يا جماعة , يا أحباب قلبي , أنا بكبر بشهادتكم الي بس والله ما بستاهل كل هاد , هيك عم تحمّلوني فوق طاقتي وبخاف اوقع شك على راسي.
على كل حال كل شخص بيعبّر عن ذوقو انتو غمرتوني بلطفكم , وبالرغم من انو شيطان الشعر مزاعلني وما عم يحكي معي , أنا جبرتو يساعدني لأهديكن هالهدية المتواضعة , ولا تواخذونا.....
ابتسم يا شعر لا تـوقع بـحـيـري _____انا فـي عجنـتك صرت الخميري
وحـتـى بـنـتـك الافـكـار تـوحي_____ما بدي تشيل من تحتي الحصيري
أسيرك صرت لا تزوّد جروحي_____جـروحـي قـدّ شـعّـارك كـتـيـــري
أنا تا تعــرف العـالم طـمـوحـي_____تــا أرفــع مـسـتـواك بذوب غيري
بصدق العاطفة بسيّج صروحي_____وما بـطـمـع استـعـير المجد عيري
ومصيرك انت يا عايش بروحي_____ما بــدّي قـول مــربوط بمـصيري
بــس بـقول عا مراية وضوحي_____انـا جـنـــدي بجيش الشعر , همّي
__________اعمل واجبي وريّح ضميري_____________
وينك يا حسن بنوت وينــك_____يا قونة معلّقة بسلسال زينك
زين الكان اكبر من خصامو_____شهد فيك ودفع أقساط دينك
وبعد ما سيوف زين شعيب صامو____بقي كم ديك شعر وانت عنّو
_________كفيّ المرحلة بحياة عينك_____________
وانت يا شريم ما بعّدك غريمي_____انـت صـورة خـيـالية بمنامي
روحك طاهرة ونفسـك كريمي_____وبُعدك في سما عمري غمامي
انت درة عطـيت الـشعر قـيمة_____بوقت الحرب سيف اعتاد يدبح
___________وبوقت السلم أطهر من حمامي_________
ويا جعفر بيك يعطيك العوافي_____ انت خيّال عا مهر القوافي
كتبت بالعامّي وكتبـت فصحى_____وبالحاليـن كنت علاج شافي
على فجرك طموحي اعتاد يصحى_____يصبّح ربنا ويصير يدعي
__________تقرب بينك وبينو المسافي____________
ويا ديب الشعر يا نبرة شجيّة_____انت مفضل على صحابي وعليي
انـا فـي صحبتك مجبور فاخر_____وتــا خـبـّي كـلـمـتي ما عاد فيي
قبل ما تشوف سوس الفن ناخر____جمعت شعّار مــــن كل البسيطة
____________تـا تـلـمـلم شتات الشاعرية__________
وكيفك يا ثنا الفكر السماوي_____كرمالك عم تزيدي حلاوي
أنا من جهّتي بقول الحقيقـة_____وقـعـت بـحب تفاح الذكاوي
وانتي كتر ما طباعك رقيقة_____بخاف نغازلك ويغار زوجك
_________وصحبتنا معو تقلب عداوي__________
ويا شادي يا قمر بالجو عالي_____بنقـش ديـاتـك اعتزّو الأهالي
تركت ســدود عذّالك تـصدّع_____وبذلت جهود تا تكفّي الرسالة
وانت مش بس في شغلك مبدّع_____حْفَرت بزْميل أفكارك الحرة
___________موزاييك شعر الارتجالي___________
وشفتك يا عمر أوفى الوفايا_____صديق مضمّخ بطيب النوايا
بمرسى مطمحي رسيّت ياطر____وبعـرس الموهبة مقدّم هدايا
لكن بسألك عن طيب خاطر_____متل ما بتعشق الشعر وجمالو
_________عيد حسابك وحب الصبايا____________
وتبسّــم يـــا فراس وهات يدّك_____ما بدي تظّن اني نسيت عـدّك
أنا من زغرتي بصون الأماني_____يــا فارس بالشهامي مين قدّك
واذا بصلّي على مفرق زماني_____بصـلـّي تـقدر تصون الوصية
_________والله يرحم ترابات جدّك_____________
وهلّق يا أمين ويـا رفـيـقــي_____يا شاعر معدنك جوهر حـقـيــقي
انت عالمنبر رفيقي وعدّوي_____وانت مصدر سرور بوقت ضيقي
انا عندي طموح كبير هوّي_____بـعـيـن مـواهـبـي تـقـشــع بريقك
________وبعين مواهبك اقشع بريقي_____________
تحياتي
آخر تعديل بواسطة بشار ، 18-11-2005 الساعة 11:10 PM.
| 
بيكفي اسمي ....شادي... 
