المباراة الزجلية - الصفحة 5

ثناء حيدر · #61 12-09-2005

جوقة الوطن / ثناء حيدر / براغ - تشيكيا

--------------------------

يا حروف طلو نكتب الشــعر الجميل
البيرددو من بعدنا ... شي ألف جيل

ويا ورد عَ خدود الصـــبايا روح ميل
وانسج منابر توســــــع الجفن الكحيل

ويا مرايتي خلّي الزجل فيك صـــقيل
تا تلبقي بدي أنا الشـــــــــعر الأصيل

حتى الحقيقة ... بالكتير وبالقليــــــل
تتوضح ولفظة دفش عنا يشــــــــــيل

جايي ... أنا بالزجل ما عـندي مثيل
تا زيح من درب الشـعر شادي الهزيل

إنكنو الحقيقه ... قولها عم يجرحـك
نحنا حقيقتنا دوا ... بتشــــــفي العليل

--------------------------

شادي75 · #62 13-09-2005

شادي موسى \ جوقة الشام

شادي بفرحات اليتامى مطرحو ....... ٍزَيٍح المصيبة للفرح .... بتزحزحو
والرب..شِعر وحِس مرهَف مانحو ...... يحكي حقيقة جوق ... حكيو بيجرحو
ولْـ هالسبب أفكار شِعري الِـّ نوحو ...... صقلو المراية تالحقيقة تلمحو
صرتو توردو خدود ... من لونا استَحو ....... وبْمْيل جهل ...جفونكن بتزَيِحو
ووجه الحقيقة تغِيِرو بملامحو ........ تـ مرايتي.. وجه الْـ لِكن ماتفضحو
ومش بس انتو... بيستحي بوجهو القدر ...... لما بحط مرايتي عامسرحو..

شادي..

ثناء حيدر · #63 13-09-2005

جوقة الوطن / ثناء حيدر / براغ - تشيكيا

--------------------------

بدّو الزجل شـــــــــــــــعّار ... بيعَلّو الجبين
مش شـــبّ ... بمرايي ... وداير يســــتعين

الكحل اللي ع عيوني ... شـــعر متل اللجين
كحلي وطــن غالي ... وبقايا الخـــــــــالدين

بمرايتي ... بشــــــــــــوف الأماني الملهمين
وبظن ... إنا مرايتـــك ... للضايعـــــــــين

متلك ... ع درب الشــــــــــــعر كلن تايهين
وبشك أنك شــــــــــــاعر ... وشعرك فطين

ومنشـــــــــــــــان مَ تبقى لا طين ولا عجين
وما يضل حكيك جعجعــــــة من دون طحين

رح باخود ... بعركة زجلنا وشـــــــــــعرنا
هالشك ... راح بعطيك - يا شادي - اليقين

--------------------------

شادي75 · #64 14-09-2005

شادي موسى \ جوقة الشام

تغَنّ بْوِطن ...ع تراب غيرو مدللي ......... عودي ومن ترابو عيونك كحّلي
بذِكرى الصليب اليوم..ناري شاعلي ...... تأكيد موتة ربنا ع الجلجلي
ومازالك مراية شكوكك حاملي ........ مش رح تشوفي ولاْحقيقة كاملي
لكن انا عطيتك بـ ردّي الأولي ...... مراية يقيني تالحقايق تنجلي
رجعتي بجناح شكوك جهلك تعتلي ..... تشكّي بشِعري....ورح تشكّي بمِرجَلي
ومن بعد شكك رح تقولي ياثناء: ...... أيقنت هالمنبر... لشادي ومش إلي..

شادي...

ثناء حيدر · #65 14-09-2005

جوقة الوطن / ثناء حيدر / براغ - تشيكيا

---------------------

بيبقى الوطن بالبال ماشـــي غندرة
ولو كان عندي كلّ أمـــوال الورى*

وشادي اللي بلّش ع القصايد مسخرا
رح علّمو ... كيف الحقيقـــة بتندرا

ومابين شـكّ وشـكّ حاجي شـوشـرة
لا تسـطّح الموضوع ... منّو ثرثرة

شـكّي ... ما رح يقبل عقول مسكرة
شــكّي ... بيرفض كل كلمة مزورة

شــــــك النبي بأصنام حتى كســـــرا
وعيسى بيهودي شــــك عالدين افترا

وحكامنا أصــــنام عنّا ... مصوره
الشـافو يقين الســـــــــلم ورقه بتنقرا

لو كان ضلو عاشــــــــكوكن باليهود
كان رجّعو أرض القداســـــه محرره

الورى: البشر
---------------------

شادي75 · #66 15-09-2005

شادي موسى \ جوقة الشام

هالثرثرة لْنسوان شكّت ع الدوام ..... برْجال طحْنو صخور.. ت يأمْنو الطعام
والزور متل الشك من ذات المقام ..... بدّو يقين الحق ت يسود النظام
وشِكّي ع بدلة جهلك فكاري وسام ..... تاعلّمك ع الفلسفة وزيدك علام
محمد كَسَر أصنام ... متيَقن تمام ....... في رب يُعبَد دون شك ولاْ ملام
ولمّا اليهود شكو بشخص فادي الأنام .... محّا الشكوك بوقت مَ مْن الموت قام
وعاسيرة التحرير من تلاتين عام ...... الحكام شكو بقوّتن والحق نام
تيَقّن أسد تشرين من نصر العرب ....... حتى خصامو أيقنو وطلْبو السلام..

شادي...

ثناء حيدر · #67 16-09-2005

جوقة الوطن / ثناء حيدر / براغ - تشيكيا

----------------------------------------

شادي ... يقينك نيمك في أرض بور
وصار شعرك ثرثرة والشــــــك زور

ولما اليقين بيشــــــــلحك جوّا القبور
بتشـــوف جهلك فلســفة وحقدك شعور

لو ما يشــك الأســـــــد بالواقع ويثور
ما كان بالحرب انتصــر متل النســور

وقت الأديسون شك من قلبو الجسـور
بالعلم صرت اليوم عم تقشـــــع النور

شـــك النســــا غيرة ويا محلا الغيور
البيحـافظ على البيت من غدر الدهـور

وهالفلســــــفة اللي إنت مفتكرا حكي
أصلاً بغير الشـــــــك ما إلها حضور

----------------------------------------

شادي75 · #68 17-09-2005

شادي موسى \ جوقة الشام

ما شك حافظنا ب رجالو الطيّبي ...... ولا هنّ شكو بمقدرة قائد أبي
والفلسفة ...تيقين منطق مختبي ....... والشك وسواس وعقول مشقلبي
تيقن أديسون ...في حقيقة غايبي ...... وثبّت يقينو بنور لمبة مدهّبي
ميقّن بموتي ...ولو حقيقة مرعبي ....... ميقّن في جنة وهيك حلمي ومطلبي
وضلي بشكوكك عايشة ومسرسبي ....ورح اسألك ....حكي الجبين وجاوبي
متيقنة ..القرآن من وحي السما؟....... أو عم تشكي بحق آيات النبي؟....

شادي.....

ثناء حيدر · #69 18-09-2005

جوقة الوطن / ثناء حيدر / براغ - تشيكيا

--------------------------

منيح الذكرتلّي الحقيـــــــــــقة المطلقة
اللّي بالسّـــــما ... وبتضلّ فيها معلّقة

القرآن شــــــــــــــكّك بالعقول المغلقة
اقراه ... كلو شـــــــكّ ودروس وتقى

ايمتا يا شــــادي رح بتفهمها ... بقا ؟
هالشّــكّ مش تخوين ... منّو هرطقة

تيقّن بموتك ... بسّ جنّــــــــة مزوّقة
انساها ... بسقر بكرا رح تدوق الشّقا

الله عطـاك العقل ... حتـــّـــى ترتقى
ع دروب علم، ومعرفـة، وطهر، ونقا

موسى النّبي ... شكّ بإلاهو وما خجل
والرّب لبى ... وطمنّو ... وزاد الثـّقة

--------------------------

شادي75 · #70 19-09-2005

شادي موسى \ جوقة الشام

قلتي ...الحقيقة بالسما توزّع حنين ..... فهمتي ..الحقيقة باليقين بتستعين
القرآن كلّو شك؟ ... شو عقلك فطين ..... الشكّو بكلامو تصنّفو مْن الضالّين
والله عطاني عقل ...وكل الملهمين ..... ت نكون من نور اليقين مرسملين
وموسى بعصا ...أيقن برب العالمين .....وفرعون والسحرة اللي بقيو شاكّين
ومابين يقينو ...وشك سحرة مفرعنين ....... رح اسألك تاترجعي تحِكّي الجْبين
تيقين موسى فاز ع أْفاعي الشكوك ؟ ....... ولاأفاعي الشك فازت عاليقين؟....

شادي.......

ثناء حيدر · #71 19-09-2005

جوقة الوطن / ثناء حيدر / براغ - تشيكيا

-----------------------

هيدي الأفاعي آكلي عقلك منيـــــــــــح
تا صار حكيك متل أصواتا فحيـــــــــح

موســــى اللي شكّ بعقل فرعون القبيح
ولو يقّنو ... كان الوحي متلك جريــح

افهم حكينا ... وعن دربنا لا تزيـــــــح
ما بشـــــــــكّ بالقرآن والوحي الصريح

القرآن هو الشــــّـــــــكّ بالكفر الشّحيح
تا يوصــــّـــلك يا حلو ع الدّرب المنيح

ورح بســـــــألك يا ملهم وجايي يصيح
لولا الشكّ منين أنقذنا المســــــــــيح ؟؟

ولولا نشـــــــــــــــــكّ بعلم هللي قبلنا
من وين كنّا منعرف الدّرب الصــــحيح

------------------------

شادي75 · #72 20-09-2005

شادي موسى \ جوقة الشام

ماشك موسى ..ميقّن بفرعون ضال......وفرعون شكك بالنبي وربّ الكمال
وقلتي..ماعندِك شك بالقرآن..عال ...... إنو اعترفتي ب اليقين بهالمجال
وكيف عم تشكي بعِلم فيه البحث طال ؟ ......غزو الفضا هيدا يقين ولا خيال؟
الفادي انصلب بين اللصوص ..الحق قال .....اللص اللي يقّن فيه الفردوس نال
وفي لص متلك ضاع بشكوك وجدال ....... وبرجع وبسأل بس لاتضيّعي السؤال
ان طل الهلال ...تيقني بأول العيد؟.......أو عم تشكي بعيدك ان طل الهلال؟..

شادي....

ثناء حيدر · #73 20-09-2005

جوقة الوطن / ثناء حيدر / براغ - تشيكيا

-------------------

كلما الحقيقـــــــــــة يولعو قناديلها
جرم اليقين ... بيقطعـــــلها فتيلها

بيقوم رب الكون حتى يشـــــــيلها
بيبعت نبي يشــــــــك بعدالة جيلها

قرآنها ، وتوراتها ، وإنجيــــــلها
للشــــك صورة واضحة بتأويلها

أعيادنا بإثباتــــــها وتحليــــــــلها
منشـــــك تا نشوف القمر يوميلها

لكن إنت ... يا عالق مقابيـــــلها
وغرقان مع فرعونها في نيـــــلها

ياريت موســــى تتركو يشكّ ومعو
ربّو ... لآراء الكـــــــفر تيزيلها

-------------------

شادي75 · #74 21-09-2005

شادي موسى \ جوقة الشام

بغْرق ب نيل دموعكن ...وقت البكي ......ع شككن إنها لِكُن هالمعركي
وشكك لساعة م القمر يظهر لِكي ....... المعنى عم تيَقني بآخر هالحكي
وكتب السما للشك؟..شو هالفزلكي ...... ما كل آية ع اليقين بترتكي
بموسى ...بربو ... ريت شكك تتركي .....وتيَقني ب عشرة وصايا مباركي
ورح اسألك كيف؟ ...و بدَينَيكِ فْرِكي ..... يزيلو كفر آراء سودة وحالكي ؟
بعقول بتيَقّن وصايا ربنا ؟ ....... ولا ّ بعقول ب هالوصايا مشكّكي؟....

شادي....

ثناء حيدر · #75 22-09-2005

جوقة الوطن / ثناء حيدر / براغ - تشيكيا

-----------------------

رح تـغرق بدمعي ودمع كلشــــي فهـيم
تا تنتشـل من راســـــــــك الفكر العقيم

ببكي ع شـــــاعر ضيعو الفكر السـليم
ببكي ع واحـد معترف إنو ســــــــقيم

بدك وصـايا ... خود بلكي بتســــتقيم
بأول وصية ... بعود عن فكــر اللئيم

وتاني وصية ... تعلم النقد الحـــــكيم
والتالتة ... آمن برحمن الرحـــــــيم

والرابعة ... لا تركن بتصبح زمــــيم
والخامسة ... شكك بشــيطان الرجيم

وعاســــيرة عقول الخليقه ... يا فهيم
ما تيقنو لوما يشــــــــــــــكو بالصميم

شــــــــــك العقل بالكون واللي خالقو
مشّى الخليقه عالصراط المســـــــتقيم

----------------------