عظيم كتير يا شادي..حلو حلو حلو
كيفك يا عيد الجيت للأوطان ..........انشالله بعد هاك السنة فرحان
جايي يا عيد ؟؟تعيّد من جديد.........براس السنة يمّا بشهر رمضان
بتمرّ مرّة بالسنة وبتحيد...................وبتذكّر الإنسان بالإيمان
وصرلك سنة عن هالهموم بعيد............وجايي تغنّي بزفّة الطرشان
شو العيد ؟سألوني ومن التنهيد.............جاوبت من غصّة قلب زعلان
((الإنسان هوّي تكرّم من العيد.............العيد ما تكرّم من الإنسان
لكن إذا الإنسان حبّ يعيد ..................عيدو بظلم الأهل والأخوان
بدّو العيد يهدّم وما يشيد........................ويزعّل الإنجيل والقران
وما زال عنّا عبد عنا سيد.................ما زال في مسجون في سجّان
وكل ما بتطول أو بتقصر إيد............في إيد عم تنزف من الشريان
وكل ما وليمة للعشا بتزيد ..............في طفل عم يغفى قمر جوعان
وكل ما السهر زاد بعيون الغيد..............في أم تبكي بيتها البردان
بالله يا عيد الجيت بالتنكيد.............شو جيت تضوي النور للعميان؟؟؟؟
ارحل بقا يا عيد شو بتريد؟؟................لا الكمّ ساعة الرح نعيّدها
بتردّ للسفرة موايدها ........................وبتبدّل الناس وعوايدها
لا عاد بدّي عيّد بهالعيد....................ولا انطر الشوكة لفوايدها
.................ولا ازرع بقلب القدر وجدان..................
شفيق
__________________
سامحوني
آخر تعديل بواسطة شفيق ، 29-12-2005 الساعة 01:00 AM.
| 
بيكفي اسمي ....شادي... 
