الكاتب: george | من: unknown | في: Tuesday, Jun 23, 2009 1:10 PM

كتر خير يا دكتور ومنيح عنا هيك موقع فينا من خلالو نسمّع صوتنا لأن تساؤلك هو مشترك مع معظم اهالي المشتى وبتمنى من البلدية توضحلنا شو عم بيصير وايمت بدن يخلصوا لانو بفعل شي بيزعج كتير

الكاتب: ايدي رامز سركيس | من: unknown | في: Tuesday, Jun 23, 2009 4:00 PM

لا تتفاجأ يا حكيم عوجة

الكاتب: م. جورج عبدوش | من: unknown | في: Tuesday, Jun 23, 2009 4:49 PM

الدكتور نائل المحترم نحيطكم علماً بأن مؤسسة المياه تقوم حالياً بتمديد شبكة مياه جديدة بأنابيب حديثة .. أما بخصوص قيام المؤسسة بالحفر في هذا الشهر فهذا يعود لهم لأسباب خاصة بهم ... ولكن فور علم البلدية بمشروعهم تم التنسيق معهم و الطلب منهم بالإسراع بتنفيذ مشروعهم ضمن قطاع البلدة وإعطائهم مهلة حتى العاشر من شهر تموز لإنهاء أعمالهم .. علماً أننا لن نسمح لأية جهة كانت بالقيام بأية أعمال ضمن البلدة وخصوصاً مركز البلدة والشوارع الرئيسية اعتباراً من 10 / تموز ولغاية 15 / أيلول بسبب الموسم السياحي .. كما نقوم بمنع أية آلية تصدر أصوات مزعجة بالعمل ضمن المناطق السكنية خلال الفترة المذكورة ويسمح لهم بالعمل خارج المناطق السكنية اعتباراً من الساعة الثامنة صباحاً وحتى الساعة الثالثة ظهراً فقط .. مع العلم أننا قمنا بتأجيل تزفييت الوصلا ت الثلاثة ( قرب مركز الهاتف وقرب كافتيريا عالبال ومقابل فندق البارادايس ) الى حين الإنتهاء من تمديد شبكة المياه الجديدة في المناطق المذكورة . شكراً لإهتمامكم ... مع تحياتي للجميع . نائب رئيس مجلس البلدة م. جورج عبدوش .

الكاتب: متابع | من: unknown | في: Tuesday, Jun 23, 2009 5:12 PM

شكرا للمهندس جورج عبدوش على سرعة تجاوبه و الرد و لكن على افتراض ان مؤسسة المياه لم تنتهي في الموعد المحدد لها من قبل البلدية (و هذا ما أتوقعه) ماذا ستفعلون آنذاك ؟؟؟ و أعيد و أجدد شكري للمهندس جورج عبدوش (صوتي لك في الدورة القادمة انشاء الله)

الكاتب: علي | من: unknown | في: Tuesday, Jun 23, 2009 5:43 PM

هلق عراسي انو شبكة أنابيب جديدة وحديثة ويا لطيف بس يعني معلش أظن بتتأجل شوي ماعم تموت العالم لأنو ما في مي وما عم توصل المي عبيوتهم ... وبعدين شو يعني أمر الحفر يعود لهم ليش انتو مو بأيدكم توقفو اي مشروع واي امر متل هالشي بيضر بالسياحة بالبلد .... يعني وبعدين برأيك انو الموسم السياحي بس ببلش اعتباراً من 10 / تموز ولغاية 15 / أيلول هيك يعني نازل بالرزنامة وغير وقت مافي الدومري بالشارع ..... شو هالحكي وهالمبررات يلي مالها معنى..... بس بهنيكم على شغلة وحدة بس انو مستغرب واخيرا ادركتو انو الحفر بيصير قبل التزفيت يعني انا عم قول غريبة ليش ما زفتو هالشقفة تاري في نواياااااااااااااااااااااااااااااااااااا ........شكر لموقع المشتى وولإدارة وياريت النشر

الكاتب: درغام | من: unknown | في: Tuesday, Jun 23, 2009 7:38 PM

يؤلمني أن أقرأ تصريح لنائب رئيس مجلس البلدة الذي إن دل فيدل على سذاجة وبساطة في الأمور فيقول : " أما بخصوص قيام المؤسسة بالحفر في هذا الشهر فهذا يعود لهم لأسباب خاصة بهم ... ولكن فور علم البلدية بمشروعهم تم التنسيق معهم و الطلب منهم بالإسراع بتنفيذ مشروعهم " هل هذا معقول يا أستاذ جورج ..؟؟ الم يكن للبلدية علم قبل ذلك الوقت ؟؟ البلدية يجب أن تكون الأمر الناهي في المشتى وليس الجهات الإخرى . من ناحية أخرى سمحتم لهم بالعمل حتى 10 تموز يعني أن 50% من موسم الأصطياف ذهب هباءا لأن الموسم ينتهي هذا العام في 20 أب .. ألم يكن من الممكن تنفيذ المشروع في أيار او في أيلول ؟؟ أم أن مصلحة المتعهدين هي التي تملي شروطها ؟؟ في جميع الأحوال نشكر الأستاذ جورج عبود على رده ونشكر الدكتور نائل على إثارته للمواضيع التي تهم كل مواطن .

الكاتب: م.جورج عبدوش | من: unknown | في: Tuesday, Jun 23, 2009 11:50 PM

أولاً أقول للأخ (المتابع ) : لاشكر على واجب مع العلم أنه لايوجد أحد يلزمني أو يجبرني على الرد وإنما أقوم بذلك عن طيب خاطر للإيضاح .. ثانياً إذا لم تنته المؤسسة من أعمالها ضمن الوقت المحددلها فسنوقفها عن العمل ضمن قطاع البلدة فقط ...ثالثاً شكراً لك ولصوتك ولمعلومك لن أترشح للدورة القادمة ولا غيرها ويمكنك إعطاء صوتك لعضو المجلس ماهر إن أحببت . أما الأخ ( علي ) : يعني مابيعجبكن العجب .. هل تتمنى أن تبقى شبكة الماء القديمة المهترئة على حالها ؟ ام تفضل ابدالها بشبكة جديدة لإيقاف الهدر ؟ ياللعجب !!!! ثم نحنا مو بأيد نا نوقف أي مشروع إلا ضمن قرار مجلس البلدة الذي يحدد كل عام اعتباراً من 15/ 7 ولغاية 15/9 ..... ثم إن الموسم السياحي الفعلي الحقيقي كما هو معلوم مدته شهر واحد من 15تموز وحتى 15 آب ( بعدين فيك توضح شو قصدك : في نوايا ) ؟؟؟؟ أما الأخ( درغام ) : لاتواخذني يعني لو كنت بعرف أنو ردي راح ( يؤلمك ) والله ماكنت رديت ... ثم هل قول الحقيقة يعتبر بنظرك ساذج وبسيط ؟ أم إن تفكيرك هو السطحي ونظرتك للأمور هي السخيفة والساذجة ؟ المهم : طبعاً المؤسسة هي التي تحدد مدة مشروعها وتاريخ أمر المباشرة للمتعهد وفق دفتر شروط محدد والبلدية لاعلاقة لها بذلك ... ثم إن البلدية لم تعلم بمشروعهم إلا اثناء تنفيذ مشروع التزفييت الثاني ومن ضمنه الوصلات الثلاثة المذكورة ... ثم أنه لاعلاقة للبلدية بمشاريع الجهات الأخرى سواءً كان مقرر تنفيذها في شهر شباط أو آب هذا لايهمنا .. ما يهمنا هو إلتزام الجهات الأخرى بقرارات مجلس البلدة سواء عجبها هذا أم لم يعجبها وسواءً تضرر المتعهد .. ربح .. خسر .. لايهمنا .... أخيراً هل تستطيع بالدليل القاطع أن توضح لنا كيف ( أنو 50% من موسم الإصطياف ذهب هباءً ) ؟؟ مع تحياتي .

الكاتب: علي | من: unknown | في: Wednesday, Jun 24, 2009 2:50 AM

يعني مشكور يا سيد جورج على الرد بس حابب كمان تابع النقاش مع حضرتك بما أنو فتحت الموضوع وفتحتو .... يبدو انو انت ما قريت كلامي بشكل واضح انا قلت انو أجلو أجلو أجلو ما قلت ألغيها وبلا المشروع وما احتجيت وقلت المشروع غلط ... قلت كان بأمكانكم تأجلو المشروع لينتهي الصيف وبعدين يا أخ فظعو اقبعو الزفت اقبعو الرصيف وومددو مو شبكات ري بس مدو يلي بدكم ياه وبعدين يعني حلوة انو بتعرفو انو شبكات الماء القديمة مهترئة يعني حاسين على هالشي حلو ... تاني شي من وين اجت هاي انو " الموسم السياحي الفعلي الحقيقي كما هو معلوم مدته شهر واحد " جد خبرني بس قلي بربك هاي مكتوبة بشي رزنامة ولا شو .. انت بتعرف ابن المشتى انو الموسم السياحي مابيقتصر بيوم ولا بشهر هوي كل الصيف من مجرد ما انتهت المدارس لوقت ما ترجع تفتح ... يعني هادا انو الموسم الفعلي ولا النظري كلام فاضي ... كلام جميل ورائع ومشكور لردك انا ماني عم احكي لحتى سئ لحدا بس الغلط غلط وصعب انو يتغطى او ينستر يعني الكل شايفينو غلط ..... شكر للإدارة لسماحي بالرد

الكاتب: geroge saloum | من: unknown | في: Wednesday, Jun 24, 2009 11:00 AM

بعد شكر الاستاذ جورج على الرد بهدف التوضيح : ورد في رده العبارتان التاليتان : (( ثانياً إذا لم تنته المؤسسة من أعمالها ضمن الوقت المحددلها فسنوقفها عن العمل ضمن قطاع البلدة فقط )) السؤال : إذا انقضى الوقت المحدد ولم تنتهي عمليات الحفر والردم توقفين العمل وتتركون الشوارع في حالة حفر وخنادق وكتل ترابية حتى ينتهي الصيف ؟؟ أم تمددون فترة العمل لإنهاء المشروع ؟؟ العبارة الثانية في كلامك : (( الموسم السياحي الفعلي الحقيقي كما هو معلوم مدته شهر واحد من 15تموز وحتى 15 آب )) صراحة فاجئني هذا الكلام الغريب عجيب بشدة ولم اكن اتوقعه من انسان منطقي ومثقف وكأنك يا استاذ جورج لا تعيش في المشتى ... وحتماً هذا الكلام سيؤثر على مصداقيتك في الأمور الاخرى . الطفل المشتاوي الصغير يا صديقي يعرف ان الصيف يمتد إلى اخر يوم قبل افتتاح المدارس وربما بعدها احياناً وتستطيع ان تراجع ذاكرتك خلال السنوات السابقة أو تسأل أي عائلة في المشتى لديها شقق للآجار وهم كثر متى ينتهي الموسم أكيد لن يقولو في 15 آب . وأيضاً على الرغم من أننا في حزيران فايام الخميس والجمعة والسبت في المشتى في حالة كثافة سكانية كبيرة , فعلى من ينطلي كلامك !!

الكاتب: المهندس حنا سلوم | من: unknown | في: Wednesday, Jun 24, 2009 1:27 PM

الأخوة الأعزاء جميعا كل ماذكره صديق المهنة المهندس المهذب والمهذب جدا صحيح والموسم السياحي الفعلي هو شهر واحد حيث المشتى تعيش ذروة الإصطياف في ذلك الشهر بجميع أشكاله وحيث تكون درجات الحرارة في أقصاها في المدن الأخرى تجد المصطافون يأتون للتمتع بجمال الطبيعة وطيبة الأهل والخدمات الممتازة والأمان طبعا ومن تعود أن يأتي إلى المشتى لايهمه أعمال حفريات وماشابه كل ماهنالك سيتم تحويل بعض أجزاء من الطريق إلى طريق بديل ريثما تنتهي الحفريات لكم مني كل التحية الدوحة قطر

الكاتب: geroge saloum | من: unknown | في: Wednesday, Jun 24, 2009 1:51 PM

والله شي غريب !! ما بعرف إذا المهنــــــــدس حنا سلوم مفكر الموسم السياحي بالمشتى مرتبط بوجوده , يعني إذا بيجي على المشتى شهر يعني الموسم السياحي شهر , بعدين مدة الموسم ما بيحددوه اشخاص مو عايشين بالمشتى او على مزاج ومصالح البعض الأخر . الموسم يحدد بالوقائع والأرقام والحركة ضمن البيوت المخصصة للآجار والفنادق والمطاعم والاسترحات . وما في داعي من باب الصداقة خلق مبررات واعذار لأخطاء ومخالفات واضحة

الكاتب: المهندس حنا سلوم | من: unknown | في: Wednesday, Jun 24, 2009 5:10 PM

ياسيد حورج سلوم و انت من نفس العائلة إقرا جيدا حلل ثم رد ولا تكن عنيفا بردودك الغير عقلانية سواء لي أو للمهندس المهذب جورج عبدوش ولم أكتب لأن جورج صديقي فالكل في المشتى أصدقائي وجورج صديق مهنه وأعتز بصداقته حتى لو لم أره منذ فترة طويلة جدا الموسم السياحي في المشتى أو غيرها لا يعنيني على الإطلاق وإجازتي من عملي هنا يحددها ظرف العمل وليس الموسم السياحي وهذه ليست المرة الأولى اللتي تتم فيها بعض الحفريات وفي مواسم السياحة سابقاكانت هنالك بعض احفريات ولم نسمع حينها أحد يشتكي إذا كنت تعتقد أن السياحة تقاس بعدد المطاعم والإستراحات المنتشرة على طول الطريق اللذي سيتم الحفر فيه واللتي تعتقد أنها ستتأثر من جراءذلك فأنت مخطئ والمشتى فيها من الإمكانيات السياحية بجميع مجالاتها مايكفي ولا داعي لذكرها lمع تحياتي للجميع الدوحة قطر

الكاتب: علي | من: unknown | في: Wednesday, Jun 24, 2009 6:23 PM

والله ما بيعرف الواحد شو بدو يرد ... لك مستغرب كيف عم تبرر "وفي مواسم السياحة سابقاكانت هنالك بعض احفريات ولم نسمع حينها أحد يشتكي " يعني برأيك انو خلص اتعودنا هيك يعني عادة صارت انو الحق علينا برأيك عم نشتكي ... بربي ما بيعرف شو الوحد بدو يحكي وكانكم عم تحاولو تبررو المشروع وتبررو هالفعل الخطأ بكلام لا يدخل للعقل ولا بشكل من الأشكال وبعدين يا سيدي السياحة تقاس طبعا بعدد المطاعم والاسترحات يعني ما بعرف حضرتك وين شايف سياحة مثلا بشارع مافيه المخلوق او ما فيه مطعم شو رأيك بالسياحة على طريق طرطوس صافيتا بنجننن .... ما بعرف جد ما بعرف شو بدي احكي يعني عم حاول افهم وحلل كلامك بس صعب ...ونقطة بس بدي قولها على تحليلك الفظيع بالرد يلي قبل هيدا و يلي قلت فيه "سيتم تحويل بعض أجزاء من الطريق إلى طريق بديل ريثما تنتهي الحفريات " لك انت شايف هالنقطة يلي عم يتم فيها الحفر وينننننننننننن لك بنص المشتى بربك بعدين الطريق التاني خرج يتحول عليه وقت يصير زحمة سير يعني انو عادي كتير برأيك هيدا هوي الحل ..... اي حاجججججججججججج بقا تبررو وتحكو جد في ناس كتيرة عم تقرأ هالحكي وبتقدر تميز الغلط بحكيكم ........................ شكر كبير لإدارة الموقع

الكاتب: د.نائل سلوم | من: unknown | في: Wednesday, Jun 24, 2009 7:12 PM

أشكر كل من مر على هذا الموضوع و شارك برأيه وأخص منهم الأستاذ جورج عبدوش وأحب أن أسجل بعض النقاط التي لفتت انتباهي أثناء متابعتي للنقاش الدائر بين القراء . أولا ً : موسم الصيف كان في الماضي شهرا واحدا أما الأن فالصيف يمتد حتى بداية تشرين الأول . ثانيا : لا أحد ضد تجديد شبكة المياه و مكافحة الهدر كما تفضلت ( وليس في المياه فقط ) ولكن كان من المفترض أن تقوم تلك الحفريات في شهر نيسان أو إيار وكان من واجب مجلس البلدة أن يفرض تاريخ بدء الحفريات انطلاقا من مصلحة المشتى وأهاليها ولا يترك لأاية جهة كانت حكومية أو خاصة أن تتحكم بتاريخ ومكان الحفريات لأن أهل مكـّة أدرى بشعابها . ثالثا : الطريق الغربي يا أستاذ حنا هو مفتاح السياحة في المشتى , فمنه بدأت السياحة , من منتجعه , من المقاهي المتشرة على جانبي الطريق والتي إجتذبت السياح والزوار , وإلكل يعرف و يعايش الزحام في الصيف فكم بالأحرى الأن والطريق محفور ؟؟ رابعا : جل ما أخشاه يا أعزائي بأنه لتوقيت الحفريات في هذا الوقت بالذات غاية قد نجهلها !!!

الكاتب: متابع | من: unknown | في: Wednesday, Jun 24, 2009 7:21 PM

خيي علي طول بالك لا تعصب و الله خفت عليك لشو هالعصبية كلا و الله حسيتك عشوي عم تعض كمامك بعدين لشو قاتل حالك هالقد عالسياحة بالمشتى لتكون صاحب شي كولبا أو عندك شي جاط عرانيس مقابيل هالطريق اللي عم يحفروا عندو بعدين يعني من سنتين كانت الكهربا ما تجي ساعتين بالنهار و كانت العالم تطلع من تيابا من الشوب و كمان مرة حفرو الرصيف عالطريق الغربي كلو بنص الصيف و ما انضربت السياحة هلاء لأنو عم يحفرو بطريق مشان يصلحو شبكة المي بدا تنضرب السياحة احكي حكي منطقي خيي نحنا عايشين بالمشتى و شايفين بعدين شو مشان اسمك ؟؟؟ أكيد من المشتى حضرتك !!!

الكاتب: علي | من: unknown | في: Wednesday, Jun 24, 2009 7:41 PM

يا خيي المتابععععع ... جد شي مضحك انو ما بيفرق معك يعني متمسح عالأخير ... لو بيحفرو بنص صالون بيتك بتقول عادي ولو هديك السنة كان هيك وحفرو بالحمام وما تاثرنا وكنا كل يوم نتغسل ... هههه فعلا شي مسخرة يعني بنضل نسكت ونقول ويلا معلش وهيك كان وهيك وبسيطة .....و برأيك انو يلي عندو جاط عرنيس بيوت عالأنترنت ومتابعععععع لهيك مواضيع ...هههه فعلا شي حلو وشغلة اخيرة بس ضروري ابن المشتى يعلق عالموضوع بس يعني يلي شايف الغلط برأيك يسكت بس وانو ابن المشتى بس يلي بيحقلو يعلق على هالموضوع ...فعلا متل ما قال ايدي عوجاااااااااااااااااااااااااااااا

الكاتب: متابع | من: unknown | في: Thursday, Jun 25, 2009 4:04 AM

و الله يا معلم كنت حابب ردلك بس شكلك صغير بالعمر و ما فهمت شو قصدي بعدين شكرا عالإحترام تبعك بس صغير شو الحل و شغلة اخيرة اكيد بس ابن المشتى اللي بيحقلو يعلق عالموضوع لأنو ماحدا بيخاف عالخواريف غير راعيها...دروس منيح

الكاتب: مشتاوي | من: unknown | في: Thursday, Jun 25, 2009 12:17 PM

يا استاذ جورج الطريق الغربي كلوووووو بدو تزفيت مو بس الثلاث وصلات يللي حافرينها

الكاتب: علي | من: unknown | في: Thursday, Jun 25, 2009 3:27 PM

هيدا مشكلتنا وقت ننحشر وما بقا نعرف شو بدنا نبرر بنصير نتهم ونهين العالم ... المهم خلينا يا حبيب بشرب المتة والأركيلة احسن شي ... بس بدي قلك شي انو بحياتي ما شفت هيك أنانية وهيك تحيز ما بعرف يعني برأيك اذا بكرا مثلا قصفو الشام بتقلي ما دخلي اهل الشام هني لازم يردو مالي علاقة خليني عم نفخ اركيلتي ...... رح نضل نايميننننننننننننننننننننننننننن خلينا بلا نصحا ويعملو يلي يعملوه

الكاتب: الياس | من: unknown | في: Saturday, Jun 27, 2009 5:16 PM

( جل ما أخشاه يا أعزائي بأنه لتوقيت الحفريات في هذا الوقت بالذات غاية قد نجهلها !!! ) كلام الحكيم هو بيت القصيد ,علّنا لانبالغ بلابتعاد عن لب المشكلة ونتلهّى بالرزنامات ومواعيد السياحة وأوقاتها , وأن لانفصل الأمور عن بعضها البعض , فالغاية غير مجهولة ياحكيمنا الغالي انّها واضحة وضوح الشمس و هي التخريب تحت ستار التصليح والترميم والاّ لماذا اختيرت هذه الاصلاحات الآن ؟ هلّق في سياحة مافي سياحة العالم مامعا تاكل موهون الموضوع , الموضوع أليست هذه الاصلاحات التخريبية الكيدية والمحدّدة الأهداف هي وراء انهيار السياحة والتجارة والاقتصاد في أي بلد في العالم ؟فليصلحوا مواسير العقول المنفسدة بالشر ولينظّفوا القلوب المحشوّة بالضغينة والتعصّب والحقد , والبقية تحصيل حاصل ,والنصر للحضارة الأخلاقية أوّلاً وأخيراً .

الكاتب: mshtawy | من: unknown | في: Saturday, Jun 27, 2009 9:40 PM

يعني على قولة ضيعة ضايعة "اذا حكى الواح بيقولو الواح كحى واذا ما حكى الواح بيقولو الواح ما حكى وشو بدو يحكي الواح ليحكي الواح".......يعني طلع مع بعض الناس انو غلط الواحد يحكي عالشغلة اللي ما بتعجبو...بلكي مفكرين انو العالم بالعسكرية ولازم تمشي على مقولة نفذ ثم اعترض....... يعني الواحد كان قال انو طنش تعش تنتعش بس صعبة لانو الشغلة الغلط كل العالم بدها تدل عليها وتحكي عليها.........ويعني خلص الشغلة مفهومة انو اذا العالم بتلحس السما بلسانها بدها تضل الحفريات مستمرة.....بس الموضوع ما بقى اذا الحفريات لازم تصير ولا مو لازم تصير.... الموضوع صار انو بدنا هالحفريات تخلص بسرعة وتجيب نتيجة مو سنة الجاي يرجعو يحفرو من اول وجديد لانو صار غلط او اهمال بالتنفيذ...........................وعلى فكرة يا ريت تخبرونا شو اسا في اخبار جديدة لانو الظاهر في كتير شغلات جديدة "الصيف شهر واحد من 15 تموز ل 15 اب؟؟؟؟؟؟؟؟؟؟؟؟" "البلدية رح توقف الاعمال اذا ما انتهت بالوقت المحدد؟؟؟؟؟؟؟؟؟؟" .............واخيرا بتمنى صيف حلو وكلو خير عالمشتى واهاليها........

الكاتب: خضر | من: unknown | في: Thursday, Jul 2, 2009 12:01 AM

اشكرو ربكن انو بدهين يغيرو البواري وبس واذا في حدي مزعوج من هالشغلة لا يجي يصيف بالمشتى من شو بتشتكي الضيع الساحلية التانية ؟ وبعدين وع حد علمي ومتل ما فهمت من معركتكن الكلامية انو السيد جورج رد ع سؤالكن يعني بدكن ياه يروح يسكر الجور أو يلغي المشروع ؟يمكن صرلوا ناطر مدري شقد حتى وصل قرار تغيير البواري للتنفيذ وانتو بدكو سياحة يعني هلق السياحة بتصير بلا طرق بس ما بتصير بلا مي يا جماعة !!! شكرا للسيد جورج على تجاوبه مع الجماهير وعلى لطفه وهذا معروف عنه من زمان لذلك يا سيد جورج عبي بالخرج انت المسؤول الوحيد بهالبلد اللي برد لهيك مستفردين فيك .