الأوزان الزجلية

شفيق · #1 26-07-2005

الأوزان الزجلية::

وفي كتير من الأوزان الزجلية في يمكن فوق العشرين وزن زجلي وتختلف طريقة النظم من وزن لوزن وتختلف طريقة رصف القوافي كمان,,,

ومن الأوزان ::

المعنى والقصيد والقرادي بأنواعه والمعنى القصيد و الشروقي اللي بينبع عنو أبو الزلف وغير ألوان ,,, والحدى وشبيهه الحوربة ,, والندب والروزنا والميجنا والعتابا والموشح والبغدادي ووزن الخبب وهوي قليل الاستعمال بالزجل ,,,,والكثير من الأوزان ,,,

وفي تقارب كبير وتقارب بين الأوزان الزجلية و البحور العروضية الفصيحة ,,,

لكن بالزجل في بعض الألعاب الوزنية اللي بتختلف وشوي ::

أول شي رح احكي عن المعنى ::

المعنى هوي الوزن السائد في المباريات الزجلية وفي نظم القصائد الزجلية ويسمى بالفصحى بحر الرجز أو البحر اليعقوبي ::مستفعلن مستفعلن مستفعلن ,,,وهوي 12 حركة صوتية ,,,,,

ويضاف عليه أحيانا بعض الزحافات الوزنية سواء بنص الشطر أو باخر الشطر ,,,,

وكمان مرات ينظم على هالشكل :: تفعلن مستفعلن مستفعلن
أو :: مستفعلون مستفعلون مستفعلون
أو :: مستفعلن مستفعلن مستفعلون

وبكتير من الأشكال ,,,

وأمثلة :::

ردة الشاعر السيد محمد مصطفى مع الشاعر أسعد سعيد بالأوبرا في موضوع شك ويقين

سيد عسن الرمح في حرب الجفا ********في كربلا عالرمح نوري ما انطفا

بقبل شكوك الناس عن خلق ووفا**********قبلي محمد عوكرو فيه الصفا

عملوه ساحر كل ما بأية لفا************وكل ما عطاهن معجزة يعطو قفا

في وقتها شكوا بمعجزة النبي ********** واليوم شكوا في محمد مصطفى

يرد أسعد سعيد ::

اتركلي الحسين وكربلا وحر الظما ***** وزت المراية الشعرك عليها انحما

لا معجزة منك ولا وحي انهما ********** ولنك نبي ولا غار حرا سينما

أنت بعصر قائم المهدي المنسما *******لحقتو وجيت بفرد عين على الحما

وان كان للعميان صفك ما انتما******ضربة عما التسكير أقسى من العمى

شفت اللي شكو بالنبي القدرو سما *******وعادو بيقينو امنو وزرعو نما

وما شفت إبليس البيشكو بيشبهك ******نا زل عراسو شك من سابع سما

ووزن المعنى كان عأيام شحرور الوادي وعلي الحج وكروان الوادي ينظم بيتين فقط ,,,

شفيق · #2 27-07-2005

وزن القرادي ::

وزن القرادي وهوي وزن يستخدم بمباريات الزجل و في القصائد المكتوبة كمان بس بيضل القرادي وزن المزح والفكاهة والخفة وفي ألو كتير من الأنواع ,,,متل المرصود المجزم القلاب المهمل وكتير من الأنواع ,,,

وهوي 9 حركات صوتية للشطر الواحد ,,,

وهوي :: فعلن فعلن فعلن فع
ومرات بيصير ::::فعلن فعلن فعلن فعل
واسمو البحر المزدوج ,,,والقرادي وزن ما بيحمل زحافات أو كسرات أبدا غير زحافة زغيرة باخر كلمة ,,,

وبينشق منو لون زجلي اسمو بالفصحى :: الخبب وهوي
فعلن فعلن فعلن فعلن

ومثال ::

مباراة الغازية :: السيد محمد مصطفى وخليل شحرور وزين شعيب وطليع حمدان

السيد

::

يللي شعرو بيسحر سحر******* مع رفقاتو يتحرى

ينزل بحر قبال البحر ********ويغطس ويشيل الدرة

بعدا الجوقة مخباية*******مين القايل كلماتو

اللي بيعرف شعرو أية*****يقدف صوبي موجاتو

نقو حمال الراية *******اللي أقوى من رفقاتو

يا منسقيه الكباية ******يا منكسر خلفو الجرة

طليع::

يللي ذوقو بيسحر سحر******بيعرف لما بيتحرى

الدرة مني بتسوى البحر****وبحرك ما بيسوى درة

يا بو جرة ويا بو دويك****مش كل جرة من الفخار

من جرة ميلي بعينيك*******بتتكحل داير مندار

كسور الجرة عليك وليك******خلي كباية بالدار

شو بتسقينا اسمالله عليك****وأنت منشف بالمرة

السيد ::

أنت وميلك ما بلطيك******في عيني واحمل دينك

لا بعطيني ولا بعطيك******مسافي ما بيني وبينك

ان كني ناشف ما بخطيك ****شو ما شافتني عينك

نشفت البحر البلطيك*******حيثك من برة ((عرا))

طليع ::

جايي عرة للأغصان ******** تا شلحها تياب الهم

ولبسها زهوة نيسان******** تيصير العنبر ينشم

وعرة للسبع الغضبان ******البالساحات بيشرب دم

ومن برة بتحسب فنان*******دمو دمك حاج تنسم

المن برة بيحسب حمدان *****وما بيندهلو يا بن العم

بيكون فاضي من الوجدان *****ما في جوا ولا برة

السيد ::

لا بنسم ولا بيصير*********من الشهد السم بيظهر

عرا وجايينا بكير*********ما بتحلم معنا تسهر

حمدان وفنان صغير********مع شعر كبير بيقهر

وحتى ما الوجدان يطير******وغش العالم بالمظهر

جربنا نحط القصدير *******ما كن يلحم عالجوهر

عدنا شفنا فرق كبير******بين الحرة و((((الحرة))

طليع ::

صار بيعرفني الجمهور ****أكبر من مجدك بكتير

لا جوهر فيك ولا نور******يا غبنو فيك القصدير

انكنك بالحرة مغرور ****الحرة من الحرة بتصير

صارت حرة صيدا وصور*****من لهبة نار التحرير

وفي حرة بتجيب زهور*****وحرة بتجيب التعتير

وأمريكا الحرة بتجور******علينا وبتدعم شامير

ونحنا ظالمنا الدستور *****كلو من فرنسا الحرة

شفيق · #3 01-08-2005

وزن القصيد ::

وهوي بالعادة يغنى بالافتتاح وبالختام ,,,,,,ويسمى بالبحور العروضية الفصيحة ,,البحر الوافر ,,,

مفاعلتن مفاعلتن فعولن .....

ويقبل بعض الزحافات ,,وبيصير //

مفاعلتون مفاعلتون فعولن

أو ::مفاعلتون مفاعلتن فعولن

مثال :::

قصيدة السيد محمد مصطفى الختامية في مباراة الاوبرا ((مباراة التصفية بعد المدينة الرياضية))بين السيد محمد مصطفى وزين شعيب وكان الموضوع بين العداوة والصداقة :::

تعي يا فلسفة غطي وطيري ********اكرجي حجلة على ضفة غديري

اقطفي من زهر بستاني المدهب*******شعاري من الفرزدق والحريري

وشوفي أحمد المختار أنجب **********أبا ذر بصداقة مش زغيري

وابن الفارسي بصدقو تعجب *********جميع الكون بالغيرة الشهيرة

وصداقة ذو الفقار بكف ينهب*********رواح الكفر من هوي خطيرة

وصداقة بو الحسن مع شمس تذهب*****لقاها رغيف من بعد الفطيري

وإذا ياسوع كنلك فيه مأرب ********بتحليلو لبست توب الحريري

أنا بجبلك رأي أصوب وأصرب******شو عندو أصدقا بلا طول سيرة

عندو حنظلة وجرجس تشرب ******من كفوفو وشفو عيون الضريري

جرجس مات بالموصل معذب ********حياه الله بالصحة الوفيري

رجع للمملكة عليها تغلب *********ما خلا لاهلها مفرش حصيرة

كلو بسر من الله مطوب***********بأسم الاصدقا عبو الذخيرة

وتوما وبطرس وبولس مجرب ********عند ياسوع قواد المسيرة

وحبيب نجار صدقو ما تقلب********حيا الأكمه معو يقرر مصيري

إلى أن يقول ::

رخيت لجام مهرك صار يسحب ******عدرب الموت من هضرة زئيري

عطيني شي عدو الفضل يكسب *******تعيطلك ابن بيك وعشيري

جبت الشمر حب البغض حبحب ******بقلب المسلمين ضربة كبيرة

رجع عا حالتو يبكي وينحب ********عملك الري إيامو قصيرة

ونسيت الأصدقا وما قلت مرحب ******لعالم في لها عالحق غيرة

وشربت بحنظل الأعداء مر حب ******* الضغينة والبغض عندك خميرة

بعداوة خيبرية شر مرحب ********* أبا الحسنين هدم حصن خيبر

***********عدوو انشق كل شقفة بديرة*********

في بعض الأبيات ما ذكرتن لأنو ما خطرو عبالي ,,,,,بس برجع بكتبن انشالله ....

وللعلم هي القصيدة من أقوى القصايد بتاريخ الزجل اللبناني كلو ,,,,

وضلو الجمهور يعيطو للسيد شي دقيقتين وعيدوه ياها من الأول ,,,