المراهقة

[mounirfarkouh]

ما هي علاقة الأبن بالأم وعلاقة الأبنة بالأب في سن المراهقة
أرجو تداول الموضوع ومناقشته

[ramroum]

شكرا ع هالموضوع....... وانا رح رد ع أساس تجربتي الشخصية

مثلا علاقتي مع بيي ...... فيك اتقول علاقة كتير سطحية إذا هيك بقدر سميها
علاقة ابعد مايكون عن الصداقة والمزح....علاقة جدية كتير كتير
ماعندي مشكلة مع هالقصة ابدا ......... اتعودنا واذا بيي اتغير مستحيل اعرف اتعامل معو
هوي دائما الأب .....صاحب الرأي الصحيح والمعصوم عن الغلط وكل شي بيقول بقلو ..ايه أو ok
مو ضروري كون مقتنعة بس بوافق........ بحاول ناقشو بس مو وقت الموضوع بيكون حامي وهوي معصب ........يعني بس يروق
ومستحيل يقللي انو هوي غير رأيو ....بحسها واطية من جهتو بس انا بعرف كيف اتعامل معو رغم العناد والتمسك بالرأي
المهم هوي قلبو طيب بس متسرع معي كتير وكل شي بيعملو لانو بحبني انا وأخواتي وبيخاف علينا وبدو يحمينا.......مابدو يانا ننأذى
انا بالاول ماكنت افهم هالتعصب والمحافظة بس امي اللـ فهمتني.....عرفتني انو هوي بيوثق فيي وبيعرفني بس هوي ماربى كل العالم..... ماعندو ثقة بالغير ..................................... ع فكرة عندو وجهة نظر
ووقت بدو يحكي معي او يقللي شي بيبعت امي لتحكي معي بالاول .......بدو واسطة
.
.
.
اوقات بحسو بيحاول يقرب مني ويشيل هالحيط البنص بس كبرياؤو وتمسكو بالتقاليد بتمنعو ....... ل بتصير بأحسن العائلات


انا وياه ماعنا مشاكل كتير ........مع انو طبعي متل طبعو عصبية ومزاجية ومتسرعة وعنيدة وهيك شغلات ...بس عم اشتغل عليون منشان يخفو وهوي عم يسبعدني كتير بهالشغلة عم يعلمني الصبر

وشكرا

مشكلةramroum مع أهلها هيّ مشكلة كل شب أو صبية بسن المراهقة .أهلنا بشكل عام ما عندن الخبرة أو فينا نقول الصبر تيقدروا يساعدو أولادن ع تخطي هالمرحلي الصعبة مع أني تجاوزتا .. لازم تكون فيه محاضرات تثقيفية للأهل بالمراكز الثقافية أو وين ما كان يكون ويحاضر فيها أساتذة بعلم الإجتماع أو الطب النفسي لتعريف الأهل بسن المراهقة وتاثيرها على نفسية المراهق والنتائج السلبية الناتجة عن عدم إدراك الأهل لكيفية التصرف مع أبنائهم ..مدفوعين بعاطفتهم وحبهم لمصلحة أبنائهم يعتقدون أنهم يوجهونهم لصالحهم في حين أنهم يؤذونهم دون أن يدروا ..وطبعا ليس كل الأهل كذلك ....أحيانا إختلافنا مع أهلنا في وجهات النظر يسبب الكثير من المشاكل معهم ..نحنامتأكدين أنو تفكيرنا صح وهم كذلك لكن هذا ما يدعى صراع الأجيال بس لازم نضل نحترم رأيهم مهما اختلف مع رأينا لأنهم هم من ربّى /

[Mr. Samo]

و الله انا علاقتي مع اهلي عاديي . مع بيي جديي شوي بس مو كل الاحيان و هيي تقريبا متل الرفقى ........ اما مع امي فهي كلا مزح يعني امي متل اختى بس مو الكبيري بدك تقول الاصغر منني يعني كتير مبسوط معن و الله يخليلي ياهون ......