بكير يا شباب !!!!!!!!!!!!

شفيق · #1 10-07-2005

بهالمنتدى ما اعتدت اوقف عا حدى ,,,,,,,,,,,,,,,,,, لكن الظاهر صوتنا مالو صدى

وين الشباب الشعرهن عنا بدا ,,,,,,,,,,,,,,,,,,,,,, الظاهر استغنو وقت ما الجد ابتدا

رح بنده الشعار بجبال وودى ,,,,,,,,,,,,,,,,,,,,,,, بموشح وقصدان ومعنى وحدى

البدو يجي ويعلن مودي من غدا ,,,,,,,,,,,,,,,,,,,,,,, بيكون بعدو من وفايا المنتدى

لا تخجلوني وتتركو الردة سدى ,,,,,,,,,,,,,,,,,,,,,,, يللا تعو ردو بشعر قلبو اهتدا

ولا تتركوني ظن قلبي صدقو,,,,,,,,,,,,,,,,,,,, ويكون في قسم الزجل ما في حدى

محمد حسن شريم · #2 10-07-2005

يــا شفيق ال بالشعر منّــــــــك ركيك ______ غنّي آلـــــه الشعــر موهبتك عُطيك
يا زارع البسمهِ علــــــى تــم الشريك ______ شريكك أنا وللي بيــرضيني رضيك
لا تفكّر محمد حســــــن لحظـه نسيك ______ عايش بقلبو وقلبنـــا "غالو" سميك
وردّي أنا لو سمعت وحيـاة ال سميك ______ منك .. عاجمره لو كنت حافي بجيك
وهــــالمنتدى يلّي بعــــــاطفتو رويك ______ متلك أنـــــــــا بمحبتو شعري بحيك
عنّو أنــــــا لو بعدت بظروف الحيـاة ______ بعرف بيضل المنتدى عمــران فيك

بشار · #3 10-07-2005

نحنا جماعة شموع فكر سلاحنا.....ومجد الدني لاطي بظل جناحنا
نحنا عصرنا الفلسفة بقداحنا.......وظلم القدر من أرضنا ما زاحنا
ومشتى الحلو مصدر هنا أفراحنا...بتضل فيه مسوكرة أرباحنا
ولو طالنا التقصير رح منعّوضو....ما زال فيه معلّقة أرواحنا

حسن بنوت · #4 10-07-2005

هالردة العالحنها قلبي انطرب
كرمالها برجع وقلبي ما انورب
من قدر اسبوعين وتلاتي اقترب
شاعر ملاك كاسو طهاره بينشرب
هربت شياطينك بمجيت بو علي
وحضرت جنابك كنت أول من هرب

شفيق · #5 11-07-2005

أهلا يا بن حومين يا عالي لواك ,,,,,,,,,,,,,,,,,,, ما في حدى بالكون عالمنبر لواك

و بشار قلبي بحبك مكهرب سلاك,,,,,,,,,,,,,,,,,, وسليت سيف الخصم لكن ما سلاك

وأهلا يا بن بنوت بنوتة حلاك ,,,,,,,,,,,,,,,,,,,,,,,, لبست عمنبر فكرك العالي حلاك

لكن إذا مفكر تبلش بالعراك ,,,,,,,,,,,,,,,,,,,,,,,,,,, بزتك ألف شقفة بجوك وبعراك

والمنبر الزجلي رح بيطلع بلاك ,,,,,,,,,,,,,,,,,,,,,,متل الزهر من دون قش ولا شواك

ولولا هربت منك فزع من مستواك,,,,,,,,,,,,,,,,,,,,,,,لا تظن إني من شياطين الهلاك

بشار ومحمد إجو بالاشتراك ,,,,,,,,,,,,,,,,,,,,,, وبمدح اسمي عالحسد حطو شباك

معناتها هنن معي ونسيو حماك ,,,,,,,,,,,,,,,,,ورح بسألك جاوب بفكر اللي حماك

نحنا التلاتة خير والواحد غلط ,,,,,,,,,,,,,,,,,,,,,,,,,,,,,يما التلاتة شر والواحد ملاك؟؟؟؟؟؟؟؟؟؟

حسن بنوت · #6 11-07-2005

تمسيح جوخ وطبطبه وغيره وحسد
هي مش عوايد بو علي حكيك فسد
محمد شريم خيي وصديقي للآبد
وبشار من جوهر كلامو بينعبد
هودي اتركهم عا حيادي يا ولد
بينك وبينن بعد ومسافه وبلد
محكك معي ولو كنت أعلى من الجلد
يا بتنجح بهالصف يما بتنجلد
شعر الزجل في مهجتي روح بجسد
مثل الاًسد ثابت وسوقي ما كسد
ومليون أرنب مثل فضلك يا شفيق
رح يهربو بوقت للي بيطل الاًسد

شفيق · #7 11-07-2005

يا مضيع الموضوع جاوب بالجهود ,,,,,,,,,,,,,,,,لو كنت شاعر فك من عنقك قيود

يا جاوب قبالي عشعري و عالصمود ,,,,,,,,,,,,,,, يما عقبرك يا حسن بحرق ورود

تمسيح جوخ وطبطبة شغل الحسود ,,,,,,,,,,,,,,وان ما كنت حاسد رح بتطلع حقود

مزبوط في بيناتنا مسافة وحدود ,,,,,,,,,,,,, فرق السما والأرض يا بو عيون سود

وروح الشعر لو بهيكلك إلها وجود,,,,,,,,,,,,,,,, بشيل روحك من عيونك يا جحود

وعا سيرة الهربان من أرض الجدود ,,,,,,,,,,,,,,, ارجع على بلادك ويا بنوت عود

ونحنا أرانب؟؟نحن اشبال وجنود ,,,,,,,,,,,,, نحنا مربينا (((الأسد بي الأسود)))

ومنقتدي بالبي قائدنا الأسد ,,,,,,,,,,,,,,,,,,اللي هز أرض المعركة وهد اليهود

حسن بنوت · #8 12-07-2005

بالهجر لولا عشت هيدا مش هروب
حامل زجل لبنان بشروق وغروب
وتا تشيل روح للي سحر قلب الشعوب
بدك ألف عزريل تا عنك ينوب
سكر بواب الوهم واثبت بالحروب
انما كنت قد الحمل صار لازم تتوب
حافظ أسد بالمعركه مرجف قلوب
وبعدو لحد اليوم مشعال الدروب
وبشار من ذات السليله والكروب
تاني أسد لابس عا كتفو المجد روب
وجنودنا وأبطالنا ريح الهبوب
بجنوبنا وجولاننا حسابن حسوب
ومقاومتنا أسودها اٍلنا نسوب
بجنوب ما خلت أرانب عم تجوب
وعا طول ما بيبقى أرانب كلما
التقيت أسود الشام بأسود الجنوب

شفيق · #9 13-07-2005

أيا أرانب يهربوا من دروبنا؟؟؟,,,,,,,,,,,,,,,سباع الفلا بترجف قصب بحروبنا

يا جنوب يا نخبة بلاد شعوبنا ,,,,,,,,,,,,,,,,, يا جنوب يا رفيق الوفا ومحبوبنا

يا جنوب فيك الصدق حط حبوبنا ,,,,,,,,,,,,,,,, يا جنوب وحدك بالدني مطلوبنا

يا جنوب نصر الله الأبي بمجدو بنا ,,,,,,,,,,,,,,,,,,هوي و حافظ نورنا من غروبنا

ولبنان منعدك بروح طيوبنا ,,,,,,,,,,,,,,,,,,,,,,,,,وبعمرنا ما منغدرك بهبوبنا

وأنت يا خيي حسن تتنوبنا ,,,,,,,,,,,,,,,,,,,,,اسمع شروط اللي بتملي كوبنا

نلبس من تياب المحبة توبنا ,,,,,,,,,,,,,,,,,,,,,,,,, وما نقلعو إلا بقلع قلوبنا

وما نشك بالخي الوفي بذنوبنا,,,,,,,,,,,,,,,,ما نحملو المش عاملو من صوبنا

ونسال قبل (شو باك) كلمة (شو بنا) ,,,,,,,,,,,وعند ما نرسمل بصدق جيوبنا

أسود الجبل بتصير وأسود الشمال,,,,,,,,,,,,,,,,وأسود سوريا وأسود جنوبنا

حسن بنوت · #10 13-07-2005

آآآآآآآآآآآآخ آخ
ولك قديش بدك يا حسن تحمل عذاب
وعلآخ صخر الصم متل الشمع داب
روحو ابعتولي الشمس من بعد الغياب
من حرير الموهبي تلبس تياب
ولو الشعر متلك يا شفيق تنين جاب
انتحرت حروف الاُبجديه بالكتاب
حب الوطن قبل المصاري والجياب
قبل الدني قبل الاًكل قبل الشراب
ولازم نصون الاًرض عالاًربع جناب
وكل ما دعانا الواجب نلبي الجواب
بلادي بلادك والعتاب ذات العتاب
وبين سوريا ولبنان مرفوعه العتاب
اٍنده ونادي عالصبايا وعالشباب
يقولو معي للاًجنبي وللاٍنتداب
بين القلوب ما فيك ترسم خارطه
وصعبي تميز بين تراب وبين تراب

شفيق · #11 15-07-2005

بين سوريا ولبنان موقف بصطفي,,,,,,,,,بحبك وحبي ويا رفيقي مش خفي

ولولا بتضربني السيوف المرهفي ,,,,,,,,,,,,,حبي للبنان العروبي موقفي

عالفلسفة لو كان تفكيرك لفي ,,,,,,,,,,,,,,,,,,بتصير صفصفة الجهالة فلسفي

ولولا الحرف عا دفترو مات وقفي ,,,,,,,,,,,,بيعيش بعقول البشر يا منطفي

لكن أنت ميت عكتر الصفصفي ,,,,,,,,,,,والحرف في راسك مقامو ما صفي

ويا لابس الأنوار بدلة مهفهي ,,,,,,,,,,,,,,,,,,,,هيدي لالله يا عديم المعرفي

حب الوطن مزبوط فيه منحتفي ,,,,,,,,,,,,,,وحب الأخوة بقلبنا الصافي دفي

وعالردة اللي قلتها ما بتنعفي ,,,,,,,,,,,,,,,فيها طمع لكن مافيها عاطفي

ما بتفرق تراب الرفيق المنوفي ,,,,,,,,,,,,,,,,,وبتفرق رفيقك لحتى يختفي

أيا وطن روحك عليه مرفرفي ,,,,,,,,,,,,,,,,,وحبك لأرضك بس خيك يننفي

تاريك بدك أرض ما بدك رفيق ,,,,,,,,,,,,,,,, انشالله أنت بعدك لأخواتك وفي؟؟؟

حسن بنوت · #12 19-07-2005

بدك بعد يا ديب تصبر عالجفا
وتمشي دروب الشاعريه عالحفا
وتوقف بوج بوج مع شاعر لفا
وما تقعد من بعيد تطعن بالقفا
رفيقي اٍذا كانت جروحو عا شفا
وبدو شفا بعطيه من روحي شفا
ويا مربح جميله ما ممكن تنعفا
وفيك الطمع نشف مياه نبع الصفا
وبسلاحنا الزجلي يا شرذومة هفا
جايي تحاربنا وتسرق هالصفا
ولك من دار أصحاب الفضيله والجميل
اٍكسب وفا من قبل ما تشحد وفا

شفيق · #13 25-07-2005

طعن القفا هيدا لواحد مش سليم ,,,,,,,,,,,,,,,عا شكل عقلاتك يا بنوت الغشيم

بطمع بحب الخي وشريم الفهيم,,,,,,,,,,,,,, شاهد عحكيي من بعد الله العظيم

وسلاحك الزجلي البيأوطاونك مقيم ,,,,,,,,,,,,,,,ببلادنا بتشوف حبو مستديم

هيدا ببلاد الشام من ماضي قديم ,,,,,,,,,,,,,,,,, لكن بلبنان ازدهر الله عليم

وبشحد أنا منك شو هالقول السقيم,,,,,,,, ما بيشحد المؤمن من ولاد الجحيم

ولا حيدر بيشحد نزاهة تا يقيم ,,,,,,,,,,,,,,,,,,من ابن ملجم متلك بعدو لئيم

ولا بيشحد الدهبات فادي أورشليم ,,,,,,,,هودي ليوضاس المتل فضلك ذميم

مزبوط دارك للكرم هوي كليم ,,,,,,,,,,,, وما بعترض دارك كريم وما يضيم

لكن أنت عاكس الأية كلها ,,,,,,,,,,,,,,,دارك كريم وأنت مش طالع كريم

حسن بنوت · #14 29-07-2005

داري ودارك ما فرق لو الدهر دار
لا تقلب حروف الخبر داير مدار
ذات الوفا ذات الكرم ذات المسار
وبدارنا بكل الدني أشرف بدار
اٍنكان بدك بيننا يطول الحوار
برهن عا اٍنك شاعر وعندك وقار
وجاوب بحجه تقنع عقول الكبار
حاجي بقى بالسبسبي ترشق حجار
عنك سألت المجد قللي باٍختصار
هيدا ولد مجنون عقلاتو زغار
لا بمسيح بيأمن ولا بذو الفقار
معتر شحد خبز الزجل من كل دار
لا شاعريه لا ذكا لا اٍبتكار
شحاد واقف عا بواب الاٍنتظار
وقصة تا نبقى شوي نتكارم عليك
منبقى مناخدها بعين الاٍعتبار

محمد حسن شريم · #15 29-07-2005

من قبل ما محّي يا فكره توضّحي ____ بين الألم أو حبـر عـم يكتـب قلم
حبر القلم بـالخرطشي رح ينمحي ____ وأيه قلم بالخرطشي بيمحي الألم