__________________
سامحوني

شكرا شفيق على هالاسئلة الحلوة.
بتعرف , كل نقطة أو فاصلة كتبها خليل روكز بحبها وبموت فيها فما بالك الكلمات والجمل.
شاعر منبري كان متكامل والكمال لله طبعا , حضور ,خيال ,ارتجال ,في جوقة موسيقية بصوتو وغصتو , وجداني لأبعد الحدود ,حزين (يمكن بشبهو منشان هيك بتأثر فيه أكثر من غيرو) , صادق بتعبيرو عن واقعو , معذّب , يعني بعد في اسباب كثير بس بيكفو هادول...
وبرغم نعوميتو وحنيّتو بشعرو عندو عنفوان منبري لا يضاهى .
أنا بصراحة بشوف فلتات لطليع حمدان صورة عن فلتات خليل انكان بالصور الشعرية او الصوت ولكن أكيد اللي كتبو خليل بفترة 22 سنة عاشهن عالمنبر , طليع بدي يقرب الهن بعمر الستين.
وطبعا بحب الشعراء الكبار كلهن متل أبو علي وبو ربيع وبو مصطفى وأحمد السيد كمان كتير بحبو بسسسس كل شاعر منهن كان عندو طابع معيّن بيميّزو وما كان شامل ومتكامل متل بو الخل .
بالنسبة لأجمل الحفلات منبلش بالأقدم , كرمنيك (روكز والسيد) , المنارة (زغيب والسيّد ) , الزهراء (طليع وأحمد شعيب) , الغازية (طليع والسيّد) ,بيت الدين 87(طليع وزغلول)(بحبها لأنها أول حفلة سمعتها ومش لقوّة التحدي فيها) والمريلاند بين( بو علي وطليع) وأكيد عين سعادة طليع وموسى.
اذا بتلاحظ أقطاب الحفلات الحلوة هن الشعراء اللي ما بيرحمو عالمنبر وهادا سر نجاح وخلود الحفلة .
بالنسبة لأكتر لون زجلي بحبو هو القصيد وما بحب الشروقي .
وبالنسبة للكتب , ما عندي كتير كتب للأسف بس بحب قلك أنو كل قصيدة عامية باللغة المحكية ومش شرط زجلية بحب اقراها وبتأثر بكلماتها .
طولت بالرد ؟ بس بدكن تتحملونا
يلا شفوق عطينا رأيك انت , وبدنا رأي بو علي وعمور وبو حميد محمد شريم , والبسطاطي كمان وباقي الشباب الغوالي .

__________________
سامحوني

كيف الشباب

أول شي شكراً شفيق أسئلة حلوة
وشكراً لبشورة على هالمقال الحلو

أما عن رأي فأكيد الكل صار يعرف إنو عندي موسى زغيب محتل الصدارة لأنو شاعر عظيم جداً ومبدع حقيقي وأنا كمان يا بشورة برأيي المتواضع إنو موسى مكمل من كل النواحي شعر حماس فخر عنتريات وجدانيات فلسفة صوت حضور وكل شي كل واحد إلو وجهة نظر
وأكيد بحب كل الشعار أبو علي أبو روكز أبو شادي أبو مصطفى أبو فادي الزغلول الكل

وبالنسبة للحفلات كل حفلة فيها بو ربيع بحبها وأكتر شي عين الخرّوب كانت عندي قديماً جوقة القلعة وجوقة الزغلول وهون بدع أبو ربيع وحفلة حبوب وبيت مري والمونلاسال وزحلة والمنارة أد ما عم إسمع عنها وعن إبداع موسى فيها عشقتها قبل ما إسمعها
أما عن الكتب الحقيقة ما عندي ولا كتاب ومن يومين درت الشام كلها وما عدت لاقي مكتبة فيها كتب زجل بس مرة قرأت بكتاب عند رفيقي ديوان لشحرور الوادي بيجنن
وأما عن ألوان الزجل بحب القرادي بأنواعو والمعنى والشروقي كتير بحبو وبالأخص شروقي موسى بيجنن

بس المعنى القصيد مدري ليش يا شفيق ما حبيتو

على كل حال كل شي بيخص الزجل من قريب وبعيد منحبو

يلا يا ريت لما رد يرد تانشوف وجهات نظر مختلفة .......... شادي عطينا رأيك بالموضوع

__________________

لعـنـدي تـَـعـي كـل يَـوم زيـحي الـلَّـوم
يـا فـرحـتي ... يـا نـبـع إلـهـامي
من دون مَ شوفِـك لو مـرق شي يـوم
بـشـوفِـك بـذات الـيَـوم بـمْـنـامـي

أكتر حفلي بحبّا بيت مري

لأنّو الزجل وقتا كا ن بقمّة عنفانو وكانو الشعراء بزروة عطائن
وأكترحفلي حببت الناس بالزجل

أكترشاعر بحبّو علي الحج لأنو كان شاعر وحكيم وصاحب موقف

كمان بحب الشاعر أدوار حرب لأنّو كان شاعر للعضــــــم

أكترلون زجلي بحبّو المعنّى القصيد : لأنووزن حلو وخفيف ع السمع

أكتر كتاب بحبّو (جلنــــــار ) للشاعر ميشال طراد

لأنّو بيقول فيه : راعي بكي ومنجيرتو متلو ........ بكيت تيتســلاّ

................ شوقولكن عالسكت قالتلو ؟ .......... وشوقولكن قـلاّ

__________________

شكرا يا شباب

بدنا رأي أبو علي وابو ادم ,,,والاستاذ جعفر حيدر والإخت ثناء حيدر ,,,,وشادي والكل

يللا

__________________
سامحوني

مرحبا شفيق...
مرحبا للكل...

يعني الشغلة مو سهلة أبدا...
بس أكيد كل واحد إلو رأي... أنا بحب السيد ...وحبيت طليع من خلال محاوراتو مع السيد ....وأكيد إدوار حرب يعني بحب بذات الترتيب يلي كتبتو ....والحفلات والله وقت اسمع قصيد الختام لإدوار بحفلة حبوب مع الياس خليل والله يا شباب عيوني بتدمع .... يعني شي 60 مرة بقول الله يرحمو .....

وطبعا مابنكر انو الشعار البقايا ما إلهن وجود....كل شاعر نكهة ولون ...يعني أكيد زين وأسعد والشحرور وموسى والكل بس حتى توضح فكرتي يعيني مو كل الشعار بنفس المستوى بكل حفلة ....يعني بعض الحفلات فيها بعض الردود مو كتير....حسب رأي... ( من شان ماحدا يزعل) ..
وبالنسبة للحفلات كل حفلات السيد بحبها.... وحفلات طليع كمان وخصوصي يلي ب لحن فيها ..لأنو انا بعزف كمنجة من شان هيك بستمتع بسباحتو ببحر الألحان .... وأكيد كل حفلات ادوار ...وخصوصا متل ماقلتلكن حبوب وحفلة المشرف مع بطرس ديب.....وطبعا بالنهاية كل حفلات الزجل بسمعها ...بس من حوالي شي شهرين وصلتني حفلة المدينة الرياضية ...حبيت حوار ادوار مع أبو أنطون .. وأنيس وحنا موسى ... وأكيد طليع وأسعد يلي تعملق بوقتها ...والسيد والزغلول....

وأكتر لون زجلي بحبو أكيد القصيد.... لأنو بحسب رأي هون بتكمن براعة الشاعر بالإفتتاح والختام ...ولا شو؟


وبالنسبة للكتب خي شفيق ...انا ماعندي ولا كتاب ...يعني بالشام بتلاقي صعوبة بالحصول على حفلات زجل وكتب زجل....للأسف..

بعتذر لو طولت الرد....
وشكرا شفبق على هالأسئلة...


شادي..