السيد محمد مصطفى::
شعار نحنا منحفظ أصول الوفا,,,,,,,,,,,,, وحتى نقول الحق عنا ما اختفا
ضربني ثلاث ضربات منك يا خليل ,,,,,,,,,,,, وخود ضربي من محمد مصطفى
خليل روكز::
يا قاصد تفرفر ومقصوص الجناح ,,,,,,,,,,,, وعزمتني اضرب عجسمك بالرماح
ليش حتى اضربك ما زالني ,,,,,,,,,,, لما بطلع فيك بتزت السلاح
السيد محمد مصطفى ::
عزمتك تا تضربني ولكن مستحيل ,,,,,,,,,, بتقدر تسل السيف والماضي ذليل
ولما شفت لونك وكسرة عينتيك ,,,,,,,,,, فضلت زت السيف حدك يا خليل
خليل روكز::
يللي نظرت الحظ حتى يقوتك ,,,,,,,,,, سيفك وقع منك وخوفك موتك
ومازال ضعفي أجبرك ترمي السلاح ,,,,,,,,,, بدي بضعفي صرت حارب قوتك
السيد محمد مصطفى::
غشيت نفسي وجيت حتى قاربك ,,,,,,,,, سيفي استحى والضعف كسر قاربك
حاربتني بالضعف أقوى سلاح فيك ,,,,,,, تا يصير عندي ضعف ببقى بحاربك
خليل روكز::
روح اشتريلي ضعف من دهر الشقي,,,,,,,,, وخود مني كل شي بجسمي بقي
وأنت انصح قد ما بضعف أنا ,,,,,,,,, في وقتها معقول نرجع نلتقي
السيد محمد مصطفى::
عقول الضعيفة هويتها وعشقتها ,,,,,,,,,,,, شو طمعك تا تزينها قبال الجبال
استذوقت زهرة يابسة تنشقتها ,,,,,,,,,,, وتركت زهر يفوح بالسحر الحلال
حاربتني ونفسك بناري حرقتها ,,,,,,,,,,,, بضعف المجال كتير نصحت المجال
بضعفك ونصحي منلتقي في وقتها,,,,,,,,,,,,, بتبع كلام القال لا تحارب خيــــال
خليل روكز::
لو كل شي في فيتامين بتشربو ,,,,,,,,,,, وبتصير صنين بكفوفك تضربو
ولو بتحمل الأجيال تقلة دينتك,,,,,,,,,,, ومنبهك غطى النجوم بعقربو
ولولا عاعين الموت رجحت عينتك,,,,,,,,,, وبعبستك للكون قادر تخربو
بيضل لو اسمي مرق عا دينتك ,,,,,,,, قلبك بيوقع والسباع بيهربو
تعريف بالشاعرين
محمد مصطفى السيد((أبو مصطفى))) أو السيد متل ما بيحب يندهولو وبيندهولو ::
ولد السيد بحومين التحتا بجنوب لبنان 1922 ,,,وتشرب نهج البلاغة والقران الكريم من صغر سنو,,,,فصار عندو خلفية لغوية وثقافية لا يستهان بها أبدا ,,,,, ظهرت موهبتو بعرس من أعراس الضيعة وكان حاضر الشاعرين الكبيرين عباس نجم الحوميني ,,,,وعلي الحج القماطي ((من الجيل الأول )) فقالولوا طلاع يا سيد ارتجل ردة موشح ,,,فكر السيد وقال
,,,,,,,,,,,,,,,,,,,,,,,,حسنك ملكك أو سرقة______يا ست الغيد___
,,,,,,,,,,,,,,,,,,,,,,,,,,,,رصعتي نجوم الزرقة_____في در الجيد
وقامت الدنيا وقعدت ,,,هالولد الصغير بيقول هيك ؟؟؟؟؟
ورجعت الأيام وبيغير مناسبة ,,,ذكرت ردة الشحرور المشهورة تبع المهر ,,,,قام قال السيد::
ركبت مهري لبست درعي والدرق خاض العجاج فج الصفوف جخ ومرق
لاح ديلو عاليمين وعالشمال وكل شعرة كتفت أربع فـــــــــــــــــرق
وبيوم من الأيام بالغازية تبارى مع علي الحج وكان السيد ابن 13 أو أصغر قام تفوق بالتحدي ,,,,قام علي الحج قال ردة اخرها ,,,أنو لو خيروه بين كل الجيل الجديد
________________ما بصطفي إلا محمد مصطفى___________________
واول قصائده هي قصيدة مي بالفصحى ,,,,
انضم السيد لجوقة خليل روكز فكان أوفى الأصدقاء لخليل وخليل ما يحب حدى قد السيد محمد ,,,
ألف جوقة خلود الفن وكانت من الجوقات الأولى في مجال التحدي ,,,,,
وشعراءها :::السيد محمد مصطفى____خليل شحرور____ علي شريم______ يوسف أنطون
وأيضا :::السيد محمد مصطفى ____ خليل شحرور ____ جورج بو أنطون ___ خليل عياش
وأيضا :: السيد محمد مصطفى____ إميل أبو شقرا ___ خليل شحرور ___ علي شريم,,
ويقال أنو اسمها صار بنت العرزال ,,,,,
السيد محمد مصطفى شاعر الجنوب شاعر التحدي غنا الغزل غنا المقاومة غنا الديانة غنا ثقافتنا,,,,,,فبرع بالكل ,,
وغنا التحدي فكان الأول بالتحدي ,,,,ومتل ما قال سعيد عقل عن السيد مصطفى ((((السيد محمد مصطفى شاعر لا يبارى )))))
ومتل ما قال أحد الباحثين بالزجل اللبناني (((((السيد محمد مصطفى الرقم الصعب بمعادلة الزجل اللبناني))))
انشهر بقوافيه المعقدة الصعبة الساكنة فكان يتحكم فيها ويلعب فيها متل ما بدو ,,,
انشهر بالموضوع فكان بخير الخصم وياخد الصعب ,,,متل موضوع صح وغلط صحة ومرض فوق وتحت نقطة وبحر قناعة وطمع ,,,,وكتير كتير ,,
اشتهر بالتحدي ,,,,فكان من أقوى شعراء التحدي ودور عركات شعرية خالدة كان فيها الراس ,,,وأقوى مبارياتو
الكرمنيك مع خليل روكز ,,,,جباع مع خليل روكز وعبد الجليل وهبي الباريزيان مع خليل روكز ,,,,الكرمنيك مع زين شعيب والغازية مع طليع ,,والغازية مع زين والغازية مع خليل شحرور والغازية مع موسى زغيب المدينة مع الزغلول وزفات وحبوش مع الزغلول والكرمنيك مع زين شعيب,,,وكتير من الحفلات ,,,,,,,
خليل روكز ((((أبو روكز ))))
ولد خليل روكز في وادي الليمون قضاء جزين 1922 ,,,درس شهر واحد بمدرسة الضيعة ,,,,ظهرت موهبتو بقصيدة قدمها لمطران زار ضيعة خليل ,,,وكان صغير كتير ,,,,فلاقت إعجاب الجميع ,,,,,
بلش حياتو بالتحاقو بالجندية قام طرد منها لانو ما كان يلتزم كتير ,,,,
قام تفرغ للزجل ودخل بجوقات زجل منها كروان الوادي وكان لقب خليل كنار الوداي وغنا بهالجوقة مع أكبر شعراء عصرو متل كميل خليفة وطانيوس الحملاوي ,,ولاقى محل لألو بيناتهم وشهر اسمو بعالم زجل لبنان ,,,,غنا فترة بجوقة الأرز مع حنا موسى ,,وغنا فترة مع جوقة زغلول الدامور ,,,وأخيرا ألف جوقة الجبل اللي تغير فيها كتير شعراء فمرق عليها::
خليل روكز ____ محمد مصطفى____زين شعيب_____ أديب محاسب ____ أحمد شعيب____ موسى زغيب _____جريس البستاني_____ أنيس الفغالي______ أحمد السيد
وكان خليل الاسم الأشهر والأبرع ,,,وقام حفلات لا تعد ولا تحصى بجونية بالشوير ببحمدون وبكل لبنان ,,ومنها حفلات تباري المتين ,,,مع طانيوس الحملاوي ,,ومع زين شعيب ومع حنا موسى ,,,,,
ألف خليل 11 كتاب
حرمان
ابن الحرمان
كفر وإيمان
هند وجميل
دموع الطير
النسمات
القمر
روحين
يقظة الأحلام
مع المغتربين
الأسرار
كان خليل روكز وبعدو أول شاعر زجل بكل شي بالصوت بالشعر بالحضور بالتواضع ,,
خليل روكز عاش 40 سنة بس وكانت بتساوي 400 سنة من تاريخ الادب والزجل ,,,
المزيد لاحقا
__________________
سامحوني
آخر تعديل بواسطة شفيق ، 04-07-2005 الساعة 10:03 PM.
|
