Happy birthday to Amigo

**symantec** · #1 22-03-2008

اتمنى لك عام مليئ بالمحبة والتوفيق
واستمرار تميزك الدائم الذي تثبته لنا يوم بعد اليوم

VicToR · #2 22-03-2008

كل سنة و انت ساالم Amigo

تحياتي VicToR

Serjon · #3 22-03-2008

كل عام وانت بخير
وقد حان الوقت للبحث عن شريكة للخير
لك مني كل المحبة

سرجون

المتميز · #4 22-03-2008

برفقة صباحك الأنيق..!

ضوء أماني تسكن روح الأبجدية....

مصحوبة بباقة ورد لقلبك النقي

بعمر مديد ودوام الصحة والعافية....

الأخ Amigo المحترم

كل عام وانت بألف خير

راما · #5 22-03-2008

تنفلش آهات الفرح في بوتقات المرايا
وتتداخل شرايين الأرحام في لحاء الأشجار
وعلى تخوم المياه المنسابة
في شرايين الأرض
تنبثق الأوردة تيجانا
مرصعة ببهاء الأرحام
وتكتنز فترات الضياء
بأحلام
المساء.

تتشابك حروفنا
بهالات الألق
المتبقي من زمن انفلاش
مرحلة الأداء
وعطاءات السماء

عقبال الـ 100 سنة رامي

راما

asyan · #6 23-03-2008

الحبيب اميغو

اتمنى لك سعادة الدنيا وهدوءها

وان تنال كل ما تصبو اليه

وكل عام وانت بالف خير ياغالي

وعقبال ال 100 سنة واكتر يارب

مع حبي
اسيان

SANTIAGO · #7 23-03-2008

أبو الريم اميغو رامي شو ما غيرنا بالاسم المضمون واحد لشخص عزيز وغالي ع قلوب المشتاويين جميعا ويعطيك الف عافية ع شغلك وتعبك ع الموقع وانشالله تضل منور موقع المشتاوي من هون ل 100 سنة الجايين ويكبر هالموقع بوجودك كل عام وانتا بخير يا ابو الريم وع قبال المية ...........

ruba · #8 23-03-2008

كل عام و انت بألف خير ..
انشاءالله بتحقق كل طموحاتك و احلامك ..
و منشوف المزيد من النجاح لموقع مشتاوي ..
عقبال المية .

هادي · #9 23-03-2008

الأخ العزيز رامي خوري :

كل عام وانت بالف خير

والعيد القادم تحقق جميع امنياتك

لك تحياتي وسلامي

انهل دبس · #10 23-03-2008

يا رامي ... رَحْ تبقى هَــــون
مِتـل الوردة ... عِـطر ولـــون
ويا مشتاوي شِـكر جـديـــد
ووَعِـدْ,ورايح وَعـدَ ك صـون
مَهما سـنين العـمر تـزيـــــد
ولَو صِرت بعـمر الفرعـــــون
ورَحْ تبقى صامِـد ... صنديـد
وأزهارك ... بتعَـبّي الكَــون
ورَحْ تبقى إيقـونة بجـيـــــد
المشتاوي, ويبقى مَمْـنــون
ورَحْ تبقى نـَوّار تعـيـــــــد
وتزَرْكِـشْ لون الحَـسّــــــــون
ورَحْ تبقى بعَصر التَّـنهيـــد
بَسْـمِة وفـَرحَة ولَحـظة حُـــب
تِـتوَزَّع ... بين هَـون وهَـون

الخال الغالي رامي ...
ينعاد عليك شي 150 سنة عالقليلة ,
وأنت بأحسن صحة وراحة بال ...
انشالله عيد الجايي منشوفك عريس ...
بكل الحب
أنهل دبس

الصقر الجريح · #11 23-03-2008

كل عام وانت رامي

مستكين النفس راضي

زاهي القلب صحيحا

برعاية الله ماضي
............................

الصديق أميغو الراقي

كل عام وانت بخير

نواف مخائيل · #12 24-03-2008

الصديق والزميل القديم رامي
نشالله بينعاد عليك كل سنة بالخير
وع قبال المية يا رب

جعفر حيدر · #13 24-03-2008

الأستاذ رامي

بمناسبة عيد ميلادك نتقدم إليك بالتهاني
ونتمنى لك صحة جيدة وعمراً مديداً

ثناء وجعفر حيدر
براغ

pierre · #14 24-03-2008

عقبال مية سنة من السعادة رامي
انشالله هالموقع ياللي بيشكّل جزء من حياتنا اليومية يضل موقع المحبة والفرح
محبة

**عصام يوسف** · #15 24-03-2008

متل ما هالســـــــــيف للشمس انهدى*** و صار المعرّي بمحبس الحكمه رهين
و متل ما للصـــــــبح هالورد انهدى *** و صار الشعر يشـرب خمور الأندرين
هيك رامــــي بلون "مشتاوي" ابتدى*** يروتش يسار .. يمرجــح الريشه يمين
حتّى اختصـــر عمرو بعمر المنتدى *** قدّيش حـــــلوي يخلصوا كل السنين !!
و يصير عمرك منتدى من الياسمين


Powered by vBulletin® Version 3.7.0 Copyright ©2000 - 2008, Jelsoft Enterprises Ltd. Search Engine Optimization by vBSEO 3.0.0 ملاحظة هامة: المواضيع و المشاركات المطروحة في المنتديات لا تعبر بالضرورة عن رأي إدارة الموقع و مشرفيه و إنما تعبر عن رأي كاتبيها.