هذا الحوار دار بيني وبين الشاعر المنبري بشار إبراهيم ......... إرتجالي على الماسنجر
نشالله بيعجبكم عمر
يا بحر شعري فيق أوعى لا تنام ............ وعمق المعنى فيك بدي إزرعو
ويلي فكارو شاردة ببحر الغرام ................. من الصعب شعر المرتجل يطلع معو
بشار
بشار يلي بينحت بازميل نور.............شمس البلاغة من فكارو شارقة
عايش بنتفة وحي وشوية شعور..........وحورية اللهام عقلو سارقة
عمر
بشار يلي كان طيب منبعك ................ من كل عمرك كنت بتجد السعي
مهما حواري الشعر بيشدو معك .............. ما فيك تلقى عركة معنى معي
بشار
بعركة معنّى , ان فاقت حروف الخيال.................بخاف عني ما تصفّي راضية
ويلي اذا تشتشتك بزند الدلال...................وويلي اذا صرعتك بضربة قاضية
عمر
ما بخاف من ضرب الصغار ولا الكبار ............... ما عليك إضرب كيف ما بيحلا إلك
وما تزعل ن مشيتك على بركان نار ................ من حيثني ما بزعجك عم دللك
بشار
بركان فكرك خامد وخامل كمان...........مجمل رصيدو ما بيطلع نفختين
في رفقتي ربحك تسوكر من زمان ...............لكن انا بخسر معك عالحالتين
عمر
عرفتك أنا من زمان شو إنو طويل ................ بشخصك إنت شرفتني وبشرفك
لكن كشاعر متعب وعزمك هزيل .................. لا بشوفك قبالي أنا ولا بعرفك
بشار
بشعر الزجل فارض وجودي عالوجود..........وليش شعري بالنقص عم تتهمو
معقول عينك لابسة عين الحسود...............يما الفكر محدود, مشم عم تفهمو
عمر
بيجوز إنو شعرك بيحمل قوى .......... لكن قبال الشاعر لعقلو خفيف
بس الفرق بيناتنا بالمستوى ........... هوي لجعلني بالشعر شوفك ضعيف
بشار
بيناتنا بالمستوى ما في كلام.................متل الفرق بين العبد والآلها
متلك الشمعة وقت ما حل الظلام.............صارت عا نور الشمس تقشع حالها
عمر
الشمعة ما شافت حالها بليل السكون ............... لكنها فرحت بضو عيادها
وهيكي أنا مبسوط لما عم يكون ................... علمي منور عالدني بأبعادها
بشار
يا ما علينا مارقة شموع ونمر...............وياما لبسنا الشمس قونة بنحرنا
لما غطسنا ببحر علمك يا عمر.............بحرك وانت طلعت نقطة ببحرنا
عمر
بحري وأنا نقطة ببحرك عالغدير ................. لكن منبقى الدر يلي ما نفنى
ومتل العجين لما طلع من دون خمير ............ هلق بقلك كيف بحرك انبنا
من دون بحري بحر شعرك ما بيصير ........... ولا إنت رح بتصير من دوني أنا
بشار
مهما كبرت يما زغرت بعدك اخير.............. وعنقود فكرك مش عم يجنّي تمر
شو نفع لولا صرت درة او خمير................ وما فيك ذرة من الكرامة يا عمر
عمر
شو نفع الكرامة لفيك يا بشار بيك .......... ما زال زنبك عا رفيقك طارحو
لكن إنت لا تخاف ما بعتب عليك ........... حيث المتل بيقول ماتو لي استحو
بشار
من تهمتك جفن الالوهيه دمع............وفهموا الخليقة ليش هم بتقول هيك
لما انا حطيت يدي عالوجع..............رد فعلك ثبّت التهمة عليك
عمر
في نفس سيفك هون بدي حاربك ............ ولو تهمتك ما بتقترب عا مطرحي
ورد فعلك عا ضميرك ضاربك ............... وقلك يا إبراهيم إعقل واستحي
بشار
مين اللي قلك سيف حامل يا فهيم...........حامل معي سلاح ال بيليق بمركزك
تجسّد سلاحي بابرة الرأي السليم.........وكلما شهدت زور بضميرك تنخزك
عمر
الرأي السليم يليق فيي شي أكيد ............. من مركزي هوي وأنا من مركزو
وقصة شهادة زور حكيك مش سديد ......... ولفي مسلّة تحت باطو بتنخزو
بشار
فلّت لسانك للتعدي وضل جور.............نفسي كبيري وللرخص ما بلتجي
مش اول المرات في عصر الفجور .........بيعلى عا صوت الحق صوت البلطجة
عمر
خلصنا بقا حاجة كلام وسبسبي ............... منضل رفقا بيننا شو ما بيصير
واحد إلاه الشعر والتاني نبي .................. الشاعر بفكرو يسّر الأمر العسير
الداعي أبي وبشار أكتر من أبي ................ وكل شاعر مننا بيصلح أمير
كان القصد بالشعر نعلا مرتبي ................ وعا جنح علم وفلسفة جينا نطير
بشار
بعرف انا في رفقتي بيكبر عمر........... وبكبر انا في رفقتو وما بستحي
لما خلقنا ربنا بفكرو ضمر....................نحمل رسالة فكر عا جناح الوحي
