عركة معنّى قصير بين بشار ابراهيم ومحمد شريم وشفيق ديب

[بشار]

يلا شباب


حتى بعركــــــات المعنّى نبـــّل ريق..............يا محمد ونفرق الفحم من العقيق
مش راح إروي غل طق من العطش...............تا تنزلو عـا سـاحتي انت وشفيق

[محمد حسن شريم]

محمد وديب بحور بالشعر الحنون ............. رويو عطش كلمن عاشاطيهُم لفا
منرويك يا بشار من دمع العيـــون ............. عاشرط تدمع عين أشعــــارك وفا

__________
تقديري

[شفيق]

يا فاتح ببيت المعنى راحتك ************* عا حد سيفي ما بتقشع راحتك

قدام أنهاري لا تعرض واحتك **************من حيث أنهاري الغزيري زاحتك

في وهم أفكارك مكبر باحتك********** وعا ساحتك طلعت صغيري مساحتك

ولو حجمك بيكبر ألف مرة كمان ********** لا بشوفك و لا بنزل على ساحتك

[بشار]

هاي الك محمد

يا بحر حظّك ما الو عندي نصيب................عرفت الغدر من طبعك وطعمك غريب
ما جيت شقّك بالعصا لوما أنا....................ارضع وفا من قبل ما ارضع حليب

[بشار]

بيتين غنّي ولبّس الفكرة حرير...............ومتلي أنا دوّخ عقول الالهه
لكن اذا مش قد المعنّى القصير..............بتقدر تسيب المعركة لرجالها



وهادا الرد :

طيلق جناح الموهبي وحاجي غرور................وخلي ضميرك يا شفيق مرايتك
ال بيموّن نجوم الفلك خيطان نور..................صعبي يشوفو شخص متل حكايتك

[شفيق]

لو كنت ما بتشوفني ,,,حكيي اسمعو,,,,,,,,,,,,,,, ومش كل من ما انشاف قادر تنزعو

الله الكبير سمعت في اسمو سمع ,,,,,,,,,,,,,,,,,,, وما فيك في نظرة عيونك تقشعو



معليش يا بشار لا تكتر حكي ********* ولا تخلق بقصر المعنى فذلكي

مش معركي لولا نزلت غني معك ******من حيثك بتهرب بنص المعركي

[محمد حسن شريم]

المشاركة الأصلية كتبت بواسطة بشار

هاي الك محمد

يا بحر حظّك ما الو عندي نصيب................عرفت الغدر من طبعك وطعمك غريب
ما جيت شقّك بالعصا لوما أنا....................ارضع وفا من قبل ما ارضع حليب

لا إنت موسى ولا أنا فرعون سيب ............ حكي الطفل للشيخ مـا بيناسبو
البيكون عم يرضع وفا يمــــا حليب ............ بيكون بعدو طفل صعبي إنحاسبو

_________
تقديري

[شفيق]

بس لو سمحتو ,,,,,,لازم نساوي الحوار جماعي ,,,,يعني ردة وحدة من كل واحد تلات أبيات أقصى حد ,,,,,,,لأنو إذا استمرينا نحنا التنين عبشار بيصير الحمل تقيل عليه ,,,,

ما هيك بشار؟؟؟؟؟؟؟؟

حبيبي أنت

[بشار]

عا هالحكي صاروا عيوني يدمعو............دمعة حزن عا شخص جهلو ضيعّو
قلنا انت بالارض نحنا بالسما.................رب السما ورب الشعر ما بتقشعو



دبدب على درب الحقيقة دبدبي............وركّز معي تا تشوف سر الموهبة
دشرت معركة الكرامة بأوجها................تا شوفك بأيا مغارة مختبي

[شفيق]

رب السما بعيوننا ما منقشعو ,,,,,,,,,,,,,,,,,,, ورب الشعر لو ما انشاف بموقعو

بيكون ميت متل فضل حكايتك ,,,,,,,,,,,,,,,,,,,,,,,,وقيمة وجودو انحرقت وماتت معو



لولا بمغارة شفتني بجهل انحظر ,,,,,,,,,,,,,,,,,,,,,,,,,,,هلق بقلك وين بيتم النظر

هيدي المغارة الحضنت الفادي الحبيب,,,,,,,,,,,,,,يما اللفي عليها الإمام المنتظر

[محمد حسن شريم]

يا شفيق أخلق من الفج الغميق ................ حجه بدل حجة آلـــــه المُقتدر
وأنت يا بشار تــــــــاتلمح شفيق ................. بدك عيون مميزي ببعـد النظر

___________
تقديري

[بشار]

بكلمة طفل ما فيك عقلي تحرجو ...........طفل المغارة الرب ذاتو توجّو
وما زال صعبة تحاسبو رح بسألك............ليش الخليقة ماشية عا منهجو

[محمد حسن شريم]

عامنهجو مشيو بعد ســن الكبر ............ لما شفي الأعمى ومشي حدو الكسيح
وانت لو عامنهجك مشيو البشر ............. كان انقرض ديـــن النبي وديـــن المسيح

_______
تقديري

[بشار]

رب الزجل لو غاب تا تشوف العبر..........بتضل عينو عليك من كتر الوفا
وحتى اذا بتنكر جميلو المعتبر...........بيسهر تحتى تشبع عيونك غفا



يا ارنب العامل زعيم بغابتك..........من هالحكي عين السخافة صابتك
هيدي المغارة الكنت فيها يا شفيق.......شفت فيها حضرتك وعصابتك

[محمد حسن شريم]

انحكيت يا بشّار أحكي عـاأصول ............عُصبهِ حسبنا مش عصــابي بيقتلو
وما زال رأيك هيك فينا عم تقول ............ شو مقعدك معنا بهالمشتى الحلو

__________
تقديري