الكاتب: عدنان حلو | في: January 30, 2010 07:48:38 PM

شكرا جزيلا للصديق العزيز الدكتور عيسى على هذه الهدية الجميلة والمثيرة للكثير من الحنين. أما ردنا عليها ففي الطريق إلى مشتاوي

الكاتب: ابو شكري -- الكويت -- | في: February 09, 2010 08:20:05 PM

ا الى الاخ الدكتور عيسى من روائع السبعلي عنك سألوني الوديان اشتقنا لهالغايب وينو؟ قلتلن حامل لبنان عالغربه بقلبو وعينو!.. السندياني الحدّ البيت تذكّرها.. محلا التذكار كيف رقصت لمّن طلّيت من الغربه أول مشوار.. والسواقي عم بتعنّ وعمبتدويلم نغمات بقلب العليقه، بو الحن صفّا وحدو، طق ومات!.. كان بالماضي مش هلّق المرفع بالضيعه معروف ما في دبيحه تتعلق لا عرس، ولا زقف كفوف.. وفي بالساحه دكاني صاحبها اسمو لحود ما عاد يعبّي قناني ولا أيام البسط تعود * مبارح قلّي بو طنوس بدمعة عين، بوج عبوس: انجتنا كبسي عالضيعه ما في من يضرب دبوس! ما في غير ختياريي عم تمشي عالعكازات ومن عينين مسيحيه تشّو خيطان الصوفات بيمرق بيّاع البوبلين ما حدا بياخد منّو راحو شبيبات الحلوين مين بدّو يسأل عنّو؟ صفّا رزق الضيعه.. بور سايب.. والبيدر مهجور.. لا في ختم ولا مختار ولا شرطيه ولا ناطور! يا جرصتنا من المطران ومن الصوره والقوني ما عدنا نلاقي انسان يخدملو بالكرشوني