بدلة عيد ( شروقية )

سيمون نظامي · #1 20-09-2005

بدلة عيد ( شروقية )
قالت يا شاعر حلو من شعرك الاحساس ........... بدي قصيدة غزل بالعيد كرمالي
ويكون فيها الخمر والحب كاس وكاس ........... حتى ما ازعل انا ولا تزعل الدالي
******
كرمال عينك قلت تكرم عيون الناس ........... بطلع ع تاني دني تاجيب موالي
وبنزل ع مرجة زهر وبّوسو للآس ........... وقلو عصرلي عطر تا عطّر الغالي
******
وبشرد بشردة فكر من شعر بو النواس ........... الفيها شموخ وفرح من سكرة ليالي
وبسحب خيوط الفجر وبطرزا بإلماس ........... وكلّف ملايك سحر تغزل بمغزالي
******
تحيك حنيني طقم وتلفلفو بانفاس ........... نزلت بدمع الوحي من قبة العالي
وبنطر تعيدك يجي وبدقدق الاجراس........... وبصرخ ع بيت الهوا تا تحضري قبالي
وقلك يا عمري قبلي عيدية الحساس ........... بدلي ع قدك شعر للعيد منشالي

.................................................. ..سيمون النظامي 19-9-2005 عيون الوادي

شفيق · #2 22-09-2005

سيمون فيك الوحي من عظمة الخلاق..................الشتى بشعرك حلا من زهوة فصولو

شفت بقصيدك طهر ومواهب وأخلاق .................يملو عرض هالفضا ومساحتو وطولو

قديش فيك سمعت,,أنك نهر دفاق ........................للشعر حتى بشعرك ترتوي حقولو

وقديش صار النظر تا يقشعك تواق ....................توق الصدر بالبنت عا حضن مريولو

ولما قصيدك شفت عالموقع المشتاق....................وعيون كل البشر عحروفك يجولو

شبهت حرف الشعر بالجدول الرقراق..................والعين جرة انحنت من نظرة الأحداق

........................من شان تاخد درر من جدول اللولو..................................

أهلا وسهلا فيك يا أخ سيمون ...بموقع مشتاوي

ومنتمنى المزيد من هالحلا

شفيق

سيمون نظامي · #3 30-09-2005

شعري أنا من عيون وادي الدافية.......ما شربت إلا من العيون الصافيـة
كان الخمر في كــل أيامــي رفــيق ......كانـــت عيــوني عالـدوالي لافيــة
لكن بعد مسمعت شعرك يا شفيــق .......عالقافـــية حطيـت لمسـة كافيــة
بدلـت حـب الكاس و الخمر العتيق...... وصفيت اشرب من دوالي القافية

شفيق · #4 02-10-2005

هالقافية شعرك أنت بيهمها..............تتصير في دلق الحلا ترجح عيون

والدالية الشعرك بكفو ضمها ...........ودمعو سقاها وحطها بسهد العيون

لو تركتها فراق الصفا بيحمها.......وبتموت لو ما انسقيت دموع العيون

وبتصير لو قشعت الوردة تشمها .............وتقول ما أغلاك يا ابن العيون

شفيق

راجح · #5 10-02-2008

اقتباس:

المشاركة الأصلية كتبت بواسطة سيمون نظامي

بدلة عيد ( شروقية )
قالت يا شاعر حلو من شعرك الاحساس ........... بدي قصيدة غزل بالعيد كرمالي
ويكون فيها الخمر والحب كاس وكاس ........... حتى ما ازعل انا ولا تزعل الدالي
******
كرمال عينك قلت تكرم عيون الناس ........... بطلع ع تاني دني تاجيب موالي
وبنزل ع مرجة زهر وبّوسو للآس ........... وقلو عصرلي عطر تا عطّر الغالي
******
وبشرد بشردة فكر من شعر بو النواس ........... الفيها شموخ وفرح من سكرة ليالي
وبسحب خيوط الفجر وبطرزا بإلماس ........... وكلّف ملايك سحر تغزل بمغزالي
******
تحيك حنيني طقم وتلفلفو بانفاس ........... نزلت بدمع الوحي من قبة العالي
وبنطر تعيدك يجي وبدقدق الاجراس........... وبصرخ ع بيت الهوا تا تحضري قبالي
وقلك يا عمري قبلي عيدية الحساس ........... بدلي ع قدك شعر للعيد منشالي

.................................................. ..سيمون النظامي 19-9-2005 عيون الوادي

من وبر شعرو .. جاب بدله دافيه = الها .. و ظنونو عنّها مش خافيه
حتى وقت يسترجع البدله تعود = حوا وعليها بس ورقة قافيه