حصلت مراسلة من يومين بيني وبين ريح الزجل ووفاءا الو ولطلبو مني أنا رح نزّل فحوى حديثنا بالاختصار بهدف توضيح غاية ما حصل .
ريح الزجل :
تذكروا ريح الزجل وتذكروا أنو بحبكم كلكم وبتمنى بغيابي تكملوا ..عذات المبادي ..
وأخيرا ..لما بروح في حدا بيعرفني بيخبركن عني ..وصحيح بزعلو وبيزعلني بس
منعرف انو نحنا لبعضنا
وصل هالرساله للكل اذا بتريد لأني حسب دكتوري لازم بعد ..
سلم عا أمين
وكان ذكرلي برسالتو الاولى ما يلي :
ليك ياعمو يابشار ..هيدا كان لعب معك ومزح وتخرمش وكنت بدي حط هي الك بس ما خلوني ..اذا ماشديت عالخيل
مابتشد ..انت جيد واستمر وأنا بهنيك ..
يابشار لاتوقف قبالي //أنا ريح الشواهق والأعالي
واذا زردمتك برده وحيده //لشو بعدك معند في جهاله
أنت لوكنت أخرس هالقصيده //بيعلى شأنها بأحلى الليالي
ولو انك أنت آخر طريده //مارح ضيع براسك ضرب غالي
أنت أعمى اذابروض المجيده //بتمرق بدها تموت الدوالي
وأنا الزعقة اذا بيهمس رعيدي // السما بتتفتق نجوم ولآلي
وتقلك قبل ما سكر بريدي // أنت بالشعر من أغلى الغوالي
وفي عندك مقدرة ولما رصيدي // بقيسوأنت ابني بالوكاله
مابتكسر وفتحاتك جديده // وقوي وبالشعر منك اتكالي
وهيدي تهنئة مني فريده //لأنك قد حالك بالمعني
//////////ولأني فيك صرت بشوف حالي
وهيدا شفيق من عمر ولادي وأنا كلشي عمأعملو منشان هز
الورد وشمو ..بس سر بيني وبينك ..
وهاد كان ردّي:
يا ريح , العا طريق الشعر خاطي_____بحبّو عا عدد رمل الشواطي
وما في عندي بحب الناس مأرب_____ولنّي بشرشف الغايات لاطي
انت شاعر أبي بتحب تطرب_____سد الصين شفتو حيط واطي
وأنا من منهلك حبيت أشرب_____وما عمري شفت شعرك اعتباطي
برغم ما فيوز كلماتك مكهّرب_____ولسان مواهبك عالكل ساطي
انا لو قلت شعرك سم عقرب_____ما بدّي تفهمو تشبيه خاطي
لأنو سم أشعارك مجرّب_____بيقتل ضعفنا لكن بيخلق
_______ناس بمستوى الحج القماطي____________
انا فضحت السر يا ريح الزجل , بس لأنو فهمت انو صار وقتو , ولأنو فهمت انو انت بدّك هيك.
وسمحلي لقّبك روح الزجل ومش ريح الزجل.  | 
