أنا صار لازم ودعكم يا أعضاء مشتاوي ......susu

susu · #1 06-09-2006

أنا صار لازم ودعكم يا أعضاء مشتاوي ......susu

أنا صار لازم ودعكم وخبركم عني
أنا كل القصة لو منكم ماكنت بغني
غنينا أغاني ع وراق غنية لواحد مشتاق
دايما بلاخر في اخر في وقت فراق

يسلم تمك يا ست فيروز ما تركتي مرحلة من مراحل هلعمر أو شعور حلو , حزين أو مر وما غنيتيلنا ياه
دايما بلاخر في اخر في وقت فراق
وأنا فعلا صار لازم ودعكم لانو بلش العام الدراسي الجديد وبدي ادخل منتدى جديد هو منتدى الاساتذة والكتب
والنظريات الفلسفية واخباار العرب وجغرافية الوطن العربي . أكيد رح يضل محل مشغول بقلبي اسمو مشتاوي
تصدر منه مشاعر كتير حلوة تتخلل بكياني وترد أفكاري لذكريات حلوة تتنقل بين الاقسام وترسم البسمة على وجهي وتلهب الشوق في قلبي لما بتذكرمديرنا وأخونا الكبير اللي بيشرف علينا دائما وبيثني علينا وقت بنكون على صواب وبينبهنا وقت بنغلط (اميغو ) وكمان مشرفنا العام (ايكو) أختنا الكبيرة العظيمة( ثناء حيدر) والاستاذ الكبير( جعفر حيدر) ورسولة الفن والطرب الذواقة دائما للفن الراقي الصديقة( غولدن روز) والعم العزيز( ريلاكس)وزميلنا الحنون (الحنون ) و(جون) المتميز بأفكاره , والخارق( سيمانتيك [/])والاعضاء الاحباء "صديقتي الوفية سيسي- الخال العزيز ملبلم –و بشار - آرنولد– أديداس -الزلزال – مايك75 – ريشا8- جادو -تيتي – جكل – وسوفي –– هادي – نسر – أبو الزلف – باسوورد –– the sad lover هالة– نانيتا – باسكال – رموش – جلنار- نوغا – أنوووووس–المشتى -سامو - آنجل - إن إن mimi-koba-honey girl-سيماس – رنوش" وبلاضافة الى كل الاعضاء لعرفتهم ونسيت اذكر اسمائهم
وبتمنى ما تنسوني وتسامحوني اذا ارتكبت اي غلط بحق اي عضو منكم وانشالله بلاقيكم الصيف القادم بعد انتهاء امتحانات الثانوية العامة بأفكار جديدة ومشاركات متنوعة وديرولي بالكم على قسم الطفل

ومتل ما قالت الست فيروز .

بكرا برجع اوقف معكم
اذا مش بكرا البعدو اكيد
انتو حكوني وانا بسمعكم
حتى لولا الصوت بعيد

ورجعت الشتوية ضلوا افتكروا فيي يا اعضاء مشتاوي
مع محبتي susu

bashar · #2 06-09-2006

العزيزة سوسو ساكون اول من يودعك كما كنت اول من يودع سيسي و بقالك الله يوفقك هل سنة و نشوفك معنا سنة الجاي بالمنتدى و بالجامعة تحياتي الك و اقول لك من اغاني ابو وديع
الفرقة صعبة كتير يا قمر مش قادر اصبر عا غيابك
كل ليلة بجمع دموعي و بسهر مع دمعات شموعي
انا انا و الحب و عزابك

ابو الزلف · #3 06-09-2006

المنتدى بيزعل ع حبابو -------و دمعاتو بيخبيها
وردة رح تبقي بكتابو --------- الحنية بتبقى فيها
وان دقت سوسو بوابو -------- بيشرع بابو و بيقول -محلا دقة ايديها

**symantec** · #4 06-09-2006

chere susu, c'est vrai que ca sera difficile qu'une candidate aussi importante nous quitte pour une periode d'un an, mais en meme temps nous sommes content puisque vous savez bien comment preparer votre avenir
c'est pour cela au nom de tous les membres , et de la direction de mshtawy nous vous souhaitons une tres bonne reussite dans vos examens
et nous attendons avec impatience votre retour apres 9 mois

wissam

jado · #5 06-09-2006

وانا بحب ودعك وقلك المنتدى بلاكي مابيسوا شي ولله يوفقك بالباكلوريا ودرسي منيح ونحنا رح نشتقلك يا احلى سوسو

**amigo** · #6 06-09-2006

سوسو يا سوسو
صباح الخير
عندما أخبرتني بنيّتكِ في المغادرة تجاهلت الموضوع على أمل ان تتجاهليه أنت أيضاً
ولكن على مايبدو أنك مصرّة على وداعنا ... على أمل العودة طبعاً
لا يسعني إلا أن أتوجه إليكِ بخالص الشكر والتقدير على اجتهادك المتواصل وبحثك المستمر لدعم قسم الطفل بكل ما هو مفيد وممتع
اتمنى لك عام دراسي مليء بالصحة الجيدة والهمة العالية والتوفيق الدائم وأن تُتَوجي هذا العام بشهادة ثانوية مميزة تفتح لك الابواب أمام مستقبل مميز مليئ بالنجاحات
لكِ مني كل مودة وتقدير

goldenrose · #7 06-09-2006

سوسو مغادرتك رح تزعلنا وعدم مشاهدة اسمك ومواضيعك كل يوم رح يمللنا
لكن انا اكيدة وكل اعضاء مشتاوي كمان انه رح يكون الك مكان لو غبتي بقلبنا
ونحنا رح ننطرك متل نطرة الام لعودة ابنها واكيد رجعتك وقتها رح تفرحنا

بتمنالك كل التوفيق والدارسة الجيدة والعلامات الاحسن في آخر العام الدراسي

ورجعي لعندنا انتي ورافعة راسك منشان نحنا كمان نرفع راسنا فيكي اكتر واكتر

Ano0o0o0o0o0oS · #8 06-09-2006

سوسو يا ملاك الرحمة
متل ما قالو اخواني بالمنتدى انو نحنا بلاكي ولا شي والمنتدى رح يفقد عضوة كانت جدا فعالة فيه
بس في شي اهم من شي وهوي الدراسة وبتمنا تكوني من المتفوقين وتنولي يلي ببالك يا رب
تحياتي للجميع
أنووووووووووووووووووس

sisi · #9 07-09-2006

سوسو الغالية
أمنياتي القلبية لك بالتوفيق و النجاح في عامك الدراسي
بانتظار عودتك

the sad lover · #10 07-09-2006

الله يوفقك يا susu بحياتك و انشاء الله بتجيبي علامات منيحة السنه و بنفرح فيكي هون بمشتاوي و راح نفتقد مواضيعك الحلوة بالمنتدى

و بقلك مره تاني الله يوفقك و يسعدك

honeygirl · #11 08-09-2006

أنا كتيييييير زعلت لما ها شفت ها الموضوع بصراحة رح نستفقدلك كتير ورح نستفقد لمواضيعيك الحلوة و خصوصا موضوع صور الأطفال الحلوة إلي فيا كلمات أحلى و أحلى

بتمناليك التوفيق و النجاح و إنشالله بتجيبي أعلى و أحسن العلامات يا رب

و بترجعيلنا بأحلى المواضيع

وبقليك الله يوفقك ويكون معك يارب

semas · #12 09-09-2006

الغالية سوسو منودعك على امل تغني مع فيروز\ بكرا بوقف معكن اذا مش بكرا البعدو اكيد \

الله يكون معك ومنتمنالك التوفيق بالدراسة وناطرينك من جديد

titi · #13 13-09-2006

رح نشتقلك كتيررررررر يامشرفتنا الحلوة ومنتدى الطفل بلاكي ولا شي بس الدراسة أهم ونشاء الله بترجع على المنتدى وبترجعي بتنوريه مع أحلى علامات

JIjJjJI · #14 13-09-2006

العزيزة susu و sisi

بعد ما كان الموقع قيد التصليح فتحته اليوم و رأيت ما رأيته بأنكم سوف تتركون المنتدى

بصراحة رجعت اكتب ردي هاد خصيصا لاجل susu و لاجل sisi

اتمنى لكم التوفيق و النجاح

و الرب يكون معكم

angel · #15 19-09-2006

انا والله ياسوسو الغالية ماشفت الموضوع لهل الوقت لان دخلاتي ع المنتدى صايرة قليلة شوي فعذرا ع التأخير
انا بتمنالك التوفيق بدرساتك وحياتك ونشالله بضلي معنا وبترجعيلنا الصيف الجاي وانت حاملي نجاحك معك
الله يوفقك ورح نشتقلك