شو رأيك باللعب عالحبلين؟؟؟؟؟

[zero cool]

شو رأي الشباب بموضوع اللعب عالحبلين يعني الشب أو البنت تحكي أكتر من واحد بفس الوقت؟؟؟؟؟؟
بتمنى الصراحة ....
و أنا رح كون الأول أنا من أنصار هالشي ما بعرف يمكن الشغلة وراثة

لفتح ملف الفلاش - إضغط هنا

[echo]

هلق إذا في علاقة حب بين الشخصين و شافها أو شافتو عم يصاحب وحدة غيرها فهذا غلط و أنا ما بأيد هالشي

أما إذا كان هالكلام صداقة فقط فأنا مع هالشي يعني شغلة عادية تحكي أو يحكي وحدة غيرها بس للصداقة فقط<---- إذا في علاقة حب فقط

هادا رأيي و منتمنى نسمع رأي الشباب

[الحنون]

أنا برأيي يا حناين إنو كل شي إلوا حلاوتو بس الصدق أحلى من كل شي لا تلعب على الحبلين خليك عحبل واحد الحب الصادق

أو الصداقة لأنو الحبلين إزا انقطع واحد التاني أكيد رح ينقطع يعني بتخسر التنتين يلي عم تحكي معن على أساس حب أما صداقة

العاب أد ما بدك أنا عندي أصدقاء كتير بس بحب يكون عندي وحدي بس للحب الحقيقي

[ramroum]

هههههههههههههههههههههههههههههههههههههههههههههههههه ههههههههههههههههههه
شو ياعلي ...لكن طلعت القصة وراثة
هللق عرفت من وين ..انا كنت حط الحق ع أهل المشتى بس طلعت العلة سركيسية

المهم ..انا مو من انصار اللعب ع الحبلين بس للضرورة أحكام
في ناس بتحطون جوا عيونك وفي ناس مابيستاهلو تتطلع فيون .. ماهيك
وفي نوعية مابتمشي بالمليحة ... بس ع كل حال ماكتير بشجع اللعب ع الحبلين

thanx

[Mr. Samo]

اسألني انا جربتو مرة و ندمت , لانو متل منقال رح تخسر التنين و كتير صعب تخسر اللي بتحبو
بس في احيان بيلعب الشيطان و كذا امور بتصير

[zero cool]

إاى طرني الحكي عن علاقة ممكن يكون حب بس سألني أنا كنت عم حكي 3 عأساس أنو شي متل الحب بعدين حبيت وحدة منهن و تركة الباقي

[zero cool]

رمروم طبعا القصة ورائة و أغلب الأحيان بلجأ لهالقصة تأعرف أيو أفضل يعني متل الرد على طوني

[zero cool]

سامو لازم تنقي بنات ما ممكن يتلاقو يعني متلي وحدة من حلب وحدة من الشام و وحدة من حمص ((خليك حربوق))

[nada]

الله يسمحلك يا علوووش .... بهدلتنا
يعني نحنا من دون شي صوفتنا حمرا و هلق انتا قاعد تاكدلهون
و شو هاي وحدة من حلب وحدة من الشام و وحدة من حمص ...عمول متلي شي بسورية و شي باميركا و العاشر بالسعوديه

[ramroum]

المشاركة الأصلية كتبت بواسطة zero cool

رمروم طبعا القصة ورائة و أغلب الأحيان بلجأ لهالقصة تأعرف أيو أفضل يعني متل الرد على طوني

إذا القصة وراثة ..لكن معلي
وإذا هيي الغاية من قصة اللعب ع الحبلين ..انا معك فيها

thanx

[zero cool]

ل ندا نحنا مفضوحين خلقت ربنا بقا ما في داعي نخبي و عجبتني فكرنك و رح جربا بس و قريبا
و رمروم و لله أول شخص بيفهم المعنى بفهم قصدي

لولا اللعب على الحبلين ما كانت قامت الدول أصلا

[IAM KING]

وحياتكن متل ما قال shahani يا عم لولاها ما قامت لادولة كل عمرا

[goldenrose]

اول شي قصة اللعب على حبلين مش واردة ابدا لاني بتحدى حدا يقدر يلعب على حبلين الا البهلوان
ومتل ما قال الحنون بس ينقطع اول حبل اكيد التاني رح يلحقه
بقى انا ببقى على حبل واحد اساسه الحب والصدق والصراحة وانشاءالله ما يقدر اي شي انه يقطعلي ياه
احسن ما يكون حبل بسماكة الخيط وينقطع فورا لانه الخيط ما بيحمل ابدا

[أنين الحب]

أنا ما بقيد أبد العب على حبلين

الحب ما بيكمل اذا ماكان فيه اخلاص ووفاء

الحب كلمه كبيره وحرام تنقال اذا بدنا نقولها للكل
ومانحس بمعناها القوي والمؤثر الذي يقلب الانسان راسا على عقب
الحب المتبادل بين شخصين مع الوفاء والاخلاص هو الحياه الحقيقيه والسعاده المطلوبه
واللعب على الحبلين معناه خيانه ,,, وليس هناك حب حقيقي تصاحبه خيانه