشرط فأنني أعلق

وأربط بداية المباراة بتنزيل موافقتهم خطياً على صفحات هذا المنتدى مع التذكير أنه

من يقصر ولا يلتزم بهذا الشرط خلال المباراة يعتبر خاسر الجوله مع زميله .

بمحبه أخوكم محمد حسن شريم

[شفيق]

....مرحبا يا شباب ...

أنا بالنسبة لإلي الوقت مو مشكلة ..........

بس أنا بفترة ::من الصبح للضهر ما بقدر رد ...بيكون عندي مدرسة ...

بقدر رد بفترة بعد الضهر أو المسا ....

[جعفر حيدر]

الإخوة الأعزاء
شعراء هذه المباراة التي بدأت بداية حسنة.

لي بعض الملاحظات إذا لم تكن لتزعج أحدا:

* أرى أن نتعامل بتوقيت المشتى. أي توقيت الجمهورية العربية السورية.
* أرى أن نأخذ بعين الاعتبار الفرق بين هذا التوقيت وتوقيت الولايات المتحدة حيث يوجد / بنوت.
* بالنسبة لي ولزوجتي يمكننا الرد السريع وليست لنا أية مشكلة مع الوقت. لكننا نفضل الكتابة مساء بتوقيت المشتى أكثر منها صباحا باكرا.
* أرى أن ما اقترحه الشاعر / محمد شريم أمرا مقبولا في كل الحالات.
* يمكنكم اعتبار هذا الأمر بمثابة الموافقة على ما تفضل به .

لكم تحياتنا ونرجو من الله التوفيق في أن نقدم للقراء حفلة ممتعة بغض النظر عن النتائج.

إخوتكم / جعفر وثناء حيدر

[محمد حسن شريم]

**********************


قبل أن أبدء بجولة القرادي اسمحو لي بمشاركه صغيري وذلك لعدم إلقائي إفتتاحيات هذه المباراة

التي كانت من حقي وتنازلت عنه لإخي الشاعر شفيق ديب :

شريم الإسم من حومين فوقا _____ حولي عمّلت الشّعــــار حوقه
أنا بالشعـر وبفكــــري أكابر _____ فكر جالس ما عندي فكار لوقه
وحسن بنّوت بـاقي عم يكابر _____ عليي وكان فكري يكون اوقى
وإذا بجوقــه تقوّى عالمنابر _____ وعزمو شد فيها مــــا بهـــابو

_________ شعري وسمعتو عاقد جوقه ___________

************

قرادي :

المشتاوي علمجال الحرب _____ نـــــاديتــو لــم نــاداني
مـا يخلي مخلــــوق بدرب _____ رب البيغنــــي غنــاني

*****

اكبر حـدي وعلّي الـراس _____ يا بشار وكـــــون الشهم
غنّي أشـعــــــار بتنقــاس _____ في فارس ما خاف السهم
وغزلها بخيط الإحســاس _____ مش بالدمعه وخيط الوهم
حتّى إنقالو يقولو النـــاس _____ خصم كبــيــر تحــدانــي


***************

[بشار]

جوقة الوطن / بشار ابراهيم / سوريا - الجولان

هالعركة مش حرزاني.....تا عليها سن سناني
بدي حوّلكن ألعاب....وافتح فيكن دكانة



يا محمد صفّي النياّت.....نحنا بالعركات أسود
تعوّدنا نشك الرايات......وعالمسرح بالكلمة نسود
لا تتغنى بحب الذات.....بنظرة صوب الماضي عود
بتقشع عنقك بالعركات.....عا تينتنا علقاني

[محمد حسن شريم]

*************

قلنا أكبر يــــا زغتور _______ تاري صُغــــرك بالخلقه
عنقي معلـق للمقهـور _______ خرزهِ زرقه مـن الحرقه
وكيف بدّو يميز بشور _______ بين رقبهِ وخــرزهِ زرقه
ما زالوفي عصرالنور _______ خلق عيونو ورمــــاني

******

[بشار]

جوقة الوطن / بشار ابراهيم / سوريا - الجولان

الخرزة الزرقة عالحالين.....تركها ما بتفيدك هون
عا فنونك في النا دين.......حتى ترّدو بدك عون
بالتاريخ قشعنا عين.......رخيصة وباعت فادي الكون
وحتى تشوف المقصد وين......علّقتك حتى ما تبيع
فادي الشعر اللبناني

[محمد حسن شريم]

****************

فادي الدنيا بطـول وعرض ______ معجزتو عنّـو بتـــدل
وفادي الفارض حالو فرض ______ فادي أعور عنّـا يحل
نحنـــا جنوبيي والعـــرض ______ صنّا وما رضينا بالذل
والمحتل قرضنــــا قــرض ______ وتعلقنـا بكرهـــو الكل
وما منتعلق غير بــالأرض ______ تانحررهــا من الجاني

*******