طليع حمدان وشوقي شعبان ... بعلبك | |
شوقي
منعرف بعلبك في لها مركز رفيع ...................... مدينة الشمس لعم تضوي عالجميع
بزات المضافة بأرضها بابو وسيع .................... وشعبها للمرجلي الحصن المنيع
وعالسيف والضيف انبنا مجد العرب ................... للسيف أو للضيف جايي يا طليع
طليع
بساحة بعلبك يا خيال الشعر طوف .................... وما بين سيف وضيف بلّش تانشوف
هليت خبز العز عا طهر الكفوف ....................... وبالرغم ما بسكر عا رنات السيوف
ما في ولا رنة سيف هزة عزتي .......................... عا قد كلمة يا هلا طلو الضيوف
شوقي
سئال لبعين العقل عم بيشوفنا .......................... وعم يرصد مواضيعنا وحروفنا
بيقول بين كفوكن وكفوفنا .............................. لفيهن عم نكرم سوية ضيوفنا
إنتو طعمتو ضيوفكن خببز الحياة ....................... ونحنا حمينا ضيوفنا بسيوفنا
طليع
مش عايزين السيف للضيف اللطيف ................ بسيف الكرامة بينحما الضيف الشريف
تاريخ سيفك بعرفو جرح ونزيف ..................... بس الرغيف بيسئل المجروح كيف
يمكن تعوز السيف مرة بالحياة ......................... وللضيف كل نهار بتعوز الرغيف
شوقي
ضيوف لي حجو تا يصلو عالنبي ..................... وطافو بمدينة منورة ومكوكبي
من بعد ما طافو بنوايا طيبي ............................ بنفوسهم خلو الجروح مطيبي
كوكبي تدخل وتظهر كوكبي .......................... ما بيسجدو لرغيف خبزك يا أبي
عم يسجدو قدام راية حيّك ............................. وعا قماشها سيف الرسول اليعربي
طليع
سيف النبي صان الطريق المستقيم .................. بفضل النبي وقوة الرب العظيم
السيف زاتو يحملو كافر عقيم ......................... لو مر عالجني بيحولها جحيم
ما في جريمة صارت بعصر القديم ................... إلا وراها سيف جاني عاليتيم
ياما بسيف الشر قتلو الأبريا ........................... جبلي حدى مقتول من خبز الكريم
شوقي
لما إلاهي لبعبدو عبادي ................................. جابني شاعر من بلادي
كن سيف بيي بالقلم مشغول .............................. حتى يأرخ يوم ميلادي
لا تقول سيف الشر مش مقبول .......................... مش عبد إنت ونحن جلادي
سئال الخليج اليعربي المأهول .......................... يا تارك سيوفك على حيدي
كيف كان يزبح بالعرض والطول .................... سيف الشجاعة بقبضة الهادي
ومعلّقة عنتر لعبلا تقول ................................ كان سيفي نشافها هادي
متل بسمة سنها المعسول ............................. يبرق ما بين التل والوادي
من الخبز رح جبلك حدى مقتول .................... تكرم عيونك يا أبو شادي
بالأمس لما عنتر المسؤول ......................... تضايق بموقف عز مش عادي
وما ضل بالمعجن خبز مهلول ...................... يطعمي ضيوفو بنفس جوادي
شال بيمينو سيف ما بيزول ........................... وسبح الهادي ومجد الفادي
وشال بشمالو خنجرو المسلول ...................... وفيهن دبح مهرو لحتى الضيف
.................................. بسيف الشجاعة يكرمو زيادة ........................
طليع
دبحت الفرس يا حاتم المشهور .................... لضوّى بصفحتها صباح النور
لو مطرحك كنت نحرت حالي ...................... أحسن ما خلي عنقها منحور
بس الفرس ما دخلت مجالي ........................ ولا ندبحت من الخبز عالتنور
ندبحت بسيف من العطف خالي ................... يا ريت كان بوقتها مكسور
دخلك ما فيي شوفك قبالي ......................... جزار حول العنق عم بتدور
لا تقتل العصفور كرمالي ............................ بحسو قتلني لي قتل عصفور
للأسف ما عندي كفاية قصيدة طليع
__________________ لعـنـدي تـَـعـي كـل يَـوم زيـحي الـلَّـوم
يـا فـرحـتي ... يـا نـبـع إلـهـامي
من دون مَ شوفِـك لو مـرق شي يـوم
بـشـوفِـك بـذات الـيَـوم بـمْـنـامـي | 
لوحة التحكم الخاصة بك
خروج
بحث
الأعضاء
التقويم
