خبر سيئ

[شفيق]

منتمنى الشفاء العاجل للأخ الحبيب محمد حسن شريم من إصابتو بحادث .....

انشالله تكون إصابة طفيفة ....

عا كل حال أبو ادم قدها وقدود.......


الله يرجعك بالسلامة يا ابو ادم .........










شفت الخبر بإحدى المنتديات....

[the jackal]

شريم الإسم من حومين فوقا _____ حولي عمّلت الشّعــــار حوقه
أنا بالشعـر وبفكــــري أكابر _____ فكر جالس ما عندي فكار لوقه

سلامتك خي محمد
و متل ما تفضل الأخ شفيق انت قدها وقدود............نمر الزجل

[محمد حسن شريم]

إلى جميع المشرفين والأعضاء والزوار وجميع من شارك ولم يشارك
لكم كامل شكري ومحبتي على الإهتمام بصحتي ودعواتكم لي بالشفاء
لكم جميعاً أهدي هذه القصيده :

***********************


صابـــر أنــــــا عاحكم أيامي _____ عالمرض عاسرساب أوهامي
نحنـــا عادنيا يا بشر مشوار _____ جايين بس المــــــوت إلزامي
نهــار منحبو يضـــــــل نهار _____ ونهـار تــــاني عتـــــم وقيامي
ونهار ساعـــاتو حــزن قهّار _____ ونهار بالفرحه زهـــــــر نامي
نحنـا البشــر بحقوقنـــا كفار _____ قــــــاتل بيشجّع مُجرم حرامي
الخيّ مع خيـّو عكس لمسار _____ شـوفوالبيروتي مـــــع الشامي
والجارعم يحسد بقلبــوالجار _____ عارغيف عفّن كيف لــو حامي
والشاعر البيغـار عــالأشعار _____ بيجرّحو شاعـــــــر جُرح دامي
ومنهن أنا شريمي إبن شعّار _____ تاريخهن شــــاهد عــــاإلهامي
بيحاسبوني عالقواعـــد صار _____ نسيو عاخدي هالزجـــل شامي
ويا حبيبي اللي عليــــك بغار _____ حتى انكنــــــت حـــدّي وقدامي
بحُبك أنا مش تارك المشوار _____ ولو مت روحي بتحمـــل هيامي
حُبك ثلج حُبك لهيـــــب ونـار _____ حُبــــــك لإنـــــك أوّلي... سامي
ماعشقت قبلك غير رب الدار _____ ألله ولتاني حُــــــب مش رامي
ريّح ضميري قــــول لا تحتار _____ ضحّــــي وبحضني قربي نامي
ويلّي حملتو هـــــــم يا أحرار _____ عامرض ما بيقضي عاأحلامي
بعدني فـــــــارس نمـــر جبار _____ عاقلوبكن حُبـــــــي سهم رامي
ورغم ألآمي اللي كانــو كتار _____ من غيرة الأحباب يــــــا أحباب

__________ خفت عليي كل ألآمي _______________


****************

[شفيق]

الحمد الله عالسلامة يا أبو ادم ....

[أبو نورس]

منعرف إنو محمد رغم وجودو في المشفى ,, إلا إنو كان يبعتلنا و يغني مكتبة المنتدى من كتاباتو ,,, لذلك حبيت اترك هالردة الزغيرة إلو ,,,,,,,

يـــا ليل غني وْ يا شـعر دق النشــيد ....... عــدنا التقـينا بنمر هـــالغابة العـنيد

و إلبس يا منبر شعرنا التوب الجديد ...... أقبل شـــــريم استــقبلو في جو عيد

من تحت ضغط البنخ و الآه و نهيد ...... عسرير عــطّـر شرشـفو بدم الوريد

كان القلم يتعمشـــق بصابيع إيــــــد ...... يترجم مشاعر دوّبت صخر الجليد

و يبعت لنا شعرو عصفحات البريد ..... و كلما قرأنا نقول يا بو حـــميد زيد

هـيك الوفا مزروع في شاعر فـريد .... لولا بحبـــر القـــلم مـا صفى رصيد

كرمال يوفي دين من وقـف مــــعو ..... بيحط دمـــــو بــالقـــلم يكتب قصيد

[أبو نورس]

و هاد بيت عتابا من وحي الأوضاع اللي شايفها

أبـــو آدم إلــــو تــاريخ ماضي ,,,, المنبر إلو صفحة عز ماضي

و إذا بيحمل بإيدو سيف ماضي ,,,, لعنتر عبس ما بيحسب حساب