رمضان كريم

محمد حسن شريم · #1 05-10-2005

***************************

اهلا فيـــــك يا شهـــر السعادي___ يا شهـر الصوم يا شهر العبادي
ألله فـيـــــك للقـــــــــرآن نـــزّل___ لإنك يـا شهر مــش شهر عادي
ولإنــــو فيـــــك ألله الديـن كمّل___ إلك يـا شهر صــــرنا عم ننادي
ضمير النـــاس فيك الرب حمّل___ مبـادي وقـــال صُونو هالمبادي
ولإنو صــومـــك المعهـود أنبل___ من الجوع وعطش بالناس بادي
صومك يا شهر ما فرض أهمل___ من تهذيب نفس وطبـــــع هادي
صوم النفس ضــل وكان أشمل___ صوم النفس من أصعب شهادي
صوم العين عن رمـش المكحّل___ ومثلو كمّلو صـــــــــوم الأيادي
صُومو تالمرض يا ناس يرحل___ عن الجسم وما يحتـــاج العيادي
وأنت رمضان عندي شهر أوّل___ غيرك مين فكفـــــك في حدادي
منك ما حـــــدا عمـــرو تنصّل___ فقير وعبد أو صاحــــب سيادي
يا شهر الفيك ليلي مــا بتحصل___ بغير شهــــور مليانــــــي إفادي
ليلة قـــــــدر عالمؤمن بتوصل___ مثل كلمة المسيح الوصِـل فادي
وإذا عن نطرتك يـا شهر تسأل___ وكفتــــا شوقــنـــا صفّى زيادي
لإنو فيـــــك كل مؤمــــن تأمّل___ من ذنوبو بعد مــا يصوم يرجع

___________ كأنو طفل في يوم الولادي _____________

شادي75 · #2 07-10-2005

طل الصيام بطلّتو فرحو الأنام ------ طلت لوان الطيف من بعد الغمام
ومرّة أنا فكري بجو الصوم حام ------ بصيامكن وصيامنا بذات المقام
وشفت بي ها لجوّ في غراب وحمام ----- وشفت العجايب وسألت وين الصيام؟
وين الصيام؟ بنفس مافيها سلام ------ تعرّت من الأخلاق رغم الإحتشام
وين الصيام؟ بشخص بيتو من الرخام ---- غَض النظر عن خي م بيملك حرام
وين الصيام؟ بإبن فاقد احترام ----- ل بّيو وإمّو مابيعطي اهتمام
وينو صيام النام عاريش النعام ------ وجارو فرش عالأرض ثَوبو تاينام؟
فِهمو الصيام الصوم عن مي وطعام ----- بس اسمحولي قول كلمة التزام
شوقيمة الصايم ن فِضْيِت معدتو ------ وراسو انتلا بالحقد وْبسَم الكلام؟؟

محمد حسن شريم · #3 15-10-2005

************

إبـن آدام هيــــــــــك بالدنيـا انزلـق ____ فضّل كُره ابليس عاربـو الخلـق
من عدم من إعجاز من طين وعلق ____ ألله خلقنــــا ورحمتـو علينـا دلـق
ويا تابع الأهواء عقلك مـــا اشتلـق ____ إنك متل شعره الدهر قص وحلـق
واليوم مدفـع رحمتــــــو ألله طلـق ____ رمضــان فيه الصوم صـوّم للقلـق
هيّ فرصتك يـا إبن آدام كل عـام ____ تطلـــــب شفاعــة ربنـا رب الفلـق

*******

شفيق · #4 15-10-2005

يا محمد الغالي..يا أحلى بنفسجي.................بدنيا الشعر,,,يللي على إيدك نجي

عطيت لشهر رمضان أصفى محاججي...........وعطيت صوم النفس صورة مغنجي

وحكيت عن ادم وابنو الملتجي .....................صوب الدني وخلا بلانا ينهجي

من ابن ادم ما بيجي إلا البلا........................وإلا الحلا من ابو ادم ما بيجي

زيدنا من هالحلا يا بو أدم....

شفيق

محمد حسن شريم · #5 17-10-2005

******************

الإنســـان ؟ ألله خالقـو وحبّو ___ يـــزرع بحقـــل المغفره حبو
وقــال في ظل الشهر نعمـل ___ الحبــه بجــــره حبـوب بتعبو
وقــال نصبــــر فيه نتحمـل ___ وحاجــات محتاج الدنــــي لبو
وبسور هـــــالقــرآن نتــأمل ___ ونحـب بعــض وحقـــدنا نكبو
وندعي إلو ونتــوب تايكمل ___ جوع وعطش عاجسمنا انصبو
برمضان ألله رحمتو بتنزل ___ في كل ســــــاعه تالمؤمن فيه

________ طامع برحمة خالقو ربو __________

*******

محمد حسن شريم · #6 20-10-2005

*****************

للخير يــــــا إنسـان فتّـح هالبـواب _____ وحـدو بيزيح غيوم حاملهـا الخطـا
من قبل ما تبدا نــــــدم تبـدا عتـاب _____ مع نفس .. بعد الموت ما تقدّم خُطى
هونيك مش رح ينفعك جـاه وجيـاب _____ عبيتهن مــــن شـح أو مركـز سطـا
وبالواسطه يلي إلك هون استجـاب _____ هونيك جنـب الحق ما فـي واسطـه
واليوم في رمضان أرجع للصـواب _____ من قبل مــا تاكـل صبيعـك قرقطـه
توب عــــــن دنيـة فنـا هـم وعـذاب _____ حُبّا يا بـن آدام وطـى زادك وطـى
غير العمل فيها مــا عنـدك إكتسـاب _____ مــا في حدا بالأخـره غيـرو عطـا
تاتكون هاني هيك في يـوم الحسـاب _____ لمّـــا عـن الأعمـال ينـزاح الغطـا

*****