 |
 المواضيع المميزة : | ||
| |||||||
| قسم الزجل قسم خاص لمحبي و شعراء الزجل |
|
آخر 10 مشاركات
|
 |
| | LinkBack | أدوات الموضوع | التقييم:  |
|
#1
27-01-2010
| |||
| |||
برد و شتي و الليل عم ينساب متل الحكي من قصّة الكذّ ّاب و الوقت عم بيضيق عا خيالو .. يفك الزّرار ينزّل السحّاب مخنوق .. مدري شو شغل بالو متل لْ كأنّو في حدا عالباب و عجقة قصايد ما بينقالوا و أصحاب عم بيودّعوا أصحاب ..... طلعوا عـَ سلّم .. هالفضا قبالو و فاتوا من الباب لْ بَلا بوّاب و دمع و شتي فوق السطح سالوا و السلّم معلّق متل مزراب ..... طارت و طار العمر .. نيّالو مبسوط عم بيلوّن السرساب و ما بيعرف شو مخبّالو و شو اللي برم مع برمة الدولاب ..... فجأه ... وقع هالريح خيّالو متل الغروب الواقع من غْياب و العاصفه تدعس على جبالو متل الصبيّه اللابسه قبقاب ... و بقلبها الأصوات يتعالوا و صمت القدر وحدو اللي عندو جواب و بوقتها شو قولكن قالوا ؟؟ لْ ما بيعرفوا إنّو الدني من تراب !! .... هونيك .. حلوي عيونها جالو و شردت بذكرى الورد و العنّاب و قدّام .. شب و كل آمالو تبخّروا بين الضْباب .. ضْباب و ختيار .. بالمقعد على شمالو رايح لحتّى يزور إبنو لْ غاب قال .. وصّى مع إبن خالو يوصّلو عا مدخل الركّاب .. .... خيالك يا طيّاره على هلالو متل الصليب لْمن شقى و عذاب و الليل .. متل الجلجله تلالو عا جوانحك عم يصلب الأحباب ... بلّش الريح يْهوج شلاّلو و القوس يتكسّر على النشّاب و جوانح اللي من التعب مالو تدهدكوا متل النعس عا هْداب ... ... عالبحر وصلت لفّها بشالو و الموج صابيعو عـَ حرف الباب و لمّا البحر فيها نفخ حالو ... فكّرتها ... بالبحر منجيره و الموج .. عم بيسمّع الغيّاب !!!
__________________ مدّيت إيدي .. مسحت وجه الشرق ... رجّعت إيدي كلـّها غـَبرا  |
|
#2
27-01-2010
| |||
| |||
| ابدعت يا استاذ عصام ...ابدعت بوعلي |
|
#3
29-01-2010
| |||
| |||
|
تحصر وطنا بحصرة غيابك =ومن حصرتك عا غياب أحبابك مرة بشوفك قصر للأفراح=وبرجع بشوف الحزن بوّابك يا شاعر لفكرك خلق سواح=بيفارقك تيروح عا ترابك وقلبك رفيقو انراح وين ماراح =بدو يعود يرد أتعابك بسمع إذا الشاعر بكي بيرتاح =يا ريتني دمعة عَ أهدابك وعمري عّ خدك بحر والملاح =ملح لوفا لمن ريحة تيابك طيّارتك تركت بقلبي جراح = ولونهن من لون عنابك وبكرة عند ما بيلتقو الارواح=بتموت روحي لو نشف جرحك =وبتعيش لمّا ينزفو عبابك |
|
#4
30-01-2010
| |||
| |||
رااااااااااااااااااااااااا ئع جداً |
|
#5
30-01-2010
| |||
| |||
| وبعــدْن بيقولو بلا طــَعمي ها الــبَحر نعـــمي للرزق مـــَصدر للبشَر دعمي من جـــهـــْتي بشوفك متل شـــــارون بتبلع دنــــــــي لاكن ما بتطعمــــي والبـــَعض بيشوفك كحل عَ جفــــــون يمــــكن لأنو قلــــبك المعـــــمـــيِ شــَعـَّل بأحشائك ألف آتــــــــون وخبـــــز الحياة البلملح معــــــجون من طلتــــــك صفـــَّى |
|
#6
منذ 4 أسابيع
| |||
| |||
| اقتباس:
يا شاعر لْ صوتك عزف عوّاد و كلماتك هْدايا بَلا أعياد و متل الولادْ بتفرح عيوني يا ريت .. لو كل العيون وْلاد بتتفتّح شبابيكها جفوني بتتخربط الأشكال و الأبعاد .. بيتكسّر خيالك على ظنوني بحس حالي عَالخريطه .. بْلاد ..
__________________ مدّيت إيدي .. مسحت وجه الشرق ... رجّعت إيدي كلـّها غـَبرا |
|
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| تقييم هذا الموضوع | |
| |
الساعة الآن 06:37 AM.
