الحب ...... كلمة صغيرة الها مضمون كبير

[Mr. Samo]

انت كمراهق او مراهقة كيف بتشوف الحب ؟! و لما بتعمل قصة حب شو بتحب يطلعلك مننا ؟!!





بتمنى الصراحة و من دون مثاليات

[ramroum]

بصراحة ياسمير
.........سؤالك مو محدد ..... يعني حدد السؤل شوي
.
.
.
.
.
.
.
بس ع كل حال رح جاوب متل مافهمت
انا من جهتي وبكل صراحة مابيهمني يطلعلي واحد بحبو وبيحبني............... وأهم شي عينو ماتكون لـ برا
وفهمك كفاية ............واذا مو هاد السؤال فهمني ونورني

[Mr. Samo]

اها ....... انا بقصد انو كيف بتفهمي للحب ؟! و كيف بتحببي تكوني عايشتي ؟! و اذا عملتي علاقة شو بتحبي يطلعلك منها ؟!








يعني شو هوي الحب بحياتك ؟

[ramroum]

المشاركة الأصلية كتبت بواسطة samo

اها ....... انا بقصد انو كيف بتفهمي للحب ؟! و كيف بتحببي تكوني عايشتي ؟! و اذا عملتي علاقة شو بتحبي يطلعلك منها ؟!








يعني شو هوي الحب بحياتك ؟

الحب عندي كل شي .........عنجد كل شي
وكل شي بعملو بحياتي منشان الحب ....... مثلا لولآ الحب ماكنت ارجعت ع المشتى .....ماكنت شايفني ع الانترنت ليل نهار
انا مابطلب شي من الحب غير انو يبادلني نفس الشعور ...مو اكتر من هيك ........انا كلمة وحدة بتعيشني العمر كلو ومابطلب شي غيرها
بحب عيش الحب ثانية بـ ثانية ودقيقة بـ دقيقة ........ كم مرة بدنا نحب وكم عمر بدا نعيش

انما الحب للحبيب الاول

[Mr. Samo]

اي هيك من الاول وين كنتي مخبايي هل رومانسيية ؟!

[Mr. Samo]

ريم انا معك بالرأي ........... الحب هوي كلشي بالحياة و احلى شي لما بيكون صادق . بخلي الواحد عايش للشخص التاني و ما بيتمنى غير انو يعيش معو ...... كل الوقت فكرو معو . و الحب بخليكي طايرة فوق الكون عاشي بدني تانيي و مانيك حاششي غير بالتاني بدك ياه يكون مبسووووووووووووط .... و هيدا احلى شي بالحب انو بخلي الواحد عيش للتاني مش لحالو .

[ramroum]

المشاركة الأصلية كتبت بواسطة samo

اي هيك من الاول وين كنتي مخبايي هل رومانسيية ؟!

ههههههههههههههههههههههههههههههههههه ....... كنت مخبايتها بجيبتي
.
.
.
.
لا بس عمك فالنتاين نزل عليي الوحي وقلي جودي يارمروم يابنت السركيس
قمت القت العنان لمشاعري
.
.
.
.
.
ههههههههههههههههه بتعرفني دائما هابشتها بس الحب الوحيد البيعقل

[ramroum]

المشاركة الأصلية كتبت بواسطة samo

ريم انا معك بالرأي ........... الحب هوي كلشي بالحياة و احلى شي لما بيكون صادق . بخلي الواحد عايش للشخص التاني و ما بيتمنى غير انو يعيش معو ...... كل الوقت فكرو معو . و الحب بخليكي طايرة فوق الكون عاشي بدني تانيي و مانيك حاششي غير بالتاني بدك ياه يكون مبسووووووووووووط .... و هيدا احلى شي بالحب انو بخلي الواحد عيش للتاني مش لحالو .

ايه والله يا سامووووووو ............... عم تحكي درر وجواهر

[Mr. Samo]

و انا برأيي احلى شى بالحب لما بيكون في نار : يعني نار لتشوفي التاني , لتحضني , لتاخدني بوسي ................. ايا شي ... و بخلي هالقلب الصغير البين الضلوع يدق ليقول للتاني ( بحبك ) و قتا بيكون خدتي كلشي بدك ياه







بتصيري عايشي كرمال تسمعي هالكلمي مرة تاني و تالتي ...... الى ما لا نهاي , و بتصير تحسي بقلبك و تشوفي بي روحك و فكري في بنوميك ..... يعني احلا اوقات بحياتك لما بتكوني عاشقة

[echo]

الحب كلمة مؤلفة من حرفين و لكن لها معنى كبير جدا

و الحب يعني لكل شخص حالة تختلف عن الحب عند أي شخص تاني

مثلا رمورم و سامو الحب عندكون أهم الشي بالحياة و هذا ما يسمى بالحب المتسامي يعني الواحد كل حياتو عايش عم يفكر بالحب و الغرام و ملاقاة الحبيب المنتظر و أنا بحب هالنوع من الحب بس مو هوي المفضل عندي أنا لا أعتقد أن الحب هو أهم شئ في الحياة إنما هو من كماليات الحياة للشخص و أنا بشوف الحب حالة من حالات عدم الشعور بالعالم الخارجي بحيث أنو بتخليك تحلق بسما من الأحلام اللامتناهية (مع أنّي لهلق إسا ما حبيت حب حقيقي و إنما إعجاب فقط) بس طبعاً ما بعتبر الحب أهم الشي بالحياة و إنما أهم من الحب هو النفس و طيبة القلب و الأخلاق و متل ما بيقولو ((ماذا ينفع الإنسان لو ربح العالم كله و خسر نفسه)) يعني شو بينفع الشخص لو كل العالم حبوه و صار صديق لكل العالم و هو ما بيعرف لوين رايح (متلي) بس طبعا عم حاول صلّح نفسي شوي شوي .

على كل حال أنا عبرت عن رأيي بطريقتي الخاصة و متل ما ذكرت الحب يعني لكل شخص معنى مختلف عما يعنيه الحب لشخص آخر

و شكراً سامو على طرح هالمواضيع و أنا بشجعك تضل تكتب هيك مواضيع لأنها مواضيع ساخنة و تشد القارئ

[Mr. Samo]

شكرا طوني ........ انا بوافق معك ع كم نقطة بس عنجد لما بتكون عاشق ماعاد حدا بشكلك ازعاج لانك مشغول بالتاني و وبتمنى تلاقي اللي تتفاهم معا و تلاقي فيا الحب اللي بدك ياه و بتفهموا .......... بس لتقدر تعيش مبسوط بدك تحب و الحب اهم شي بالدني بس هوي الو عدت اشكال مو ضروري يكون حب متل مفهوم الصغار يعني ( عشق , انتي + انا = حب ) بعلاقتك مع رفيقك بالصف في حب لما بتساعد حدا بيكون في حب ........ يعني بالمطلق الحب هوي الحياة . و ضروري تعيش الحب ( اللي انا قصدتوا : العشق ) لتفهم شوي من هالكون اللي انت عايش عم تخبط في ........

[ramroum]

شكرا ابو الطون وسامو ع التعليقات الجريئة ........ متأكدة انو ماحدي غيرنا رح يرد
المهم حاسة كأنو افهمتوني شوي غلط ....انا وقت رديت كان معظم حكي عن الحب بين بنت وشب ....بس انا بجوابي كمان اقصدت الحب كـ كل
انا اقصدت كمان حبي لامي لـ ضيعتي لـ رفقاتي لـ قرايبيني ....... انا جاوبت ع مفهوم الحب كـ كل بس مابنكر انو النقطة المهمة بالرد كانت عن الحب يللي ببالي وببالكون

[Relax]

حبيت شارك بالموضوع مع انه لسّة ماصار عمري 18 !

وحبيت ضيف شي مابعرف ازا انتو بتشاركوني الرأي رغم الفرق بالعمر بيننا

الحب هو ! ! !

الحب .. هو ذلك الشعور الخفي الذي يتجول في كل مكان ويطوف الدنيا

بحثاً عن فرصته المنتظرة ليداعب الإحساس .. ويسحر الأعين ..

ليتسلل بهدوء .. ويستقر في غفلة من العقل ورغماً عنك ..

داخل تجاويف القلب .... ليمتلك الروح والوجدان ..

ليسيطر على كل كيان الإنسان ..

الحب .. هو ذلك الوباء اللذيذ المعدي الذي يصيب جميع الكائنات بدون استثناء ..

له مغناطيسية تجذب الكائنات إلى بعضها البعض ..

وبدونه لن تستمر الحياة على أي كوكب ..

للحب .. معاني عظيمة وتعاريف عديدة تختلف من عاشق لأخر .. فكل محب لديه تصور وتعريف

خاص لمعنى الحب ..



أو ! ! !

[أنين الحب]

موضوع جميل جدا
واجبني ردك ريلاكس

[angel]

انا من وجهة نظر مع ريم وسمير
بس لما بتعيش الواقع بكون الحب من كماليات الحياة وانا فكرت اكتر من مرة اني اطرح الموضوع بس ماكان عندي الجرئة الكافية ممكن لان بشوف الحب احيانا قاسي وصعب ومابيستحق انو الواحد يعيشوا
انا لما بدي حب رح حاول انو يكون الحب مو بالمرتبة الاولى بحياتي وانا كتير بحب انو الشخص ليبدي حبوا يبادلني نفس المشاعر ونفس الاحساس انا عشت قصة حب قصيرة بس في لخص كم شغلة فيا انا كنت عيش بس مشان اسمع ولو كلمة صغيرة من الشخص لبحبوا وعند جد متل ماقال سمير انو الواحد بكون حاسس حالوا بدنية تانية بتشتاق للمسة واحيانا لبوسي صغيرة وهدا كلوا عادي لان مابكون الواحد مسيطر عحالوا او عتفكيروا الحديث بهل الموضوع طويل ومتعب احيانا وممكن كل مرة يكون الشخص عندوا رائي مختلف بس اهم شي لما بدنا نحب نعرف كيف بدنا نحب
انا هاد رائي وبشكرك شكر كبير سمير ع الموضوع