أن التطور والتكنولوجيا الحديثة التي طرأت على مجالات حياتنا المختلفة جعلتنا نستخدم الهواتف المتنقلة بتقنياتها الحديثة ولكن الذي جعل هذه التقنيات شيئاً سلبياً أو إيجابياً هو نفسية الشخص وطريقة استخدامه لها....
فلنأخذ على سبيل المثال تقنية البلوتوث وهي تقنية تقوم على التواصل بين جهاز وآخر أو بين جهاز متنقل وجهاز كمبيوتر حيث يتم نقل البيانات بين الجهازين بشكل لا سلكي عبر مسافة لا تتعدى ال10 أمتار وهذا يمكنّنا من إرسال واستقبال ما نريده من صور ومقاطع فيديو وغيرها وهذا ينطوي أيضاً على إرسال صور بذيئة ومقاطع فيديو لا أخلاقية تمس بعذرية المجتمع العربي المعروف بقيمه ومبادئه ، ونحن لا نستطيع أن نلغي هذه التقنيات من مجتمعنا بل يجب علينا أن نواكب هذه التقنيات ولكن كما قلنا إن المستخدم وحده ولا أحد غيره من يقرر كيفية التعامل مع هذه التقنيات بالطريقة المثلى ، وعندما نستخدم هذه التقنيات بشكل صحيح سنجدها أثرت حياتنا وارتادت بنا إلى مستوى أرقى....

*أريد أن أسمع آراء الجنسين حول هذا الموضوع وبكل صراحه

رغدة المصري

البلوتوث والكاميرا والشغلات هاي اشيا حلوه في الموبايل بس الاستخدام الخاطىء بعود لنفسية الشخص الي هي اكيد ميضة...ولا لأ شباب وصبايا؟؟؟؟
رغووووووووووووووووووود...بعدي فليكن الطوفان

شئ طيب بس يجب أخذ المفيد وترك الباقى

__________________
غدار ومن صوتك عرفت الحقيقه0(عاشق الجويخات)

البلوتوث صلة وصل كتير حلوة وفيها شغلات مفيدة بس احيانا في بعض الناس بيتعملوها لاشياء عجيبة غريبة وكتير بشعة متل فيروسات او رسايل يعني غير مرغوب فيها
والكميرة نفس الموضوع احيانا الانسان بيكون بمكان ومانو حامل الكميرة الشخصية تبعو فكميرة الموبايل بتنوب عن هالشي بس في شي انا بستغرب فيه انو في بعض الشباب بتلاقي ماسك الموبايل وعم بيصور البنات بالطريق يعني س سؤال هوي ما عندو ام او اخت او اي شي حتى عم بيصور بنات العالم
تحياتي للجميع
أنوووووووووووس

__________________

بالنسبة اللي عم يصور البنت الماشية بالشارع....
هاد شاب مريض عقليا.... يعني شو راح يستفيد من انو يصور بنت ماشية بالشارع أو شو راح يعمل شي جديد
هاد مجرد انسان فاضي العقل ما عندو شي منيح ممكن يفكر فيه الا هالحركات الصبيانية.....
وراح تشوفو بنفس الوقت عم يغار على اختو و يعمل مشاكل مع اللي عم يعملو هيك معها بس رغم هيك بيبقى على أفعاله و ما يبطتلها
وانا بأكدلك أنو كل شب بيعمل هيك حركات مع البنات ...راح يجيه حدا و يعمل هيك مع أخواتو البنات "كما تدين تدان".
بالنسبة لكوني مع أو ضد !!!!!
فالبلوتوث ميزة حلوة و رائعة لنقل الملفات وانا برأي اذا كنت قاعد بشي مكان عام و جيتك رسائل مزعجة بكل بساطة طفي البلوتوث أو لا تستقبل شي من الشخص اللي عم يزعجك..
للأسف مع كل تقدم جديد بالتكنولوجيا و التطور بتلاقي بعض الناس اللي بتستعملو بشكل غلط و صار لازم نتعود على هالشي.
تحياااااااااتي

__________________

ان كل التطور بات سلاح ذو حدين وللاسف قد بات اغلب الناس يميلون الى الحد السئ فيجب على اي شخص يرى
استخدام سيئ ان ينبه على الامر ويحاول صرف نظر المسئ الى النواحي الايجابية

__________________
ما من قوة في العالم
تجبرني على محبة ما لا أحب
و كراهية ما أكره
ما دام هناك تبغ و كحول و شوارع ...؟