الكاتب: kathia aboudy | في: March 24, 2008 01:33:58 PM

لا عاد في سلل و لا عاد في لتمات كلما رحت مشوار عالمشتى بتلاقي بنايات جداد لا ضل طريق و لا ضل جبل و لاضل و ادي صرت بتدور دوارة ع العطشان تاتلمح منين كان مارق و بعد في كم وردة مبارح كانو طالين ع طريق المغارة , ريحة قصيدتك متل ريحة هالوردات ز مدري زعلانين مدري ندمانين مدري مشتاقين مدري بدون حدا يتزكر التراب بالمشتى ياخالو ما عاد في تراب الله يرحمك ياستي

الكاتب: تهامة عيد | في: March 24, 2008 01:43:22 PM

خليتني عيش أرق اللحظات بهذه الكلمات التي تحمل أحلى الذكريات تذكرت رجفة شفاف ستي، وخدودها الورديات بلون الزهر المندّي وعيونها اللي بتبرق لكل الناس، محبة وطيبة ومودّة ياريت لو كان كل إنسان ، نسخة مصوّرة عن ستي حتى يصيــر كوكبنـا ألمـع جرم سمـــاوي داخل نظامنا الشمسي وتنحكى قصتنا لكل الأجيال، عن شخصية أسمى من العرق الأرضي

الكاتب: عدنان يوسف ديوب | في: March 24, 2008 06:47:55 PM

شهادي.... لبنت إختي بوصيّ هـ الكلمات......كلمة سلام..مشاورير وبنـيّـات . إنتو الإرث.. من ريحـــة اللتمي......وخيال ستي بدرب الكرم آهات . دنية ربيع وعمر يضحك ع حفاف مشتانا وعرس زغرد ع التم غنيّات . ياخالي لولا العز من تربة (عفيفي) ماتعمر الحلم بصروح وعمامات . والورد فرحان ومع طـَـلّ الربيع......يزهــِّر لمشتانا جنّات من وردات. وستّك (عفيفي) شقايق النعمان..قيامة فصح..قربان.. وسلامات. وتراب مشتانا تبر غالي مهما كترت وعليت بنايات عدنان

الكاتب: محمود صباغ | في: March 24, 2008 10:44:10 PM

تسلم دياتك يا خيي عدنان على هالحكي الرائع وعلى هالمواضيع الحلوي يلي عم تتحفنا فيها.

الكاتب: منى ويوسف وميمي ديوب | في: March 26, 2008 10:40:34 PM

متل ما الت كاتيا لأت في سلل ولا لتمات ولا من يحزنون كلن صارو يلحقو الخصر الواطي والجزادين الشيك سبور {بدل السلات} يعني ..............