يا راما ..

[راجح]

ياما كنت اقرالك ..و ياما = غمزتك بالحكي ورمشك تعامى
بس اليوم فرصه وجاي قلك = بعيدك تسلمي النا ياراما
واذا من الحظ حقك ماوصلك = واسمك ماانكتب بين النشامى
أنا متلك ..وفلي متل فلك = صفيوا زهرتين بفرد ضامه
وت قلك شو بعزك شوبجلك = وكيف بمهجتي وهجك تنامى
من الورد الحلو باقه بشلك = ومن الالهام وشعور ل تسامى
ومن الشعر ل ضوي شمعه بظلك = بقدملك صلا بابا الكنيسة

عمنمزح

[راما]

ياراجــــــح كيف رح أتشكّرك قلّي*** لشعرك صرت عم صـــــوم وبصلّي

يناغي فؤادي متل نغمة كــــــــنار*** يلمس شعوري متل صـــوت درغلّي

رح بدعي لربّي يـطـــــــوّل الأعمار*** تنضلّ نقرا من شعر راجــــــــــــح

******************وزيد بمركزو ياربّنا وعلّي********************


أنا كتير بتشكرك ياشاعرنا ياكبير
انك لاحظت عيد ميلادي كان مبارح
يسلمو ايديك الحلوين عا هالقصيدة


راما

[راجح]

نشالله بعيد الجاي ياراما = نشوف رسمك فوق رزنامه
ويصير اسمك متل هيلاري = أو عالقليله متل أوباما

[عصام يوسف]

إذا بيفتّحوا زهــــــورك يا راما *** الندي عَ وراقـــــــها بيكتب دراما
كل ما رموش عينيكي إنسابوا *** متل إيدك على شـَـــــــعر الخُزاما
تَ صـــــــار بعيدك يلوّن غيابو *** و كشف ارض الحلا فاسكو ديغاما
من الغيمه الصــبح يشلح تيابو *** و من غطيطه العتم يلبــــس بيجاما

[راما]

أحلى معايدة منك ياغالـــــــــي *** همسك داعب عيوني وخيــــالي
مابعرف كيف رح بقدر كافيكن ***أنت وراجح عليّ غوالــــــــــــي
الله يزيدكن زوق ومــــــــــقامة *** وتبقو بمركز مقدّر وعــــــــالي
انشالله راجح بيـــــملـك تورنتو *** وعصام الشاعر بيملك ميــــامي


الشاعر الكبير عصام الف شكر الك
عاكلماتك الحلوة .

راما