May 05, 2008 10:12:55 PM -نسخة للطباعة |(1045) مشاهدة
الشهيد بشارة عيد من مواليد مشتى الحلو 1950.. بعتقد أول شهيد من المشتى وبمناسبة عيد الشهداء حبيت احكي هل قصة اللي تركت بنفسي أثر كتير كبير .. وبتمنى من اللي عند معلومات عن الشهيد بشارة ما يبخل عنا فيها .
بـ 8 تشرين الأول بسنة 1973 بعد بداية حرب تشرين بشي يومين
كنت بشارع حلب بالشام حوالي الساعة 11 الصبح , رايح بالسيارة ع بيت العميد الركن ( حسن توركماني ) الّي كان وقتها قائد الفرقة التاسعة وهلق وزير الدفاع وكنت أنا سائقه الشخصي .. وبالصدفة مرق من حدي زيّل عسكري ( 130 ) مليان عساكر قوات خاصه ببدلاتن الموهة ...
لفت انتباهي شخص عم بيلولحلي بأيدو بحرارة والابتسامة ع وجهو و كأنو بيعرفني كتير منيح ... أتمعنت فيه وأنا عم بتسائل مينو هل عسكري اللي عم يرفعلي بأيدو ؟! وبعد ما رفع الطاقية عن راسو تأكدت أنو هذا بشارة عيد من المشتى... ضحكتلو وأشرتلو بأيدي لوين يا بشارة ...؟
صار يوميلي بأيدو ويأشر باتجاه الجنوب ( الجبهة )
ومن وقتها راح بشارة وما عاد حدا شافو .. وكنت أنا أخر شخص من المشتى شفتو وشافني .
