غزل شديد اللهجة, منها,ﺇلو.
-------------------
ليش الجفا يا بو قلب قاسي
اشتاقت لَ صفحة خدَّك النحلاّت
صوتك دفا صدرَك حجر ماسي
بحرَك صفا ب يجهّل الرملات
لما انطفى نار الهوى ب ْراسي
وحدو لهيَبك شعّل القبلات
فَل النعس ,يمكن خلَص كاسي
شرّف بقا معزوم عالعسلات
-----------------------------------------------------------------------------------
قلبــــــــي أنا وقلبك إجو رفقه ___ قلبيــن يـدفـق حُبهــم دفقه
قلـــب اول فتـــــح دكــــــــانو ___ وقلب تاني عـــاقد الصفقه
وهيك بقيــو تنين مــــا هـــانو ___ أعلام تخفق بالهـوى خفقه
ظروف الهوى بميزانهن زانو ___ وكلمن عاحظو دافع النفقه
ورغم الدفع قلبي الوحي خـانو ___ يا قلب لا تنظر إلي بشفقه
فيي القوافي افترض مـــا بانو ___ شاعر بكفّو صفّق الصفقه
ولوما نطق بالشعـــــر بلسانو ___ قلبو بصدرو بالدقيقه ليــك
________ بالحب عم يخفق ألف خفقه ________
-----------------------------------------------------------------------------------
نطرتك يا غالي حـــدّ راس العين ----- والنبع حـدّي ... يدفق الميي
تحت مدة حـــــور ... ع الميلين ----- وشـــوشــتها ما تقول يا خطيي
وع الشجر كانو هون عصفورين ----- بينغوشـــــــــو ع الحبّ وعليي
يقلا شــــــوفيها ســــارحة ولوين ----- تقلو متل ما سرحت يا حســون
------ وع الســــــكت كنت تقول غنيي ------
----------------
__________________
ســـوريا يا كمام الورد ............. لونو عَ خدودك صـــافي
عنـدك مني أحلى وعد .............. رجعة عَ الحضن الدافي
---------------------------------------------------------------------------
احلم بحلـم الهـــــوى والعشـــــق خليني ___ صــــــارت اليقظه ألم والفكـر سكيني
بينـي وبينن بقي هالحلم وحـدو حجـاب ___ لو انزاح عنــــــي كفن بيصيـر لفيني
طلي ببسمه عاتمك بعد طــــول غيــاب ___ وتاحس فيها أنــــا ونــايـــــــم تبوسني
ولولا بتجيني وعليكي من الوقـار ثياب ___ ال غطّو حلاكي البقي جوات هالزيني
بعيـون نظـرة غرامي شفت هالجلجاب ___ أشبه بحــــــــوا بجنه وثوبهــــا التيني
ويا بنت اربع تعش تايزول هالسرسـاب ___ لا تندهيلي انت يا إبــــن عشـــــريني
إنتي ربيعي دوايي وطلتــــك اعشــــاب ___ بلسم وجودك معـــــي يـــــــا تقبريني
وكيف ما تكوني حبيبه وسحرها جـذاب ___ بيضل سحرك سحر لـو كان تسعيني
---------------------------------------------------------------------------------------------
وين القمر ... غافي ....... وين الحلو ســـرحان
نايم ... على كتـافي ....... ومن حبنا حـــــيران
كاس الهوى الصافي ....... وعم يشربو ســكران
يا حلو ... لا تجافي ....... محبوبك ... الولهـان
ناطر على حفــــافي ....... التاريخ ... والأزمان
تايقلك ... عـــوافي ....... وتبقى إلو ... عنوان
---------------------------------------------------------------------------------------------
بَلا ما نقطع حديثكن .
----------------------------
عم يغزلوا بْ حْلو الحكي خيطان
و عرّيش عم بيجْن عالحيطان
وبكّير لما هالفجر بِ يفيق
بِ بَوّسا وبتفكّروا غلطان
---------------------------------------------------------------------------------
يلّـــي خلطتـي بالهــوى وراقي ____ ورماد صـارو بنــــار قداحه
نهر الأمـل فيكي كنــــت ساقي ____ نشف رجّع يابســـــه الواحه
كنت اتعـب سابـــــق سبـــــاقي ____ تاحس في حضنك أنا براحه
صرت وحـدي لحبنـــــا بـــاقي ____ وإنتي بدنيا الغيـــــر سواحه
تعودت اشـرب كاس مش ناقي ____ واسهر أنــــا والقمر والساحه
مرضت عيونــــي وكـل آفاقي ____ غابت مـــا خلـت للأمل باحه
تانّشل هون العصب في ساقي ____ حاولت نفسي تضّـل مرتـاحه
تنهدت وحدي وقلت يـا رفاقي ____ يا نجوم ضلي خطي وضاحه
معليش مني السبب مش واقي ____ نفسي أنا منك يـــــــــا سفّاحه
صوت نادى من السما فـراقي ____ اصبر لا تترك نفـــس نوّاحه
فارس بعشقك مــــا حدا راقي ____ خلي ورود الأمــــــــل فواحه
قلت وينـــن ويـــن عشــــاقي ____ مــــا لقيتهن اعــــــلام لوّاحه
قالو إلـــي معليش بتــــــلاقي ____ بكرا بتاني أرض حـــوا غير
_________ حــوا بـــلا حيه وتفـــاحه
------------------------------------------------------------------------------------------------
حكي الغزل ... يا حــلو ... يا أسمر ------ معربش عَ حيطان القلب واكتر
هوّي الحياة ... وطعمها ... عَ الحلّ ------ هوّي عسل هالعمر ... والسّكر
-----------------------------------------------------------------------------------------
أجمل القصائد 
