عتابا

سومر · #1 21-06-2005

عشت يا قلب بي هالكون مالك
سميع ولا مجيب يشوف مالك
كنت تصرف عليهن كل مالك
إلن الله بدينون بالحساب

طلبتي القلب و كنت مناح
واكتر من عيوني ع غيابك من ناح
و يا حامل رسالة وجاي من ناح
الحبايب رد دمعاتي الجواب

أنا بالبيت إلك كل موني
عصري قلبي بأيدك كلموني
إذا عيونك بالأشسارة كلموني
عيوني بلا حكي ردو الجواب

عمر · #2 21-06-2005

يا عيني يا عيني شو هاالحلا كلو شو هاد وين كنت من زمان يا زلمة
يا أهلاا وسهلا فيك يا سومر

ثناء حيدر · #3 16-07-2005

هل تسمحون لي بمشاركتكم من بعد إذنكم ....

-------------------------

الدهــــــــرخـــــزّان أحـزانــو عَبالـــــــــي
وفصّــــــــــل من حـزن لــيــلو عبَـــــا لـي

وكل ما ســـــــــــوريا عـنـّت عَ بالــــــــي
بســـــــــكب دمـــع عـينــــي عَ الحـبــــاب

-------------------------

__________________

ســوريا يا كمـام الـــورد ***** لـونو ع خـدودك صـافــــــي
عـنـدك مني أحلى وعــــد ***** رجـعـة ع الحضــن الـدافي

محمد حسن شريم · #4 16-07-2005

كوانا كي غربتنــا وراكي ____ منها تعبـت تـاتعـبـو وراكي
ثناء بتأمري ونحنا وراكي ____ باأوسع صدر منلبي الطلب

ثناء حيدر · #5 16-07-2005

------------------

كتـــــــار ال دشّــــــرو أهلن وغلّو ------- وراحو بدرب غربـتـهم وغـلّو
وضـل الفارس شــــــريم الوغى لو ------- جذورو بالــزّجل من ألف باب

------------------

ســوريا يا كمـام الـــورد ***** لـونو ع خـدودك صـافــــــي
عـنـدك مني أحلى وعــــد ***** رجـعـة ع الحضــن الـدافي

محمد حسن شريم · #6 16-07-2005

الزجل عشقان من عـدة نواحي ____ باأفراحي باأحزاني و نواحي
وإذا عالموت شي مره نوا حي ____ فينا الزجل ناوي عــــالغياب

ثناء حيدر · #7 17-07-2005

------------------

حروف الشــــــعر متلي تبرجو لي ------- الشــــــــعر بالرقة منو بالرجولي
شــــــيوخ الشــــعر كلن برّا جولي ------- لأني ســـت من بين الشـــــــباب

-----------------

محمد حسن شريم · #8 17-07-2005

لإنك ست عمري بضل قاضي ____ عتابا أكتب ال عالجهل قاضي
عنتر عبس عنـي بحُط قاضي ____ بشعر المرجلي حكمــو صواب

ثناء حيدر · #9 17-07-2005

------------------

لأنك فارس الأشعار قل لي ------- ليش كتير هـ الفرسان قلّة
يا دنيا الشعر هـ الشعار قلّي ------ لعالم في مدى العينين داب

------------------

محمد حسن شريم · #10 17-07-2005

أنـا شــاعـر أنـا مَنّـي وترمن ____ بترمي جيت لحبابي وترمن
زجلنا عود والفارس وتر من ____ قلوب "الحيدريه " والشباب

ثناء حيدر · #11 17-07-2005

-----------------

لمّا الصمود المرّ يا محمد حســـــن ------- باسم المســـــــيح وإسم الله والحسن
بيهزم جيوش البغي بيختار الحسـن ------- منرفع لوانا تحت إســــــــم شـعوبنا

-----------------

محمد حسن شريم · #12 17-07-2005

الحسـن بـــدرو اكتمــل مــش حز بنا ___ بـدر ضوّى شــرقـنــا ال حز بنا
صوب النصر وحدو للي مشّى حزبنا ___ يلي رفع راس العروبه والعرب

ثناء حيدر · #13 17-07-2005

-----------------

ديني يا نفـــس للشّـــــــام ديني ------- ما بقـبـل غير دين الشّــــام ديني
قولولـــي كيف بدي ردّ دَيْنــــي ------- لأرض العزّ عَ ترابا انســــــكب

-----------------

محمد حسن شريم · #14 18-07-2005

ثناء التضحيه رسيت عا برها ____ تافاحت بالوفـا ريحة عِبرها
الشهادهِ دربهـــا يلــي عبرها ____ ديونو صعب نوفي في كتاب

ثناء حيدر · #15 18-07-2005

أم الشـهامي يا ســـناء محيدلي -- درب الشهادة والبطولة محيدي لي
ما بيقدر العالم بـبرو محي دلي-- لمّا بدلّـي الدلو بيطيب الشــــــراب